स्मार्टफोन यूजर्सची Privacy धोक्यात? फोन वापरत नसतानाही Apple आणि Google ट्रॅक करतायत डेटा? अहवालात मोठा खुलासा

स्मार्टफोन वापरकर्त्यांच्या डेटा सुरक्षेबाबत एक धक्कादायक खुलासा समोर आला आहे, ज्यामध्ये iPhone आणि Android डिव्हाइसेस वापरात नसतानाही डेटा शेअर करत असल्याचे म्हटले आहे.

• अहवालानुसार आयफोन आणि अँड्रॉईड स्मार्टफोन वापरात नसतानाही दर काही मिनिटांनी कंपन्यांना डेटा पाठवत असतात.
• गूगलने या डेटा संकलनाचा वापर सेवा सुधारण्यासाठी होत असल्याचे सांगितले असले तरी यूजर्सना तो पूर्णपणे बंद करण्याचा पर्याय उपलब्ध नाही.
• तज्ज्ञांनी या प्रक्रियेवर प्रश्न उपस्थित करत डेटा प्रायव्हसीबाबत गंभीर चिंता व्यक्त केली आहे.

तुम्ही आयफोन वापरत असाल किंवा अँड्रॉईड, प्रत्येक स्मार्टफोन यूजर्सची सुरक्षा सध्याच्या काळात अतिशय महत्त्वाची ठरत आहे. स्कॅमर्स आणि सायबर गुन्हेगार तुमची फसवणूक करून, खोट्या आणि बनावट लिंक पाठवून तुमचा डेटा चोरण्याचा प्रयत्न करतात, याबाबत तर तुम्हाला सर्वांनाच माहिती असेल. पण तुम्हाला माहिती आहे की, गुगल आणि अ‍ॅपल सारख्या कंपन्या देखील स्मार्टफोन वापरणाऱ्या वापरकर्त्यांचा मागोवा घेतात. अशी माहिती समोर आली आहे की, अँड्रॉइड फोन आणि आयफोन दोन्ही दर साडेचार मिनिटांनी त्यांच्या कंपन्यांना डेटा पाठवतात. यामुळे आता स्मार्टफोन यूजर्सनी अनेक प्रश्न उपस्थित केले आहेत.

आता फीचर फोनवरूनही करता येणार पेमेंट! Jio आणि Bank of Baroda ची भागिदारी यूजर्ससाठी ठरणार फायदेशीर, नवं अ‍ॅप केलं लाँच

गेल्या काही वर्षापासून वापरकर्ते त्यांच्या डेटा सुरक्षेबद्दल अधिकाधिक जागरूक झाले आहेत आणि अ‍ॅपल, गुगल व फेसबुकसारख्या कंपन्या वापरकर्त्यांच्या डेटाबाबत पारदर्शकतेचा दावा करत आहेत. जर तुम्ही अशा वापरकत्यपैिकी असाल ज्यांना आपला डेटा या कंपन्यांसोबत शेअर करायचा नाही, तर तुम्हाला सावधगिरी बाळगण्याची गरज आहे. एका नवीन अहवालातून हे उघड झाले आहे की, कंपन्या अ‍ॅपल आयफोन आणि गुगल अँड्रॉइड स्मार्टफोन वापरणाऱ्या वापरकर्त्यांचा मागोवा घेतात. अँड्रॉइड फोन आणि आयफोन दोन्ही दर साडेचार मिनिटांनी त्यांच्या कंपन्यांना डेटा पाठवतात. अहवालात स्पष्टपणे म्हटले आहे की, वापरकर्ते त्यांचे डिव्हाइस सक्रियपणे वापरत नसतानाही हे घडते. हा अहवाल ट्रिनिटी कॉलेज डब्लिनचे प्राध्यापक डग लेथ यांनी केलेल्या अभ्यासावर आधारित आहे. (फोटो सौजन्य – Pinterest) 

गुगलचे स्पष्टीकरण

अ‍ॅपलने या पद्धतीवर कोणतीही टिप्पणी केली नाही, परंतु गुगलने आपल्या तर्काचे स्पष्टीकरण दिले. गुगलच्या प्रवक्त्याने सांगितले की, हा डेटा वापरकर्त्यांची उपकरणे कशी वापरली जातात हे ठरवतो. सॉफ्टवेअर अपडेट आहे. हे संशोधन स्मार्टफोन कसे काम करतात हे दर्शवते. या डेटाचा वापर वापरकर्त्यांना उत्तम सेवा देण्यासाठी केला जातो, परंतु वापरकर्त्यांना ही डेटा संकलन प्रक्रिया नाकारण्याचा किंवा अक्षम करण्याचा पर्याय दिला जात नाही.

iCloud स्कॅमने उडवली iPhone यूजर्सची झोप! अशी होतेय फसवणूक, सावध राहण्यासाठी वाचा एक्सपर्टचा सल्ला

डेटा संकलन पद्धतींबद्दल प्रश्न उपस्थित

प्राध्यापक डग म्हणाले की, वापरकर्ते त्यांचे फोन किती वेळ वापरत आहेत यावर आधारित कंपन्या डेटा गोळा करत नाहीत. ते म्हणाले की, बहुतेक लोक हे मान्य करतील की, अ‍ॅपल आणि गुगल आयक्लॉड किंवा गूगल ड्राईव्हसारख्या सेवा पुरवण्यासाठी आपल्या फोनमधून डेटा गोळा करतात. तथापि, जेव्हा आपण आपले फोन फक्त कॉल करण्यासाठी आणि स्वीकारण्यासाठी वापरतो, तेव्हा गूगल आणि अँपलला डेटा गोळा करण्याची गरज का आहे असा प्रश्न आता यूजर्सनी उपस्थित केला आहे.