Samsung: तब्बल 12,000 रुपयांनी महागणार Samsung Galaxy S26, ग्राहकांच्या खिशाला पडणार भगदाड

Samsung: सॅमसंग भारतात आपला फ्लॅगशिप स्मार्टफोन Galaxy S26 ची किंमत १२ हजार रुपयांनी वाढवणार असल्याचे सांगण्यात येत आहे. अजूनही याची अधिकृत घोषणा झाली नसली तरी अशा वावड्या उठल्या आहेत

• सॅमसंग आता Galaxy S26 ची किंमत वाढविण्याच्या तयारीत 

• तब्बल १२ हजार रुपयांनी महागणार मॉडेल

• नक्की आता भारतात किती रुपयांना मिळणार 

Samsung: मिळालेल्या माहितीनुसार, सॅमसंग भारतात गॅलेक्सी एस२६ (Galaxy S26) ची किंमत वाढवण्याच्या तयारीत आहे. एका टिपस्टरने दावा केला आहे की, उपलब्ध असलेले दोन्ही स्टोरेज व्हेरिएंट्स ₹१२,००० पर्यंत महाग होऊ शकतात. ही कथित दरवाढ अशा वेळी होत आहे, जेव्हा सॅमसंगच्या इतर फ्लॅगशिप आणि फोल्डेबल मॉडेल्सच्या संभाव्य दरवाढीची चर्चाही सुरू आहे. 

गॅलेक्सी एस२६ अल्ट्रा (Galaxy S26 Ultra), गॅलेक्सी झेड फोल्ड ८ (Galaxy Z Fold 8) आणि गॅलेक्सी झेड फोल्ड ८ अल्ट्रा (Galaxy Z Fold 8 Ultra) यांच्याही किमती वाढण्याची शक्यता वर्तवली जात आहे, मात्र या बदलांना अद्याप दुजोरा मिळालेला नाही. सॅमसंगने यापैकी कोणत्याही कथित दरवाढीची अधिकृत घोषणा केलेली नाही.

Samsung Galaxy A18 4G लॉन्च! सुपर AMOLED डिस्प्ले आणि 5000mAh बॅटरी; किती आहे किंमत?

पोस्टमध्ये केलाय दावा 

सॅमसंग गॅलेक्सी एस२६ (Samsung Galaxy S26) ची किंमत भारतात वाढण्याची शक्यता असल्याचा टिपस्टर संजू चौधरी (@saaaanjjjuuu) यांनी एका पोस्टमध्ये दावा केला आहे. सॅमसंग भारतात गॅलेक्सी एस२६ (Galaxy S26) ची किंमत वाढवू शकते. अहवालानुसार, 12GB + 256GB व्हेरिएंटची किंमत ₹87,999 वरून ₹99,999 पर्यंत वाढू शकते, तर 12GB + 512GB मॉडेलची किंमत ₹1,07,999 वरून ₹1,19,999 पर्यंत वाढू शकते.

सॅमसंगच्या अधिकृत वेबसाइटवर सध्या गॅलेक्सी S26 च्या 12GB + 256GB व्हेरिएंटची किंमत ₹79,999 आणि 12GB + 512GB मॉडेलची किंमत ₹99,999 आहे. हा अहवाल लिहीपर्यंत, या कथित नवीन किमती कंपनीच्या वेबसाइटवर अद्याप दिसलेल्या नाहीत.

Price hike alert 🚨
Samsung to increase the price of Galaxy S26 by upto ₹12k: 12/256GB: ₹87,999 → ₹99,999
12/512GB: ₹1,07,999 → ₹1,19,999 The Galaxy S26 Ultra also might end up being priced similarly to the iPhone 18 Pro. pic.twitter.com/p7uFXa2jEj — Sanju Choudhary (@saaaanjjjuuu) September 17, 2026

गॅलेक्सी S26 अल्ट्रादेखील होऊ शकतो महाग 

गॅलेक्सी S26 च्या संभाव्य दरवाढीचीही बातमी समोर आली आहे. गॅलेक्सी S26 अल्ट्रा देखील भारतात महाग होऊ शकतो या अलीकडील दाव्यानंतर आली आहे. तथापि, नवीन किमती आणि त्या लागू होण्याची तारीख अद्याप जाहीर करण्यात आलेली नाही. Galaxy Z Fold 8 आणि Galaxy Z Fold 8 Ultra यांच्या किंमतीतही वाढ होणार असल्याचे म्हटले जात आहे, परंतु या दरवाढीला अद्याप दुजोरा मिळालेला नाही.

त्या टिपस्टरने असेही सांगितले की, गॅलेक्सी एस२६ अल्ट्राची किंमत लवकरच देशात iPhone 18 Pro च्या किंमतीइतकी होऊ शकते. ॲपलच्या नवीनतम प्रो मॉडेलची किंमत भारतात ₹1,64,900 पासून सुरू होते. सॅमसंगच्या फ्लॅगशिप मॉडेलची सध्याची सुरुवातीची एमआरपी ₹1,39,999 आहे.

Samsung AI Smartphone: Samsung चा नवा Galaxy S26 FE बाजारात; स्लिम डिझाइनसह AI फीचर्सची मेजवानी

नवे पेमेंटचे पर्यायही जाहीर 

सॅमसंगने अलीकडेच भारतात Galaxy Z Fold 8 Ultra आणि Galaxy Z Fold 8 साठी 24 महिन्यांचा ‘गॅलेक्सी फॉरएव्हर’ नावाचा नवीन पेमेंट पर्याय जाहीर केला आहे. या योजनेअंतर्गत, ग्राहक फोनच्या किंमतीपैकी 60% रक्कम ईएमआयद्वारे भरतात, तर उर्वरित 40% रक्कम मुदतीच्या अखेरपर्यंत पुढे ढकलली जाते. यामुळे गॅलेक्सी झेड फोल्ड 8 अल्ट्राचा मासिक ईएमआय 9,417 रुपयांवरून 6,997 रुपयांपर्यंत कमी होतो, तर गॅलेक्सी झेड फोल्ड 8 चा ईएमआय 8,584 रुपयांवरून 6,416 रुपयांपर्यंत कमी होतो.