खरेदीदारांची वाढली चिंता! Xiaomi चा ‘हा’ स्मार्टफोन तब्बल 10 हजार रुपयांनी झाला महाग, आता मोजावे लागणार इतके पैसे

Xiaomi 17T Price Hike: शाओमी 17 टी स्मार्टफोनच्या किंमतीत आता पुन्हा एकदा 5 हजार रुपयांची वाढ करण्यात आली आहे. यापूर्वी देखील कंपनीने या डिव्हाईसची किंमत वाढवली होती. आता हा स्मार्टफोन खरेदी करण्यासाठी ग्राहकांना जास्तीचे पैसे मोजावे लागणार आहेत.

• लाँचिंगनंतर अवघ्या महिन्याभरातच स्मार्टफोनच्या किंमतीत 5 हजार रुपयांची वाढ
• एकदा शाओमी स्मार्टफोनची किंमत 5 हजार रुपयांनी वाढवली
• शाओमी 17 टी स्मार्टफोनच्या 256GB स्टोरेज व्हेरिअंटची किंमत आता 69,999 रुपये झाली

Xiaomi Smartphone  Price Hike: शाओमीने अलीकडेच भारतात त्यांचा नवा Xiaomi 17T स्मार्टफोन लाँच केला होता. कंपनीने जून महिन्यात हा स्मार्टफोन भारतात लाँच केला होता. त्यानंतर जुलै महिन्यात या स्मार्टफोनच्या किंमतीत तब्बल 5 हजार रुपयांची वाढ करण्याचा निर्णय घेण्यात आला. ज्यामुळे लाँचिंगनंतर अवघ्या महिन्याभरातच स्मार्टफोनच्या किंमतीत 5 हजार रुपयांची वाढ झाली. यानंतर आता पुन्हा एकदा कंपनीने या स्मार्टफोनची किंमत वाढवण्याचा निर्णय घेतला असल्याचे सांगितलं जात आहे. पुन्हा एकदा शाओमी स्मार्टफोनची किंमत 5 हजार रुपयांनी वाढवली आहे.

बजेट सेगमेंटमध्ये गेमचेंजर एंट्री! Samsung Galaxy A08 ने वेधलं सर्वांचं लक्ष, जाणून घ्या फीचर्स आणि स्पेसिफिकेशन्स

ग्राहकांना मोठा झटका

शाओमी 17 टी स्मार्टफोन भारतात 12GB+ 256GB आणि 12GB + 512GB या रॅम आणि स्टोरेज व्हेरिअंट्समध्ये लाँच करण्यात आला होता. या व्हेरिअंट्सच्या किंमतीत यापूर्वी 5 हजार रुपयांची वाढ करण्यात आली होती. आता पुन्हा एकदा या स्मार्टफोन व्हेरिअंट्सच्या किंमतीत वाढ करण्यात आली आहे. खरं तर, सेल आणि सणांच्या काळात स्मार्टफोनवर डिस्काऊंट ऑफर केलं जातं. ज्यामुळे ग्राहकांना कमी किंमतीत स्मार्टफोन खरेदी करण्याची संधी मिळते. मात्र आता ऐन सणांच्या काळात स्मार्टफोनच्या किंमतीत वाढ झाल्याने ग्राहकांना मोठा झटका बसला आहे. (फोटो सौजन्य: Xiaomi) 

शाओमी 17 टी स्मार्टफोनची नवीन किंमत

शाओमी 17 टी स्मार्टफोनच्या 256GB स्टोरेज व्हेरिअंटची किंमत आता 69,999 रुपये झाली आहे. हे व्हेरिअंट 59,999 रुपयांच्या किंमतीत लाँच करण्यात आले होते. कंपनीने जुलै महिन्यात या व्हेरिअंटची किंमत 5 हजार रुपयांनी वाढवली. त्यानंतर ही किंमत 64,999 रुपये झाली होती. मात्र आता पुन्हा एकदा झालेल्या दरवाढीनंतर हे व्हेरिअंट खरेदी करण्यासाठी 69,999 रुपये मोजावे लागणार आहेत.

512GB स्टोरेज व्हेरिअंट 64,999 रुपयांच्या किंमतीत लाँच करण्यात आले होते. कंपनीने जुलै महिन्यात या व्हेरिअंटची किंमत 69,999 रुपयांपर्यंत वाढवली. मात्र आता पुन्हा एकदा या व्हेरिअंटच्या किंमतीत वाढ करण्यात आली असून आता हे स्मार्टफोन व्हेरिअंट खरेदी करण्यासाठी 74,999 रुपये खर्च करावे लागणार आहेत. लाँचिंगनंतर आतापर्यंत या दोन्ही व्हेरिअंटच्या किंमतीत 10 हजार रुपयांची वाढ करण्यात आली आहे.

Tech Tips: स्मार्टफोनची रॅम दमदार, पण तरीही वारंवार होतोय हँग? ही असू शकतात कारणं, वाचा सविस्तर

शाओमी 17 टी स्मार्टफोनचे फीचर्स

जून महिन्यात लाँच करण्यात आलेल्या या स्मार्टफोनमध्ये 6.59-इंच अमोलेड डिस्प्ले देण्यात आला आहे. तसेच, या डिव्हाईसमध्ये मीडियाटेक डायमेन्सिटी 8500-अल्ट्रा प्रोसेसर मिळणार आहे. ग्राहक हा स्मार्टफोन ब्लॅक, ब्लू आणि वॉयलेट फिनिश रंगांच्या पर्यायांत खरेदी करू शकतात.