Vivo T5 Pro 5G लॉन्च, 9020mAh बॅटरीसह फीचर्सही खास; किंमत जाणून घ्या

विवो कंपनीने भारतात एक स्मार्टफोन लाँच केला आहे. ग्राहकांसाठी मिड-रेंज सेगमेंटमध्ये नवीन Vivo T5 Pro 5G स्मार्टफोन लाँच केला आहे. हा मिड-रेंज स्मार्टफोन 9020mAh बॅटरीसह सर्वात स्लिम हँडसेट आहे.

• Vivo T5 Pro 5G लॉन्च
• 9020mAh बॅटरीसह फीचर्सही खास
• किंमत जाणून घ्या

तुम्हाला नवीन स्मार्टफोन खरेदी करायचा आहे? तर मग ही बातमी सविस्तर वाचाच. विवो कंपनीने भारतात एक स्मार्टफोन लाँच केला आहे. ग्राहकांसाठी मिड-रेंज सेगमेंटमध्ये नवीन Vivo T5 Pro 5G स्मार्टफोन लाँच केला आहे. हा मिड-रेंज स्मार्टफोन 9020mAh बॅटरीसह सर्वात स्लिम हँडसेट आहे. या फोनमध्ये इतरही जबरदस्त फीचर्स आहेत. हा भारतातील आतापर्यंतचा सर्वात पातळ स्मार्टफोन आहे.

 

Vivo T5 Pro 5G ची भारतातील किंमत

याव्यतिरिक्त या हँडसेटमध्ये 144 Hz AMOLED डिस्प्ले, 1600 nits पीक ब्राइटनेस आणि स्नॅपड्रॅगन प्रोसेसर आहे. फोनच्या 8GB रॅम आणि 128GB व्हेरिएंटची किंमत 29 हजार 999 रूपये आहे. तर यातील 8GB रॅम आणि 256GB व्हेरिएंटची किंमत 33 हजार 999 रूपये, आणि 12GB रॅम व 256GB असलेल्या टॉप व्हेरिएंटची किंमत 39 हजार 999 रूपये आहे. उपलब्धतेनुसार हा फोन कंपनीच्या अधिकृत वेबसाइटसोबतच फ्लिपकार्टवर 21 एप्रिल रोजी विक्रीसाठी होणार आहे.

3,000 रुपयांपर्यंत एक्सचेंज बोनस

लाँच ऑफरमध्ये हा फोन तुम्ही ॲक्सिस, एचडीएफसी आणि एसबीआय कार्डद्वारे खरेदी केल्यास तुम्हाला 3 हजार रूपयांची त्वरित सूट, किंवा तुमचा जुना फोन एक्सचेंज करून 3 हजार रूपयांचा एक्सचेंज बोनस देण्यात येईल. एवढेच नाहीतर ग्राहकांना सहा महिन्यांपर्यंतच्या नो-कॉस्ट ईएमआय पर्यायांचाही लाभ मिळेल.

विवो टी5 प्रो 5G बद्दल जाणून घ्या

स्क्रीन : या फोनमध्ये 144Hz रिफ्रेश रेट आणि 5000 nits पीक ब्राइटनेस सपोर्टसह 6.83-इंचाचा 1.5K AMOLED डिस्प्ले आहे.

चिपसेट : वेग आणि मल्टीटास्किंगसाठी, या हँडसेटमध्ये Snapdragon 7s Gen 4 ऑक्टा कोअर प्रोसेसरसोबत ॲड्रेनो 810 जीपीयू वापरण्यात आला आहे.

ओएस : हा फोन अँड्रॉइड 16 वर आधारित OriginOS 6 वर चालतो.

बॅटरी : फोनला पॉवर देण्यासाठी 90 W फास्ट चार्जिंग सपोर्ट असलेली पॉवरफूल 9020 mAh बॅटरी देण्यात आली आहे.

कॅमेरा : फोनच्या मागील बाजूस सोनी IMX882 सेन्सर असलेला 50-मेगापिक्सलचा मुख्य कॅमेरा आणि त्यासोबत 2-मेगापिक्सलचा डेप्थ सेन्सर आहे. सेल्फीसाठी 32-मेगापिक्सलचा फ्रंट कॅमेरा उपलब्ध आहे. मागील आणि पुढील दोन्ही कॅमेरे 4K व्हिडिओ रेकॉर्डिंग करण्यास सक्षम आहेत.

हे सुद्धा वाचा : किंमत 20 लाख अन् EMI फक्त 21000 रुपये! Mahindra च्या लोकप्रिय एसयूव्ही दारात असेल उभी