स्कॅमर्सपासून सर्वसामान्यांना मिळणार दिलासा! TRAI ने सुरु केली नवीन नंबर सीरीज, कसा होणार फायदा? जाणून घ्या
सध्या बँक, कंपन्या आणि इतर सेवा देणाऱ्या संस्था अनेक कॉल नॉर्मल 10 अंकांच्या नंबरवरून करतात. याचा फायदा स्कॅमर्स आणि सायबर गुन्हेगारांना होतो. स्कॅमर्स आणि सायबर गुन्हेगार कंपनी किंवा सरकारी अधिकारी असल्याचा दावा करत सामान्य लोकांना कॉल करतात आणि त्यांची फसवणूक करतात. मात्र आता असं होणार आहे. कारण आता वेगळ्या नंबर सिरीजमुळे या संस्थांचे कॉल ओळखणं आणखी सोपं होणार आहे. तसेच, ट्रायने घेतलेल्या या निर्णयामुळे नॉर्मल मोबाईल नंबरवरून येणाऱ्या फ्रॉड कॉलवर आळा घालण्यासाठी देखील मदत होणार आहे. (फोटो सौजन्य – AI Created)
ट्रायने 1601 सीरीज टप्प्याटप्प्याने लागू करण्याचा निर्णय घेतला आहे. पहिल्या टप्प्यात जनोपयोगी सेवा, कुरिअर आणि लॉजिस्टिक्स क्षेत्रांचा समावेश करण्यात आला आहे. यामध्ये वीज वितरण कंपन्या, जलसेवा, शहरी गॅस कंपन्या आणि एलपीजी वितरक यांचा समावेश होतो. याव्यतिरिक्त, कुरिअर, पार्सल वितरण, एक्सप्रेस लॉजिस्टिक्स आणि मालवाहतूक कंपन्यांनाही या सेवेचा लाभ घेता येईल.
पहिल्या टप्प्यात येणाऱ्या संस्थांना 1601 नंबरवर मायग्रेशन आणि ऑनबोर्डिंग 90 दिवसांत पूर्ण करावे लागणार आहे. नंबर जारी करण्यापूर्वी टेलिकॉम कंपन्या संबंधित संस्थेची तपासणी करतील. याचा अर्थ असा आहे की, कोणालाही थेट 1601 नंबर दिला जाणार नाही.
ट्रायने स्पष्टपणे सांगितलं आहे की, 1601 नंबरचा वापर जाहिराती किंवा प्रमोशनल कॉल्ससाठी केला जाऊ शकत नाही. याचा वापर केवळ सर्विस आणि ट्रांजेक्शनसंबंधित महत्त्वाच्या कॉल्ससाठी होणार आहे.
खरं तर आपल्या फोनवर येणारे फ्रॉड कॉल हे सामान्य नागरिकांची सर्वात मोठी समस्या आहे. स्कॅमर्स आणि सायबर गुन्हेगार नॉर्मल मोबाईल नंबरवरून बँक, विज कंपनी, कुरिअर किंवा दुसऱ्या कंपनीचे कर्मचारी असल्याचा दावा करत नागरिकांची फसवणूक करत होते. मात्र आता नंबर सिरीजमुळे खऱ्या आणि खोट्या कॉलमधील फरक ओळखणं अतिशय सोपी आहे. तरीही, केवळ फोन नंबर ‘1601’ आहे म्हणून त्या कॉलवर आंधळेपणाने विश्वास ठेवू नये. फोनवर कधीही ओटीपी, पिन, पासवर्ड किंवा बँकिंगविषयक माहिती शेअर करू नये.
.png "Videos"){kind=small}
