Starlink बाबत समोर आली नवीन अपडेट, लवकरच भारतात होणार एंट्री! जाणून घ्या सविस्तर

दूरसंचार विभागाकडून परवाना मिळवण्यासाठी वापरकर्त्यांचा डेटा देशातच ठेवावा लागणार, अशी अट स्टारलिंकसमोर ठेवण्यात आली होती. आता कंपनीने ही अट मान्य करत आपल्या ध्येयाच्या दिशेने एक पाऊल पुढे टाकलं आहे.

Starlink बाबत समोर आली नवीन अपडेट, लवकरच भारतात होणार एंट्री! जाणून घ्या सविस्तर

Follow Us:

Follow Us:

एलॉन मस्कची सॅटेलाईट इंटरनेट सेवा स्टारलिंकबाबत आता एक नवीन अपडेट समोर आलं आहे. स्टारलिंक तिच्या प्रक्षेपणाच्या एक पाऊल जवळ आली आहे. त्यामुळे भारतात लवकरच स्टारलिंक सेवा सुरु केली जाणार असल्याची माहिती मिळाली आहे. अमेरिकन अब्जाधीश एलोन मस्क यांची सॅटेलाइट इंटरनेट प्रदान करणारी कंपनी Starlink ने परवाना मिळवण्यासाठी भारत सरकारच्या अटी मान्य केल्या आहेत. त्यामुळे आता Starlink चा भारतातील मार्ग मोकळा झाला आहे.

5000mAh बॅटरी आणि पंच होल डिस्प्लेसह Infinix चा नवीन स्मार्टफोन लाँच! किंमत 10 हजार रुपयांपेक्षा कमी

मिळालेल्या माहितीनुसार, कंपनीने सरकारने घातलेल्या सुरक्षा आणि डेटा स्टोरेजच्या अटी देखील मान्य केल्या आहेत, तर कंपनीने काही अटींमध्ये शिथिलता मागितली आहे, परंतु सरकारने स्पष्ट केले आहे की आंतरराष्ट्रीय कंपन्यांना तसे करण्यास परवानगी दिली जाणार नाही. कोणत्याही प्रकारची सवलत दिली जाणार नाही. त्यामुळे सरकारच्या अटी मान्य करत स्टारलिंक त्याच्या ध्येयाच्या आणखी जवळ आला आहे. त्याची बीटा चाचणी देखील आता सुरु केली जाणार आहे. स्टारलिंकच्या मदतीने स्मार्टफोन युजर्सना मोबाईल टॉवरशिवाय फोन सेवा उपलब्ध होणार आहे. स्टारलिंक स्मार्टफोन युजर्ससाठी प्रचंड फायद्याचे ठरणार आहे. (फोटो सौजन्य – Pinterest) 

डेटा स्टोरेज संबंधित महत्त्वाची अट

दूरसंचार विभागाकडून परवाना मिळवण्यासाठी वापरकर्त्यांचा डेटा देशातच ठेवावा लागणार, अशी अट ठेवण्यात आली होती. याशिवाय गरज पडल्यास गुप्तचर संस्थांना डेटा इंटरसेप्ट करण्याची सुविधा देण्याचाही अटींमध्ये समावेश आहे. स्टारलिंकने या दोन्ही अटी मान्य केल्या आहेत. कंपनीकडून यासंदर्भातील पत्र प्राप्त झाल्यानंतर सरकारने कोणताही खुलासा मागितलेला नाही. सध्या गृह मंत्रालय आणि सुरक्षा संस्था कंपनीच्या अर्जावर विचारविनिमय करत आहेत.

गेल्या काही महिन्यांपासून, स्टारलिंक सातत्याने आपले सॅटेलाइट कम्युनिकेशन नेटवर्क वाढवत आहे. TweakTown च्या अहवालानुसार , वापरकर्ते आता 250-350Mbps च्या वेगाने इंटरनेट वापरू शकतात. इलॉन मस्कचे हे तंत्रज्ञान यशस्वी झाले तर तंत्रज्ञान क्षेत्राचे भविष्य नक्कीच पूर्णपणे बदलून जाईल. याचा दूरसंचार उद्योगावर मोठ्या प्रमाणात परिणाम होण्याची शक्यता आहे.

स्पेक्ट्रम वाटपावरही काम सुरू आहे

भारतीय दूरसंचार नियामक प्राधिकरण (TRAI) उपग्रह इंटरनेटसाठी स्पेक्ट्रम वाटप आणि किंमत निश्चित करण्यात व्यस्त आहे. या वर्षाअखेरीस देशात सॅटेलाइट इंटरनेट सेवा सुरू होण्याची शक्यता अधिकाऱ्यांनी वर्तवली आहे आहे. जिओ आणि एअरटेललाही भारतात सॅटेलाइट इंटरनेट सेवा सुरू करायची आहे. मात्र याबाबत अद्याप कोणते अपडेट हाती आलेले नाही. मात्र स्टारलिंकबाबत सतत नवीन अपडेट समोर येत आहेत.

Android युजर्सना मिळणार सुपरपॉवर! स्मार्टफोन चोरी झाला तरी डेटा राहणार सुरक्षित, Google ने आणलं अप्रतिम फीचर

स्टारलिंक सेवा महाग होण्याची शक्यता

भारतात या वर्षाच्या अखेरीस स्टारलिंक इंटरनेट सेवा सुरु होण्याची अपेक्षा आहे. मात्र ही सेवा महाग असण्याची शक्यता अनेकांनी वर्तवली आहे. काही रिपोर्ट्सनुसार कंपनीच्या प्लॅनची ​​किंमत 850 रुपयांपासून अनेक हजारांपर्यंत असू शकते. याशिवाय, इंस्टॉलेशनच्या वेळी हार्डवेअरची किंमत 20,000-30,000 रुपये असू शकते. मात्र, ही सेवा दुर्गम भागात इंटरनेट देण्यासाठी उपयुक्त ठरू शकते.

Web Title: Tech news new update about starlink when will it comes in india know in details

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com