iPhone की Pixel? iPhone 17 चं डिझाईन लिक, मिळणार Pixel सारखा रियर कॅमेरा मॉड्यूल?

आयफोन 17 सिरीजमधील स्मार्टफोनच्या व्हिझर-स्टाइलच्या डिझाइनची तुलना Google Pixel स्मार्टफोनच्या कॅमेरा मॉड्यूलशी केली जाऊ शकते. कॅमेऱ्याच्या बाबतीत, iPhone 17 सिरीज iPhone 16 पेक्षा अधिक अपग्रेड असणार आहे.

iPhone की Pixel? iPhone 17 चं डिझाईन लिक, मिळणार Pixel सारखा रियर कॅमेरा मॉड्यूल?

Follow Us:

Follow Us:

2025 च्या अखेरीस iPhone 17 सिरीज जगभरात लाँच केली जाऊ शकते. गेल्या अनेक दिवसांपासून या नवीन सिरीजशी संबंधित अनेक लिक्स समोर येत आहेत. या लिक्सनुसार, iPhone 17 सिरीजमध्ये बेस, प्लस, प्रो आणि प्रो मॅक्ससह एक स्लिम व्हेरिअंट देखील लाँच केला जाणार असल्याचं सांगितलं जात आहे. या सिरीजबाबत अनेक लिक्स आतापर्यंत समोर आले आहेत. आता या सिरीजचं बॅक कॅमेरा मॉड्यूल कसं असेल याबाबत काही माहिती समोर आली आहे.

Netflix युजर्सना मोठा झटका, कंपनीने पुन्हा वाढवल्या सब्सक्रिप्शन प्लॅन्सच्या किंमती; जाणून घ्या सविस्तर

मिळालेल्या माहितीनुसार, iPhone 17 सिरीजमध्ये मागील कॅमेरा मॉड्यूलचे नवीन डिझाइन असू शकते. आता, एक नवीन लीक या दाव्याची पुष्टी करते आणि व्हिझर-स्टाइलमधील कॅमेरा युनिट दर्शवते, जे अलीकडील iPhones मध्ये दिसणाऱ्या स्क्वेअर कॅमेरा डिझाइनपेक्षा वेगळे आहे. असं सांगितलं जात आहे की, iPhone 17 चे बॅक कॅमेरा मॉड्यूल डिझाईन Pixel सारखे दिसत आहे. त्यामुळे iPhone 17 ला Pixel सारखा रियर कॅमेरा मॉड्यूल मिळणार असल्याची चर्चा आहे. (फोटो सौजन्य – Pinterest) 

iPhone 17 चे बॅक पॅनल डिझाइन लीक झाले

Tipster Majin Bu (@MajinBuOfficial) यांनी मंगळवारी सोशल मीडिया प्लॅटफॉर्म एक्सवर iPhone 17 च्या मागील पॅनेलचे लाईव्ह फोटो शेअर केले आहेत. आयफोन 17 सिरीजमधील हा कोणता व्हेरिअंट आहे याचा उल्लेख पोस्टमध्ये नाही, पण ते बेस मॉडेल असू शकते, अशी अपेक्षा आहे. फोटोमध्ये, टॉपला एक व्हिझर-सदृश पिल-शेप्ड मॉड्यूल दिसत आहे, डाव्या बाजूला एक कॅमेरा कटआउट आहे.

iPhone 17, the design seems confirmed. pic.twitter.com/5Wh6alUiMr

— Majin Bu (@MajinBuOfficial) January 21, 2025

या व्हिझर-स्टाइलच्या डिझाइनची तुलना Google Pixel स्मार्टफोनच्या कॅमेरा मॉड्यूलशी केली जाऊ शकते. हे लक्षात घेण्यासारखे आहे की आयफोन 16 आणि आयफोन 16 प्लसमध्ये वर्टिकल एलिप्टिकल रिअर कॅमेरा मॉड्यूल्स आहेत, तर प्रो मॉडेल्समध्ये आयफोन 11 पासून चौरस डिझाइन दिसले आहे. आधीच्या लीकमध्ये असा दावा करण्यात आला होता की हे नवीन डिझाइन “फ्रंट स्ट्रक्चर लाइट” साठी जागा तयार करेल, जे कदाचित फेस आयडीसाठी वापरले जाईल.

iPhone 17 मालिकेतील संभाव्य वैशिष्ट्ये

एका रिपोर्टनुसार, iPhone 17 Pro आणि Pro Max मध्ये 48-मेगापिक्सलचा टेलीफोटो कॅमेरा आणि 5x ऑप्टिकल झूम असू शकतो. आयफोन 16 प्रो मॉडेल्सच्या 12-मेगापिक्सेल कॅमेऱ्यांपेक्षा हे एक मोठे अपग्रेड असण्याची शक्यता आहे. iPhone 16 Pro आणि Pro Max मध्ये 12-megapixel TrueDepth सेल्फी कॅमेरे आहेत, तर iPhone 17 Pro मॉडेल्समध्ये 24-मेगापिक्सलचा फ्रंट कॅमेरा सेन्सर असण्याची अपेक्षा आहे. त्यामुळे कॅमेऱ्याबद्दल बोलायचं झालं तर iPhone 17 सिरीज iPhone 16 पेक्षा अधिक अपग्रेड असणार आहे.

Tecno Spark 30C चा नवीन व्हेरिअंट भारतात लाँच, किंमत आणि स्पेसिफिकेशन्स जाणून घ्या

AI वैशिष्ट्ये उपलब्ध असतील

Apple iPhone 17 Air मॉडेल Samsung Galaxy S25 Slim तगडी टक्कर देऊ शकते. यापूर्वीच्या लीकमध्ये दावा करण्यात आला होता की iPhone 17 Air 5.5mm पातळ असेल आणि eSIM कनेक्टिव्हिटीला सपोर्ट करेल. हे A18 किंवा A19 चिपसेट, 8GB रॅम आणि ऍपलच्या AI वैशिष्ट्यांसह येऊ शकते.

Web Title: Tech news iphone 17 design leaked on social media know in details

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com