Gemini 2.0 Flash Thinking: Google चं नवीन AI मॉडल लाँच, जाणून घ्या खास फीचर्स

Gemini 2.0 फ्लॅश थिंकिंग हे गुगल सर्च, युट्यूब आणि गुगल मॅप्स सारख्या लोकप्रिय अ‍ॅप्ससह एकत्रित होते. गेल्या काही दिवसांपासून AI क्षेत्रात गोंधळ सुरु असतानाच आता गूगलने नवीन AI मॉडेल लाँच केलं आहे.

टेक जायंट कंपनी Google ने नवीन AI मॉडेल लाँच केलं आहे. गूगलने Gemini 2.0 Flash Thinking नावाचे एक नवीन आर्टिफिशियल इंटेलिजेंस (AI) मॉडेल लाँच केले आहे. हे नवीन AI मॉडेल सर्व युजर्ससाठी फायद्याचं ठरणार आहे. तर्क क्षमता सुधारण्यासाठी संकेतांचे लहान पायऱ्यांमध्ये विभाजन करून युजर्सना माहिती प्रदान करण्यासाठी हे नवीन AI मॉडेल कार्य करते. यामुळे उत्तरे अधिक अचूक बनतात आणि युजर्सना अगदी या उत्तरांचा तर्क लावणं देखील सोपं होतं.

Upcoming Smartphone: फेब्रुवारीमध्ये लाँच होणार ‘हे’ जबरदस्त स्मार्टफोन्स! iQOO पासून Tecno पर्यंत वाचा संपूर्ण यादी

Google ने नवीन AI नवीन मॉडेल OpenAI च्या O3 आणि डीपसीकच्या R1 सारख्या प्रगत मॉडेल्सशी स्पर्धा करण्यासाठी विकसित करण्यात आले आहे. हे डेस्कटॉप आणि मोबाईल दोन्ही प्लॅटफॉर्मवर उपलब्ध आहे, ज्यामुळे वापरकर्त्यांना ते वापरण्यास सोपे होते. गेल्या काही दिवसांपासून AI क्षेत्रात मोठी खळबळ उडाली आहे. अनेक नवीन AI मॉडेल्स लाँच करण्यात आले आहेत, जे त्यांच्या डिझाईन आणि कार्यामुळे युजर्सना आकर्षित करतात. हा सर्व गोंधळ सुरु असतानाच आता गूगलने नवीन AI मॉडेल लाँच केलं आहे. (फोटो सौजन्य – Pinterest)

Gemini 2.0 मध्ये काय खास आहे?

हे मॉडेल मोठ्या समस्यांना लहान भागांमध्ये विभागते आणि त्या समस्यांचे उत्तर शोधते. यामुळे युजर्सना हे उत्तर समजणं अधिक सोपं होतं. या नव्या मॉडेलची क्षमता 20 लाख टोकन आहे, ज्यामुळे ते मोठ्या प्रमाणात डेटा प्रक्रिया करू शकते. त्याची प्रो आवृत्ती कोडिंगमध्ये देखील मदत करते आणि Google सर्च सारख्या साधनांसह थेट एकत्रित होऊ शकते. हे इतर मॉडेल्सपेक्षा जलद आणि अधिक अचूक उत्तरे देते, ज्यामुळे ते विद्यार्थी, डेव्हलपर्स आणि संशोधकांसाठी अत्यंत उपयुक्त ठरते.

Gemini 2.0 कसे वापरावे?

Gemini 2.0 फ्लॅश थिंकिंग हे गुगल सर्च, युट्यूब आणि गुगल मॅप्स सारख्या लोकप्रिय अ‍ॅप्ससह एकत्रित होते. प्रो आवृत्ती जेमिनी अ‍ॅडव्हान्स्ड ग्राहकांसाठी उपलब्ध आहे, जी विशेषतः कोडिंग आणि जटिल समस्या सोडवण्यासाठी डिझाइन केलेली आहे. हे मॉडेल वापरकर्त्यांच्या गरजा समजून घेऊन अधिक अचूक उत्तरे देण्यास मदत करते. ते मोबाईल आणि संगणक दोन्हीवर सहज वापरता येते.

गुगलने त्यांचे आर्टिफिशियल इंटेलिजेंस मॉडेल Gemini 2.0 आजपासून सर्व वापरकर्त्यांसाठी उपलब्ध करून दिले आहे. यासोबतच, गुगलने त्यांचे नवीन मॉडेल Gemini 2.0 फ्लॅश थिंकिंग देखील लाँच केले आहे, जे वापरकर्त्यांची अनेक कामे सोपी करेल. गुगलचे नवीन अपडेट चॅटजीपीटी आणि डीपसीक सारख्या इतर AI प्लॅटफॉर्मशी स्पर्धा करेल.

Gemini 2.0 च्या नवीन मॉडेल्सची वैशिष्ट्ये

सामान्य वापरासाठी Gemini 2.0 फ्लॅश, प्रगत कोडिंग आणि गुंतागुंतीच्या कामांसाठी 2.0 प्रो, एक्सपेरिमेंटल आणि कमी किमतीच्या अ‍ॅप्लिकेशन्स तयार करण्यासाठी 2.0 फ्लॅश-लाइट तयार करण्यात आलं आहे. सर्व मॉडेल्स आता जेमिनी अ‍ॅप, गुगल AI स्टुडिओ आणि व्हर्टेक्स AI प्लॅटफॉर्मद्वारे वापरता येतील.

eSIM म्हणजे काय? फिजिकल सिम कार्डपेक्षा किती वेगळे? कोणत्या डिव्हाईसना करतं सपोर्ट? जाणून घ्या सविस्तर

जेमिनी 2.0 प्रो एक्सपेरिमेंटल हे कंपनीचे आतापर्यंतचे सर्वोत्तम मॉडेल आहे आणि ते क्वांटम अल्गोरिदम विकसित करण्यासारखी कामे अचूकपणे करू शकते. Gemini 2.0 फ्लॅश मॉडेल पूर्वी प्रत्येकासाठी उपलब्ध नव्हते, परंतु आजपासून प्रत्येकजण ते वापरू शकेल. हे मॉडेल डिसेंबरमध्ये लाँच झाले. जेमिनी 2.0 फ्लॅश आता मजकूर, प्रतिमा, ऑडिओ आणि व्हिडिओ एकाच वेळी प्रक्रिया करण्यास आणि समजून घेण्यास सक्षम आहे. गुगलने जेमिनी 2.0 फ्लॅश-लाइट देखील सादर केले, जे एक नवीन किफायतशीर मॉडेल आहे.