Tech Tips: स्मार्टफोन यूजर्स सावधान! या सवयींमुळे लवकर फुल्ल होतं स्टोरेज… वेळीच सुधरा, अन्यथा होईल मोठं नुकसान

Android Storage Problem: स्मार्टफोनचे स्टोरेज फुल्ल होणं, ही यूजर्ससाठी सर्वात मोठी समस्या असते. पण स्टोरेज फुल्ल होण्यासाठी स्मार्टफोन यूजर्सचं जबाबदार असतात. कसं? जाणून घ्या.

• तुमच्या स्मार्टफोनचे स्टोरेज फुल्ल झाले आहे का?
• तुमच्या या सवयींमुळे फुल्ल होतं स्मार्टफोनचे स्टोरेज
• गॅलरीमध्ये असलेले स्क्रीनशॉट आणि डुप्लिकेट फोटो करा डिलीट

सध्या स्मार्टफोन यूजर्सच्या आयुष्यातील सर्वात मोठी समस्या म्हणजे स्मार्टफोनचे स्टोरेज फुल्ल होणं. टेक कंपन्या स्मार्टफोनचे 256 जीबी, 512 जीबी आणि 1 टीबी स्टोरेज व्हेरिअंट लाँच करत असतात. मात्र नवीन फोटो, व्हिडीओ आणि फाईल्समुळे स्मार्टफोनचे स्टोरेज अतिशय वेगाने भरते. यानंतर स्मार्टफोनची स्पीड स्लो होते, फोन हँग होऊ लागतो आणि यूजर्सना अनेक अशा समस्यांना रोज सामोरे जावे लागते. तर काहीवेळेस स्मार्टफोन खराब होतो आणि त्यामुळे दुरुस्त करण्यासाठी मोठ्या प्रमाणात खर्च करावा लागतो. तुम्हाला देखील सतत स्मार्टफोन फुल्ल होण्याच्या समस्येचा सामना करावा लागत आहे का? तर तुम्हाला वेळीच तुमच्या काही सवयी बदलणं अत्यंत गरजेचं आहे. अन्यथा तुम्हाला मोठा खर्च करावा लागू शकतो.

तुमचे Android डिव्हाईस सुरक्षित आहे का? नव्या त्रुटीमुळे हॅकर्स 1 मिनिटात चोरू शकतात फोनमधील डेटा, यूजर्सची चिंता वाढली

स्क्रीनशॉट आणि डुप्लिकेट फोटो वेळीच डिलीट न करणं

तुम्ही जर गॅलरीमधील स्क्रीनशॉट सेक्शन उघडले तर तुम्हाला दिसेल की इथे तुम्ही टिकटॉकच्या काळातील मिम्सपासून तुम्ही कधी काळी इंस्टाग्रामवर पाहिलेल्या ड्रेसपर्यंत सर्व स्क्रीनशॉट दिसतील. एकेकाळी गरज म्हणून काढलेले हे स्क्रीनशॉट्स आजही तुमच्या फोटोगॅलरीमध्ये तुम्हाला पाहायला मिळतील. हे स्क्रीनशॉट्स तुमच्या फोनची गॅलरी फुल्ल करण्यासाठी कारणीभूत ठरतात. याशिवाय गॅलरीमध्ये काही डुप्लिकेट फोटो देखील असतात, जे तुम्ही डिलीट करायचे विसरून जाता. जर तुम्ही स्क्रीनशॉट आणि डुप्लिकेट फोटो वेळीच डिलीट केले नाही तर फोनचे स्टोरेज पूर्ण भरू शकते. (फोटो सौजन्य – Pinterest) 

मेसेजिंग अ‍ॅप्स येणारे फोटो आणि व्हिडीओ

आपण आपल्या स्मार्टफोनमध्ये व्हॉट्सएप टेलिग्रामसह अनेक मेसेजिंग अ‍ॅप्स डाऊनलोड करतो. या अ‍ॅप्समध्ये गुड मॉर्निंगपासून अगदी जेवणापर्यंत वेगेवगेळे फोटो आणि व्हिडीओ सतत शेअर केले जातात. या सततच्या डाऊनलोड केल्या जाणाऱ्या फोटो आणि व्हिडीओमुळे स्टोरेज फुल्ल होतं. आणि स्मार्टफोन स्लो होतो. त्यामुळे असे फोटो आणि व्हिडीओ वेळीच डिलीट करणं अत्यंत गरजेचं आहे.

अनयूज्ड अ‍ॅप्स डिलीट न करण्याची सवय

आपण वेगवेगळ्या कामांसाठी आपल्या स्मार्टफोनमध्ये वेगवेगळे अ‍ॅप्स डाऊनलोड करत असतो. आपलं काम झाल्यानंतर स्मार्टफोनमधील हे अ‍ॅप्स आपण डिलीट करत नाही आणि त्यांचा वापर देखील करत नाही. जर तुमच्या स्मार्टफोनमध्ये देखील असे काही अ‍ॅप्स इंस्टॉल्ड असतील तर वेळीच डिटील करा.

Jio Recharge Plan: प्लॅन एक अन् फायदे अनेक! जिओ घेऊन आला डेटा आणि AI चा डबल धमाका, हा रिचार्ज तुमच्यासाठी ठरेल फायद्याचा

ऑफलाइन डाऊनलोड करणं

स्पॉटिफाईवरून गाणी आणि युट्यूबवरून व्हिडीओ डाऊनलोड करताय? यामुळे तुमचा गाणी ऐकण्याचा आणि व्हिडीओ पाहण्याचा अनुभव तर सुधारतो. मात्र यामुळे स्मार्टफोन वापरण्याचा अनुभव खराब होतो. कारण यामुळे स्टोरेज भरते आणि परिणामी स्मार्टफोन स्लो चालतो.