बुधवार, 11 नोव्हेंबर 2026
tech news: Air Purifier ठेवण्याची योग्य जागा (फोटो सौजन्य - iStock)
एअर प्युरिफायर खोलीतील प्रदूषित हवा आत घेतो, फिल्टरद्वारे धूळ, ॲलर्जीकारक घटक आणि इतर प्रदूषक काढून टाकतो आणि नंतर स्वच्छ हवा पुन्हा खोलीत सोडतो. त्यामुळे, जर त्याच्या सभोवताली योग्य जागा उपलब्ध नसेल, तर हवेच्या योग्य अभिसरणात अडथळा येईल. म्हणूनच, एअर प्युरिफायरसाठी योग्य जागा निवडणे अत्यंत महत्त्वाचे आहे. चला तर मग, घरात ते कुठे ठेवणे सर्वोत्तम ठरेल हे जाणून घेऊया
एअर प्युरीफायर अशा ठिकाणी ठेवावा जिथे हवा खेळती असेल आणि चारही बाजूने हवा लागेल. जागेचा मधला भाग हा एअर प्युरीफायरसाठी योग्य ठरू शकतो. यामुळे मशीनला वेगवेगळ्या बाजूने हवा खेचणं सोयीस्कर ठरतं. जर मध्यभागी ठेवणं शक्य नसेल तर एखादी मोकळी जागा तुम्ही यासाठी निवडावी
एअर प्युरीफायर हा भिंत, सोफा अथवा जड फर्निचरच्या मध्ये अजिबात ठेऊ नका. या गोष्टींच्या आणि एअर प्युरीफायरच्या मध्ये किमान २ फुटाचं अंतर असू द्यावं. यामुळे एअर इनटेक आणि आऊटलेट ब्लॉक होणार नाहीत आणि मशीन उत्तमरित्या हवा फिल्टर करू शकेल. त्यामुळे तुम्ही ही काळजी घेणं आवश्यक आहे.
तुम्ही रात्री एअर प्युरीफायर चालू करणार असाल तर आपल्या बेडपासून काही अंतरावर हा ठेवा. स्वच्छ आणि खेळती हवा तुमच्यापर्यंत पोहचेल हाच तुमचा प्रयत्न असू द्या. तसंच मशीनचा एअरफ्लो सरळ चेहऱ्यावर येणार नाही याचीही काळजी घ्या
तुम्ही एखाद्या ठिकाणी घरात बसून काम करणार असाल आणि एअर प्युरीफायरचा वापर करणार असाल तर तुमच्या डेस्कजवळ हे ठेऊ शकता मात्र, कागदांना हवा लागणार नाही याची काळजी तुम्ही अशावेळी घ्यायला हवी. याशिवाय आजूबाजूला असणाऱ्या इलेक्ट्रॉनिक वस्तूंवर याची हवा जाणार नाही याबाबतही तुम्ही दक्षता घ्या
आर्द्रतेमुळे हैराण आहात का? मग ‘या’ स्मार्ट गॅजेट्सचा वापर करा
याशिवाय तुम्ही एअर प्युरीफायर दरवाजे आणि खिडक्यांजवळ अजिबात ठेऊ नका. बाहेरून येणाऱ्या प्रदूषणामुळे मशीन सतत तुम्हाला स्वच्छ करावे लागू शकते. प्रदूषण वाढत असेल तर खिडकी – दरवाजेही बंद ठेवा. पण तुमचा एअर प्युरीफायर लवकर खराब होऊ नये वाटत असेल तर ही काळजी नक्की घ्या
तुमचा एअर प्युरीफायर लहान आकाराचा असेल तर तुम्ही डेस्क, टेबल वा स्टूलवर नक्कीच ठेऊ शकता. यामुळे योग्य पद्धतीने हवा सर्क्युलेट करण्यास मदत मिळते. एअरवेंट उघडे राहतील अशाच ठिकाणी हे मशीन ठेवा. याशिवाय फिल्टरची नियमित स्वच्छता ठेवायला विसरू नका.
Ans: भारतात एअर प्युरिफायरची किंमत ब्रँड, वैशिष्ट्ये आणि खोलीच्या आकारानुसार अंदाजे ₹3,999 ते ₹5,000 पासून सुरू होते आणि ₹35,000 किंवा त्याहून अधिक पर्यंत जाते
Ans: भारतात सर्वोत्तम एअर प्युरिफायर निवडताना, फिलिप्स, कोवे, हनीवेल आणि क्यूबो यांचे मॉडेल्स सर्वात लोकप्रिय आणि प्रभावी मानले जातात
Ans: एअर प्युरिफायर खोलीतील हवा आत घेतो, त्यातील धूळ, घाण आणि सूक्ष्म कण काढून टाकण्यासाठी ती गाळतो आणि नंतर शुद्ध केलेली हवा पुन्हा खोलीत सोडतो
