WhatsApp Plus: आता व्हॉट्सॲप वापरण्याचा अनुभव बदलणार! प्रीमियम फीचर्ससाठी मोजावे लागणार पैसे; पाहा काय आहे मेटाचा नवा प्लॅन

मेटा लवकरच 'WhatsApp Plus' हा सबस्क्रिप्शन प्लॅन लाँच करणार आहे. यामध्ये चॅट पिन मर्यादा वाढवणे, कस्टम थीम्स आणि आयकॉन्स यांसारखे प्रीमियम फीचर्स मिळतील.

• आता व्हॉट्सॲप वापरण्याचा अनुभव बदलणार!
• प्रीमियम फीचर्ससाठी मोजावे लागणार पैसे
• पाहा काय आहे मेटाचा नवा प्लॅन

जर तुम्ही दैनंदिन जीवनात व्हॉट्सॲपचा मोठ्या प्रमाणावर वापर करत असाल आणि तुम्हाला तुमचा चॅटिंग अनुभव अधिक प्रगत हवा असेल, तर तुमच्यासाठी एक महत्त्वाची बातमी आहे. मेटा (Meta) आपल्या लोकप्रिय मेसेजिंग प्लॅटफॉर्मसाठी ‘WhatsApp Plus’ नावाचा एक नवीन सबस्क्रिप्शन प्लॅन लाँच करण्याच्या तयारीत आहे. या प्लॅनच्या माध्यमातून युजर्सना असे अनेक प्रीमियम फीचर्स मिळतील जे सध्याच्या मोफत आवृत्तीमध्ये उपलब्ध नाहीत.

व्हॉट्सॲप प्लस (WhatsApp Plus) नक्की काय आहे?

व्हॉट्सॲप प्लस हा एक ऐच्छिक (Optional) सबस्क्रिप्शन प्लॅन असणार आहे. हा प्लॅन प्रामुख्याने अशा युजर्ससाठी तयार करण्यात आला आहे, ज्यांना व्हॉट्सॲपचे डिझाइन आणि युजर एक्सपिरियन्स आपल्या आवडीनुसार कस्टमायझेशन करायला आवडते. सोप्या भाषेत सांगायचे तर, हे एक प्रीमियम अपग्रेड असेल, जे चॅटिंगला अधिक वैयक्तिक (Personalize) बनवण्यावर लक्ष केंद्रित करेल.

कोणते प्रीमियम फीचर्स मिळण्याची शक्यता?

प्रारंभिक अहवालानुसार, व्हॉट्सॲप प्लसमध्ये युजर्सना अनेक जबरदस्त फीचर्स मिळू शकतात:

• चॅट पिन करण्याची मर्यादा: सध्या सामान्य युजर्स केवळ 3 चॅट्स पिन करू शकतात, परंतु प्रीमियम प्लॅनमध्ये ही मर्यादा 20 चॅट्सपर्यंत वाढवली जाऊ शकते.
• कस्टम थीम्स आणि आयकॉन्स: युजर्सना नवीन चॅट थीम्स, कस्टम ॲप आयकॉन्स आणि संपूर्ण इंटरफेसचा रंग बदलण्याचे पर्याय मिळतील.
• प्रगत नोटिफिकेशन: वेगवेगळ्या चॅट्स आणि ग्रुप्ससाठी स्वतंत्र नोटिफिकेशन टोन आणि रिंगटोन सेट करण्याची सुविधा दिली जाईल.
• चॅट मॅनेजमेंट: कॉन्टॅक्ट्स आणि ग्रुप्सना वेगवेगळ्या कॅटेगरीमध्ये विभागण्यासाठी नवीन टूल्स उपलब्ध करून दिली जातील.

सध्या ‘बीटा’ टेस्टिंग सुरू

‘व्हॉट्सॲप प्लस’ सध्या बीटा टेस्टिंगच्या टप्प्यात आहे. कंपनी मर्यादित स्तरावर या सेवेची चाचणी घेत असून युजर्सकडून फीडबॅक गोळा करत आहे. त्यामुळे, अंतिम आवृत्तीमध्ये वर नमूद केलेले सर्व फीचर्स असतीलच असे नाही; त्यामध्ये काही बदल किंवा नवीन सुधारणा केल्या जाऊ शकतात.

6300mAh बॅटरी आणि मोठी स्क्रीन; कमी बजेटवाल्यांसाठी Redmi A7 4G स्मार्टफोन लॉन्च

किती असेल सबस्क्रिप्शनची किंमत?

मेटाने अद्याप अधिकृत किमती जाहीर केल्या नसल्या तरी, जागतिक बाजारपेठेतील अंदाजित किमती समोर आल्या आहेत:

• युरोप: अंदाजे €2.49 प्रति महिना.
• पाकिस्तान: अंदाजे 229 PKR प्रति महिना.
• भारत: भारतातील संभाव्य किंमत सुमारे 273 रुपये प्रति महिना असू शकते.

अहवालानुसार, कंपनी युजर्सना आकर्षित करण्यासाठी एक महिन्याचा फ्री ट्रायल (Free Trial) देखील देऊ शकते. जेणेकरून युजर्स या फीचर्सचा अनुभव घेऊन ठरवू शकतील की त्यांना सबस्क्रिप्शन घ्यायचे आहे की नाही.

कधी होणार लाँच?

मेटाने अद्याप लाँचिंगची अधिकृत तारीख जाहीर केलेली नाही. ही सेवा स्नॅपचॅट+ (Snapchat+) किंवा इंस्टाग्रामच्या पेड व्हर्जनप्रमाणेच असेल. यामध्ये मूलभूत फीचर्स नेहमीप्रमाणे मोफत राहतील, परंतु प्रगत कस्टमायझेशनसाठी युजर्सना पैसे द्यावे लागतील. ज्यांना आपला चॅटिंग अनुभव अधिक स्मार्ट आणि वैयक्तिक बनवायचा आहे, त्यांच्यासाठी व्हॉट्सॲप प्लस हा एक उत्तम पर्याय ठरू शकतो.

Smartphone Tips : तुमचा फोन वारंवार ओव्हरहीट होतोय? मग ‘या’ स्मार्ट ट्रिक्स मिनिटांत करा फिक्स