Sonia Gandhi चं इंस्टाग्रामवर पदार्पण; फॉलोइंग लिस्टमध्ये केवळ हे 3 अकाउंट्स, नावं वाचून व्हाल थक्क!

Sonia Gandhi Instagram Debut: सोनिया गांधी यांनी अखेर इंस्टाग्रामवर त्यांचे अधिकृत अकाऊंट सुरु केले आहेत. अकाऊंट सुरु केल्यानंतर त्यांच्या फॉलोवर्समध्ये हजारोंच्या संख्येने वाढ झाली.

• सोनिया गांधी आतापर्यंत फेसबुक, एक्स आणि इंस्टाग्रामसारख्या सोशल मीडिया प्लॅटफॉर्म्सपासून दूर होत्या
• सोनिया गांधी यांच्या अधिकृत इंस्टाग्राम अकाऊंटची आता सर्वत्र चर्चा
• अकाऊंट तयार होताच सोनिया गांधींची फॉलोवर्स संख्या हजारोंनी वाढली

Sonia Gandhi Instagram Account: राष्ट्रीय काँग्रेसच्या माजी अध्यक्षा सोनिया गांधी यांनी अखेर इंस्टाग्रामच्या जगात पदार्पण केले आहे. त्यांनी वयाच्या 79 व्या वर्षी इंस्टग्रामवर त्यांचे अधिकृत अकाऊंट तयार करत सर्वांनाच आश्चर्याचा धक्का दिला आहे. सोनिया गांधी आतापर्यंत फेसबुक, एक्स आणि इंस्टाग्रामसारख्या सोशल मीडिया प्लॅटफॉर्म्सपासून दूर होत्या. मात्र आता त्यांनी इंस्टाग्राम अकाऊंट तयार करत सर्वांनाच चकित केले आहे. सोनिया गांधी यांनी त्यांचे आगामी आत्मचरित्र, “बिलॉन्गिंग: अ जर्नी ऑफ लव्ह” (Belonging: A Journey of Love) ची एक झलक शेअर करण्यासाठी सोशल मीडियाची मदत घेतली आहे. इंस्टाग्राम अकाऊंटवरील पहिल्या पोस्टमध्ये एक व्हिडीओ शेअर करण्यात आला आहे.  (फोटो सौजन्य: Instagram)

फेक कॉल्सना बसणार आळा! अनोळखी कॉल उचलण्यापूर्वीच समजणार कॉलिंगच कारण, WhatsApp चं नवं फीचर नेमकं आहे तरी काय?

सोनिया गांधींच्या इंस्टाग्राम अकाऊंटची सर्वत्र चर्चा

सोनिया गांधी यांच्या अधिकृत इंस्टाग्राम अकाऊंटची आता सर्वत्र चर्चा पाहायला मिळत आहे. अकाऊंट तयार होताच सोनिया गांधींची फॉलोवर्स संख्या हजारोंनी वाढली. मात्र सोनिया गांधी यांनी त्यांच्या अकाऊंटच्या फॉलोइंग लिस्टकडे पाहिले तर त्यामध्ये केवळ तीन अकाऊंट्स दिसत आहेत. ज्यामध्ये राहुल गांधी, प्रियंका गांधी वाड्रा आणि काँग्रेस पार्टीचे ऑफिशियल पेज यांचा समावेश आहे.

अकाऊंटवर शेअर करण्यात आलेल्या पहिल्या रिलमध्ये देखील त्यांनी राहुल, प्रियंका आणि त्यांच्या पुस्तकाचे प्रकाशक हार्परकॉलिन्स इंडियाला टॅग केले आहे. राहुल गांधी आणि प्रियंका गांधी आधीपासून सोशल मीडिया प्लॅटफॉर्म्सवर ॲक्टिव्ह असतात. राहुल गांधी आणि प्रियंका गांधी दोघेही एकमेकांना इंस्टाग्रामवर फॉलो करतात.

गांधी कुटूंबातील सदस्यांचे इंस्टाग्रामवर किती फॉलोअर्स?

गांधी कुटूंबातील सदस्यांच्या सोशल मीडिया अकाऊंट्सबद्दल बोलायचं झालं तर, राहुल गांधी यांचा इंस्टाग्रामवर सर्वाधिक दबदबा पाहायला मिळत आहे. भारत जोडो यात्रानंतर राहुल गांधी यांच्या इंस्टाग्राम फॉलोवर्सच्या संख्येत झपाट्याने वाढ झाल्याचे पाहायला मिळाले. राहुल गांधी यांचे इंस्टाग्रामवर 16 मिलीअनहुन अधिक फॉलोवर्स आहेत. राहुल गांधी यांना त्यांच्या कुटूंबातील सर्वात प्रसिद्ध चेहरा मानला जातो.

6700mAh बॅटरीसह नवा Poco 5G स्मार्टफोन लाँच! 50MP कॅमेरा अन् 120Hz OLED डिस्प्लेसह मिळणार तगडे फीचर्स, वाचा सविस्तर

प्रियंका गांधी यांच्या इंस्टाग्राम फॉलोवर्सची संख्या सुमारे 3 मिलीयन आहे. त्यांच्या प्रत्येक पोस्टवर जबरदस्त एंगेजमेंट पाहायला मिळते. वरुण गांधी आणि मेनका गांधी यांचे देखील इंस्टाग्रामवर लाखो फॉलोवर्स आहेत. तसेच रॉबर्ट वाड्रा, रेहान वाड्रा आणि मिराया वाड्रा यांनी देखील इंस्टाग्रामवर त्यांचा एक वेगळा फॅनबेस तयार केला आहे.