Samsung India चा मोठा धमाका! 2026 Bespoke AI Appliances ची नवी श्रेणी लॉन्च

Samsung India Bespoke AI Appliances 2026: सॅमसंग इंडियाने २०२६ बिस्पोक एआय अप्लायन्सेसची नवी श्रेणी लॉन्च केली असून, AI आणि SmartThings प्लॅटफॉर्मच्या माध्यमातून घरातील विविध उपकरणांना एकमेकांशी जोडण्यावर भर देण्यात आला आहे.

• घरातील कामं होणार आणखी स्मार्ट
• २०२६ Bespoke AI Appliances लाँच
• पाहा खास फीचर्स

मुंबई: सॅमसंग इंडियाने आज आपल्या २०२६ बिस्पोक एआय अप्लायन्सेस लाइनअप लाँच केली, जी ग्राहकांचे जीवन अधिक समृद्ध आणि सुलभ करण्यासाठी डिझाइन करण्यात आली आहे. ‘द ब्रीफ गुरुग्राम’ या अत्याधुनिक अनुभवात्मक इव्हेण्टमध्ये सॅमसंगने दाखवून दिले की, एआय विविध उत्पादन श्रेणींमधील एक समान धागा म्हणून कार्य करतो, ज्यामध्ये स्मार्टथिंग्स प्लॅटफॉर्मच्या माध्यमातून सवयी शिकून घेणे, कामे स्वयंचलित करणे आणि ऊर्जेच्या वापरावर नियंत्रण ठेवण्यास सक्षम असलेल्या परिसंस्थेत हवामान नियंत्रण, लाँड्री, लिव्हिंग रुम आणि किचन यांना एकत्र जोडले जाते. सर्वोत्तम टचस्क्रीन, प्रगत व्हॉइस इंटेलिजन्स आणि सर्वसमावेशक रचनेसह सुसज्ज असलेली २०२६ बिस्पोक एआय अप्लायन्सेस लाइनअप प्रत्येकासाठी कनेक्टेड, वापरण्यास सोपा आणि सुरक्षित स्मार्ट होम अनुभव प्रदान करते.

iPhone 18 Pro साठी मुंबईकरांची क्रेझ! Apple Store बाहेर रात्रीपासूनच चाहत्यांची रांग

“आमची २०२६ बिस्पोक एआय श्रेणी विविध जीवनशैली समजून घेण्यासाठी डिझाइन करण्यात आली आहे, ज्यामुळे ही श्रेणी प्रत्यक्ष जीवनातील सुविधा देणारा तुमचा ‘एआय होम कंपॅनियन’ बनेल. तंत्रज्ञान तुमच्या जीवनशैलीशी जुळवून घेईल असे ‘एआय होम’ तयार करणे हे सॅमसंगचे उद्दिष्ट आहे. घरे अधिक स्मार्ट, सुरक्षित आणि माणसाला केंद्रस्थानी ठेवणारी बनवण्यासाठी आमचे बिस्पोक एआय अप्लायन्सेस एआय व्हिजन, सॅमसंग नॉक्स सोल्यूशन आणि सर्वसमावेशक रचनेसह येतात. भारतात आज विकले जाणारे सॅमसंगचे प्रत्येक दुसरे अप्लायन्स हे बिस्पोक एआय अप्लायन्स आहे आणि आम्हाला विश्वास आहे की, आमच्या नवीन लाइनअपला ग्राहकांचे प्रेम आणि पाठबळ असेच मिळत राहील,” असे सॅमसंग साऊथवेस्ट एशियाचे प्रेसिडंट आणि सीईओ जेबी पार्क म्हणाले.

सॅमसंगच्या नव्या २०२६ बिस्पोक एआय होम अप्लायन्स लाइनअपमध्ये आधुनिक तंत्रज्ञान आणि आकर्षक डिझाइनचा सुरेख संगम पाहायला मिळतो. यात समाविष्ट असलेल्या फॅमिली हब रेफ्रिजरेटरमध्ये गुगल जेमिनीद्वारे संचलित ‘एआय व्हिजन’ तंत्रज्ञान देण्यात आले असून, ते व्हिडिओ-टू-रेसिपी सारखे संदर्भाधारित एआय अनुभव प्रदान करते. यातील ३२-इंचाचा स्क्रीन नोट्स, वेळापत्रके आणि मनोरंजनासाठी घरातील मध्यवर्ती केंद्र म्हणून काम करतो; तसेच यात फॅमिली केअर आणि पेट केअर यांसारख्या स्थानिक गरजांनुसार विशेष वैशिष्ट्यांचा समावेश करण्यात आला आहे.

या श्रेणीतील बिस्पोक एआय विंडफ्री™ प्रो एअर कंडिशनर हा एक नेक्स्ट-जनरेशन प्लॅटफॉर्म आहे, जो एआय-सक्षम नियंत्रणांसह उत्कृष्ट हवेच्या गुणवत्तेसाठी पीएम १.० प्युरिफिकेशन सुविधा देतो. यात स्मार्टथिंग्स आणि होम अप्लायन्स रिमोट मॅनेजमेंट (एचआरएम) द्वारे गरजेनुसार विस्तार करता येण्याजोगे हवामान व्यवस्थापन सहज शक्य होते.

तसेच, आधुनिक लिव्हिंग स्पेसेससाठी डिझाइन केलेला इन्फिनिट १-वे कॅसेट एसी (विंडफ्री™ सह) ९ लाइट मोड्ससह आकर्षक एज लाइटिंगसह येतो. याचा विंडफ्री™ कूलिंग सिस्टम १७,२०० मायक्रो-होल्सद्वारे थेट अंगावर गार वारा न टाकता खोली प्रभावीपणे थंड करतो. केवळ १३.८ सेमी डेप्थचे अल्ट्रा स्लिम प्रोफाइल असलेला हा एसी टिकाऊ एएसए (अॅक्रिलोनायट्रिल स्टायरीन अॅक्रिलेट) मटेरियलपासून बनवला गेला आहे. याशिवाय स्मार्टथिंग्स नियंत्रण, एआय कम्फर्ट मोड आणि इंटरटेक प्रमाणित अँटीबॅक्टेरियल कॉपर फिल्टर यांसारखी अत्याधुनिक वैशिष्ट्ये या एसीला अधिक कार्यक्षम बनवतात.

Online Shopping Safety Tips: एका चुकीच्या क्लिकने खाते होऊ शकते रिकामे; ऑनलाईन खरेदीपूर्वी लक्षात ठेवा ‘या’ 3 गोष्टी