Tech Tips: गॅस तुटवड्यामुळे इलेक्ट्रिक इंडक्शन वापरताय? ‘या’ चुका टाळा, नाहीतर मोठं नुकसान होऊ शकतं

Induction Cooktop Use Tips: इलेक्ट्रिक इंडक्शनचा वापर करताना काही गोष्टी लक्षात ठेवणं अत्यंत गरजेचं आहे. अन्यथा तुमचं मोठ्या प्रमाणात नुकसान होऊ शकतं. इंडक्शनवर कोणती भांडी वापरू नयेत? याबाबत सर्वात आधी जाणून घ्या.

• गॅस तुटवड्यात इलेक्ट्रिक इंडक्शन वापरताय? ‘या’ चुका पडू शकतात महागात
• इलेक्ट्रिक इंडक्शन वापरताना सावध! छोट्या चुका ठरू शकतात मोठं नुकसान
• गॅस नाही म्हणून इंडक्शन वापरताय? आधी जाणून घ्या हे महत्त्वाचे नियम

गेल्या काही दिवसांपासून भारतात एलपीजी सिलेंडरचा तुटवडा निर्माण झाला आहे. यामुळे लोकं इलेक्ट्रिक इंडक्शनचा वापर करत आहे. गॅस तुटवड्यामुळे भारतात इलेक्ट्रिक इंडक्शनची मागणी मोठ्या प्रमाणात वाढली आहे. मात्र इलेक्ट्रिक इंडक्शनचा वापर करताना काही गोष्टींची काळजी घेणं अत्यंत महत्त्वाचं आहे. कारण तुमच्या छोट्या चूका आणि निष्काळजीपणामुळे मोठं नुकसान होऊ शकतं. इलेक्ट्रिक इंडक्शनचा वापर करताना कोणती काळजी घ्यावी याबाबत आता जाणून घेऊया.

भारतातील लाँचिंगसाठी OnePlus Nord 6 सज्ज! या दिवशी करणार तुफानी एंट्री, असे असतील फीचर्स आणि स्पेसिफिकेशन्स

प्रत्येक प्रकारच्या भाड्यांचा वापर करणं

गॅस सिलेंडरचा वापर करताना तुम्ही कोणतेही भांड वापरून जेवण बनवू शकता किंवा गरम करू शकता. मात्र इलेक्ट्रिक इंडक्शनचा वापर करताना ही सुविधा नसते. इलेक्ट्रिक इंडक्शनवर तुम्ही प्रत्येक भांड्याचा वापर करू शकत नाही. इलेक्ट्रिक इंडक्शनवर ॲल्युमिनियम, तांबे, काच आणि सिरॅमिकपासून बनवलेली भांडी वापरू नका. यामुळे धोका निर्माण होऊ शकतो. (फोटो सौजन्य – Pinterest)

इलेक्ट्रिक इंडक्शनच्या पृष्ठभागावर धातूच्या वस्तू ठेवू नका

जेवण बनवताना किंवा गरम करताना इलेक्ट्रिक इंडक्शनच्या पृष्ठभागावर चाकू, चमचा किंवा एल्यूमिनियम फॉइल सारख्या धातूच्या वस्तू ठेऊ नका. या वस्तू गरम होऊ शकतात, ज्या उचलताना हाताला चटका लागू शकतो.

वेंटिलेशन ओपनिंग ब्लॉक करू नका

इलेक्ट्रिक इंडक्शन अशा जागी ठेवा ज्या ठिकाणाहून एयर इनटेक आणि एग्जॉस्ट वेंट्स बंद होणार नाहीत. एयर इनटेक आणि एग्जॉस्ट वेंट्स सहसा इलेक्ट्रिक इंडक्शनच्या खालच्या किंवा मागील बाजूला असतात. एयर इनटेक आणि एग्जॉस्ट वेंट्ससाठी हवेचा प्रवेश आवश्यक असतो. जर ते बंद झाले, तर इलेक्ट्रिक इंडक्शन जास्त गरम होऊ शकतो, ज्यामुळे त्याच्या कार्यक्षमतेवर परिणाम होतो.

तुटलेले सरफेस असलेले इलेक्ट्रिक इंडक्शन वापरणं

तुम्ही वापरत असलेल्या इलेक्ट्रिक इंडक्शनचे काच किंवा पृष्ठभाग तुटलेला असेल तर त्याचा वापर करणं तात्काळ बंद करा. तुटलेल्या पृष्ठभागामुळे पाणी इलेक्ट्रिक इंडक्शनमध्ये जाऊ शकते. ज्यामुळे इंटरनल पार्ट्स खराब होऊ शकतात आणि विजेचा झटका लागू शकतो.

भारत सरकारचा मोठा निर्णय! Google आणि YouTube सोबत केली भागीदारी, 15000 क्रिएटर्सना देणार मोफत AI प्रशिक्षण

हाताळणीत निष्काळजीपणा करू नका

इलेक्ट्रिक इंडक्शनचा वापर करताना निष्काळजीपणा करू नका. इलेक्ट्रिक इंडक्शनची साफसफाई करताना विजेचे कनेक्शन बंद करा आणि सुक्या आणि कापडाने इलेक्ट्रिक इंडक्शन स्वच्छ करा. त्याचप्रमाणे, स्वयंपाक करताना काचेच्या पृष्ठभागावरून भांडी घासणे टाळा. यामुळे ओरखडे पडू शकतात. वर सांगितलेल्या सर्व टिप्स लक्षात ठेऊन तुम्ही योग्य प्रकारे इलेक्ट्रिक इंडक्शनचा वापर करू शकता.