चार्जिंगची चिंता मिटणार? 9,000mAh बॅटरीसह नवा OnePlus स्मार्टफोन धुमाकूळ घालण्यासाठी सज्ज… वाचा फीचर्स

OnePlus Turbo 6Vs Launched: दमदार बॅटरीसह वनप्लसने एक नवीन स्मार्टफोन लाँच केला आहे. कंपनीने लाँच केलेला स्मार्टफोन चीनच्या ऑनलाईन स्टोअरवर लिस्ट करण्यात आला आहे. या स्मार्टफोनचे फीचर्स जाणून घेऊया.

• नवीन वनप्लस ‘टर्बो’ मिड-रेंज 5G स्मार्टफोन लाँच
• डिव्हाईसमध्ये क्वालकॉमचा स्नॅपड्रॅगन 7s जेन 4 प्रोसेसर
• पाणी आणि धुळीपासून संरक्षणासाठी IP66, IP68, IP69 आणि IP69K रेटिंग

OnePlus Smartphone Launched: स्मार्टफोन कंपनी वनप्लसने चीनमध्ये आणखी एक नवीन ‘टर्बो’ मिड-रेंज 5G स्मार्टफोन लाँच केला आहे. कंपनीचा हा नवीन स्मार्टफोन OnePlus Turbo 6Vs या नावाने सादर करण्यात आला आहे. कंपनीचा हा नवीन स्मार्टफोन चीनच्या ऑनलाईन स्टोअरवर लिस्ट करण्यात आला आहे. कंपनीने लाँच केलेल्या या नवीन स्मार्टफोनमध्ये मोठी बॅटरी दिली आहे. कंपनीने लाँच केलेल्या या नवीन स्मार्टफोन्सचे स्पेसिफिकेशन्स बऱ्याच प्रमाणात वनप्लस टर्बो 6V सारखेच वाटत आहेत.

लूक प्रीमियम अन् फीचर्सही दमदार! Redmi चा नवा फोन पाहिलात का? लाँच होताच सुरु झाल्या चर्चा

वनप्लस टर्बो 6Vs ची किंमत आणि उपलब्धता

चीनमध्ये नवीन वनप्लस स्मार्टफोन 12GB + 256GB या व्हेरिअंटमध्ये लाँच करण्यात आला आहे. या डिव्हाईसची किंमत 3,699 युआन म्हणजेच सुमारे 53 हजार रुपये आहे. हा स्मार्टफोन ऑरेंज आणि नोवा व्हाइट कलर ऑप्शनमध्ये उपलब्ध आहे. मात्र, चिनी ऑनलाईन स्टोअरच्या पेजवर हा फोन आधीच ‘सोल्ड आऊट’ (विक्रीसाठी उपलब्ध नाही) असे दाखवत आहे आणि तो पुन्हा कधी उपलब्ध होईल, याबद्दल कोणतीही माहिती दिलेली नाही. (फोटो सौजन्य: X) 

वनप्लस टर्बो 6Vs चे स्पेसिफिकेशन्स आणि फीचर्स

डिस्प्ले

स्मार्टफोनमध्ये 6.78-इंच फ्लॅट अमोलेड डिस्प्ले देण्यात आला आहे. तसेच या डिव्हाईसमध्ये 144Hz पर्यंत रिफ्रेश रेट सपोर्ट देखील मिळणार आहे. स्मार्टफोनची ब्राइटनेस मॅक्सिमम 1,800 निट्सपर्यंत जाऊ शकते. फोनमध्ये हाय-फ्रीक्वेंसी पीडब्ल्यूएम आणि डिसी-सारखी डिमिंग टेक्नोलॉजी देखील मिळणार आहे. डिव्हाईसची जाडी 8.5mm आहे.

प्रोसेसर

फोनला पावर देण्यासाठी या डिव्हाईसमध्ये क्वालकॉमचा स्नॅपड्रॅगन 7s जेन 4 प्रोसेसर देखील मिळणार आहे. सध्या हा स्मार्टफोन केवळ 12GB एलपीडीडीआर4एक्स रॅम आणि 256GB यूएफएस 3.1 स्टोरेज पर्यायात उपलब्ध आहे. डिव्हाईसमध्ये पाणी आणि धुळीपासून संरक्षणासाठी IP66, IP68, IP69 आणि IP69K रेटिंग दिली आहे. फोनमध्ये स्टीरियो स्पीकर, X-एक्सिस मोटर, अंडर-डिस्प्ले फिंगरप्रिंट सेंसर, आयआर ब्लास्टर आणि एनएफसी सारखे फीचर्स मिळणार आहेत.

कॅमेरा

नव्या वनप्लस टर्बो 6Vs स्मार्टफोनमध्ये 50-मेगापिक्सेलचा प्रायमरी कॅमेरा आणि 2-मेगापिक्सेलचा मोनो सेंसर मिळणार आहे. तर सेल्फी आणि व्हिडीओ कॉलिंगसाठी या स्मार्टफोनमध्ये 16-मेगापिक्सेलचा फ्रंट कॅमेरा मिळणार आहे.

Lava च्या ग्राहकांना मोठा धक्का! स्मार्टफोन खरेदी महागणार, 15 नोव्हेंबरपासून लागू होणार नवीन किंमती

बॅटरी

डिव्हाईसमध्ये 9,000mAh बॅटरी दिली आहे. यामध्ये 80W वायर्ड चार्जिंग, 27W पर्यंत रिवर्स वायर्ड चार्जिंग आणि ‘बायपास चार्जिंग’ सारखे फीचर्स देखील मिळणार आहेत.