स्लो फोन आणि स्टोरेजच्या समस्येने हैराण झालात? बऱ्याच काळापासून वापरले न जाणारे ॲप्स असे करा मॅनेज

आपल्या स्मार्टफोनमध्ये आपण वापरत नसलेले ॲप्स शोधणं सोपं नाही. अशा ॲप्समुळे आपला स्मार्टफोन स्लो होतो आणि स्टोरेजची समस्या देखील निर्माण होते. तुम्ही अगदी सहज असे ॲप्स ओळखू शकता आणि त्यांना मॅनेज करू शकता.

आपल्या स्मार्टफोनमध्ये अनेक ॲप्स असतात. काही ॲप्स ईनबिल्ड असतात तर काही ॲप्स आपण आपल्या कामासाठी डाऊनलोड करतो. अनेकदा असं घडतं की आपण आपल्या छोट्या कामासाठी एखादं ॲप डाऊनलोड करतो आणि आपलं काम झाल्यानंतर देखील ते ॲप आपल्या स्मार्टफोनमध्ये तसंच ठेवतो, डिलीट करत नाही. अशा प्रकारे आपल्या स्मार्टफोनमध्ये असे अनेक ॲप्स गोळा होतात, ज्यांचा आपण वापर करत नाही. पण अशा ॲप्समुळे आपला स्मार्टफोन स्लो होतो आणि स्टोरेजची समस्या देखील निर्माण होते.

हेदेखील वाचा- शॉपिंग सोबत आता डॉक्टरांचा सल्लासुद्धा मिळणार, Amazon Clinic सर्विस भरतात लाँच!

अनेक वेळा असे घडते की आपण आपल्या फोनवर खूप ॲप्स डाउनलोड करतो. परंतु, प्रत्यक्षात त्यांचा वापर करत नाही. अशी ॲप्स केवळ फोनवर निष्क्रिय राहत नाहीत तर या ॲप्समुळे तुमच्या स्मार्टफोनचं स्टोरेज देखील वापरलं जातं. या ॲप्समुळे तुमचा स्मार्टफोन स्लो होतो. अशावेळी हे ॲप्स डिलीट करणं हा एकमेव मार्ग आपल्याकडे असतो. पण यामध्ये देखील एक समस्या आहे, ती म्हणजे आपल्या स्मार्टफोनमध्ये आपण वापरत नसलेले ॲप्स शोधणं. असे ॲप्स शोधणे सोपं नाही. यासाठी आम्ही तुम्हाला काही टीप्स सांगणार आहोत ज्यामुळे तुम्ही Android आणि iOS दोन्हीमध्ये वापरत नसलेले ॲप्स अगदी सहज शोधू शकता. (फोटो सौजन्य – pinterest)

तुम्ही या पद्धतींचा वापर करून अँड्रॉइड आणि iOS दोन्ही डिव्हाइसवर दीर्घकाळ वापरत नसलेले ॲप्स ओळखू शकता:

Android साठी या स्टेप्स फॉलो करा

• सेटिंग्जमध्ये जाऊन ॲपचा वापर चेक करा
• सेटिंग्ज > डिजिटल वेलबीइंग आणि पॅरेंटल कंट्रोल्स > डॅशबोर्ड (किंवा काही डिव्हाइसवर, सेटिंग्ज > बॅटरी > बॅटरी यूसेज) वर जा.
• हा सेक्शन प्रत्येक ॲप शेवटचा कधी वापरला होता यासह ॲप वापर डेटा दाखवतो.
• बॉटममध्ये कमी-वापरलेले ॲप्स पाहण्यासाठी ‘Most used’ यानुसार क्रमवारी लावा किंवा Last used ऑप्शनवर टॅप करा.
• आता तुम्हाला अगदी सहज समजेल तुम्ही कोणत्या ॲपचा सर्वाधिक वापर करत आहात आणि कोणते ॲप तुम्ही गेली अनेक महिने वापरले नाहीत.

Google Play Store वापरा

हेदेखील वाचा- itel S25 सीरीजची अफोर्डेबल प्राइजमध्ये एंट्री, 50MP मुख्य कॅमेरा आणि 5000mAh बॅटरीने सुसज्ज

• Google Play Store ॲप ओपन करा, त्यानंतर तुमचे प्रोफाइल आयकॉन > मॅनेज ॲप्स एंड डिवाइस > मॅनेज करा वर टॅप करा.
• आता Installed वर टॅप करा. इथे तुम्हाला क्रमवारीचा ऑप्शन पाहायला मिळेल, जिथे तुम्ही Last used ॲप ऑप्शनवर सिलेक्ट करू शकता.

थर्ड पार्टी ॲप वापरा

काही ॲप्स, जसे की Files by Google किंवा थर्ड पार्टी ॲप मॅनेजर, न वापरलेले ॲप्स ओळखण्यात मदत करू शकतात आणि स्टोरेज मोकळं करण्यासाठी न वापरलेल्या ॲप्सना डिलीट करण्यासाठी मदत करू शकतात.

iOS साठी या स्टेप्स फॉलो करा

• सेटिंग्जमध्ये ॲप वापर चेक करा
• प्रथम सेटिंग्ज > बॅटरी वर जा.
• नंतर प्रत्येक ॲपने गेल्या 24 तासांत किंवा गेल्या 10 दिवसांत किती बॅटरी वापरली ते पाहण्यासाठी खाली स्क्रोल करा.
• अगदी कमी बॅटरी वापरालेले ॲप्स तळाशी असतील.
• ज्या ॲप्सनी बॅटरीचा कमी वापर केला आहे, असे ॲप तुम्ही वापरत नाहीत. त्यामुळे तुम्ही हे ॲप डिलीट करू शकता.

न वापरलेले ॲप्स ऑफलोड करा

• iOS मध्ये डेटा अबाधित ठेवताना न वापरलेले ॲप्स आपोआप ऑफलोड करण्याचे फीचर आहे.
• यासाठी Settings > General > iPhone Storage वर जा.
• हे सर्व ॲप्स तुम्ही कधी शेवटचे कधी वापरले आहेत, याची तारीख दाखवते.
• त्यामुळे येथे तुम्ही हे हे सर्व ॲप्स मॅन्युअली डिलीट करू शकता किंवा ऑफलोड करू शकता.
• अशा पध्दतीने तुम्ही बऱ्याच काळासाठी वापरत नसलेले ॲप्स सहज ओळखू आणि मॅनेज करू शकता.