गुरुवार, 12 नोव्हेंबर 2026
फोटो सौजन्य- गुगल
मध्य रेल्वेच्या कसारा मार्गावर प्रवास करणाऱ्या प्रवाशांसाठी महत्त्वाची बातमी आहे. आसनगाव-कसारा तिसऱ्या मार्गिकेचे काम आणि कसारा स्थानकातील अप यार्डचा विस्तार करण्यासाठी १३ आणि १४ नोव्हेंबरच्या मध्यरात्री विशेष ब्लॉक घेण्यात येणार आहे. या ब्लॉकमुळे कसारा आणि खर्डी दरम्यानची लोकल वाहतूक काही काळासाठी बंद राहणार आहे.
आसनगाव-कसारा तिसऱ्या मार्गिकेचे काम आणि कसारा स्थानकातील अप यार्ड मार्गिकेच्या विस्तारासाठी मध्य रेल्वेने १३ आणि १४ नोव्हेंबरच्या मध्यरात्री विशेष ब्लॉक जाहीर केला आहे. रात्री ११.१० ते मध्य रात्री १.४० या वेळेत खडर्डी-कसारादरम्यान अप मुख्य मार्ग आणि तिसऱ्या मार्गिकेवर हा ब्लॉक घेण्यात येणार आहे. त्यामुळे दोन्ही रात्री ब्लॉकच्या कालावधीत खर्डी-कसारा दरम्यान लोकल सेवा बंद राहणार असून, काही लोकल फेऱ्या आसनगाव आणि खर्डीपर्यंतच चालविण्यात येणार आहेत.
१३ आणि १४ नोव्हेंबरला सीएसएमटीहून कसाऱ्यासाठी सुटणारी शेवटची लोकल रात्री ८.४४ वाजता रवाना होईल. त्यानंतर रात्री ९.३२ वाजल्यापासून कसाऱ्याकडे जाणाऱ्या लोकल आसनगावपर्यंतच चालविण्यात येतील, रात्री ११.०५ वाजताची सीएसएमटी-कसारा लोकल खर्डी येथेच थांबविण्यात येईल. ब्लॉक पूर्ण झाल्यानंतर ती कसाऱ्याच्या दिशेने रवाना होईल. कसारा येथून सीएसएमटीसाठी सुटणारी शेवटची लोकल रात्री १० वाजता रवाना होईल. ब्लॉकनंतर १४ आणि १५ नोव्हेंबरला पहाटे ३.५१ वाजता कसारा येथून सीएसएमटीसाठी पहिली लोकल सुटेल.
या काळात खर्डी ते कसारा दरम्यान उपनगरीय लोकल सेवा बंद राहतील. कसाऱ्याच्या दिशेने जाणाऱ्या काही लोकल गाड्या आसनगाव आणि खर्डी स्थानकापर्यंतच चालवल्या जातील. या कामामुळे काही लांब पल्ल्याच्या मेल आणि एक्सप्रेस गाड्या २० ते २५ मिनिटे उशिराने धावतील किंवा रद्द केल्या जातील.
ब्लॉकमुळे डाउन दिशेने धावणाऱ्या १० मेल-एक्स्प्रेस गाड्या कसारा स्थानकात २० ते २५ मिनिटे थांबविण्यात येणार आहेत. १३ आणि १४ नोव्हेंबरच्या मध्यरात्री एलटीटी-सुबेदारगंज अमृत भारत एक्स्प्रेस आणि एलटीटी-भुवनेश्वर एक्स्प्रेसचे नियमन केले जाईल.
तसेच १३ आणि १४ नोव्हेंबर या दोन्ही मध्यरात्री सीएसएमटी-हावडा, एलटीटी-बनारस, सीएसएमटी-गोरखपूर विशेष, एलटीटी-पाटलीपुत्र, सीएसएमटी-अमृतसर, सीएसएमटी-बनारस महानगरी आणि एलटीटी-गोरखपूर कुशीनगर एक्स्प्रेसला विलंब होईल. १४ आणि १५ नोव्हेंबरच्या मध्यरात्री एलटीटी-हटिया एक्स्प्रेसचेही नियमन करण्यात येणार आहे.
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
Ans: मध्य रेल्वेकडून १३ आणि १४ नोव्हेंबरच्या मध्यरात्री विशेष ब्लॉक घेण्यात येणार आहे.
Ans: ब्लॉकच्या कालावधीत खर्डी-कसारा दरम्यान लोकल सेवा बंद राहणार आहे. काही लोकल आसनगाव आणि खर्डीपर्यंतच चालवण्यात येतील.
Ans: आसनगाव-कसारा तिसऱ्या मार्गिकेचे काम आणि कसारा स्थानकातील अप यार्ड मार्गिकेच्या विस्तारासाठी हा ब्लॉक घेण्यात येणार आहे.
