बजेट सेगमेंटमध्ये मोठा धमाका! तगड्या फीचर्ससह भारतात ZENO 300 स्मार्टफोनची एंट्री, किंमत 10 हजार रुपयांहून कमी

ZENO 300 Launched: बजेट पर्याय शोधणाऱ्यांसाठी टेक कंपनी एक नवीन स्मार्टफोन घेऊन आली आहे. या स्मार्टफोनमध्ये 6.56 इंच एचडी+ एलसीडी डिस्प्ले आणि 6000mAh बॅटरी दिली आहे. विशेष म्हणजेच या स्मार्टफोनची किंमत 10 हजार रुपयांहून कमी आहे.

• भारतात ZENO 300 स्मार्टफोन लाँच
• मोठी बॅटरी, दमदार परफॉर्मंस आणि मजबूत बिल्ड क्वालिटीने स्मार्टफोन सुसज्ज
• स्मार्टफोनसोबत मिळणार 100 दिवसांची फ्री स्क्रीन रिप्लेसमेंट पॉलिसी

ZENO Smartphone Launched: तुम्ही देखील एक नवीन स्मार्टफोन खरेदी करण्याचा विचार करत आहात का? तुमचे बजेट 10 हजार रुपयांहून कमी आहे? अहो, मग चिंता कशाला? नवा ZENO 300 आहे ना! नुकताच भारतात ZENO 300 स्मार्टफोन लाँच करण्यात आला आहे. बजेट फ्रेंडली सेगमेंटमध्ये लाँच करण्यात आलेल्या या डिव्हाईसमध्ये मोठी बॅटरी, दमदार परफॉर्मंस आणि मजबूत बिल्ड क्वालिटी ऑफर केली आहे. हा स्मार्टफोन बजेट फ्रेंडली किंमतीत ग्राहकांना अतिशय उत्तम परफॉर्मंस ऑफर करणार आहे. हा स्मार्टफोन विशेषत: अशा ग्राहकांसाठी एक चांगला पर्याय ठरणार आहे, जे कमी बजेटमध्ये दमदार डिव्हाईस शोधत आहेत.

फोल्डेबल फोन पाहिजे, पण बजेट कमी? 3 लाखांच्या iPhone Duo पेक्षा हे आहेत स्वस्त पर्याय; खरेदीपूर्वी जाणून घ्या फीचर्स

ZENO 300 ची किंमत

कंपनीने लाँच केलेल्या या स्मार्टफोनची किंमत 9,649 रुपये आहे. ग्राहक हा स्मार्टफोन लॅव्हेंडर पर्पल, सिल्व्हर मिस्ट आणि क्लासिक ब्लॅक या तीन रंगांच्या पर्यायांत खरेदी करू शकतात. स्मार्टफोन ई कॉमर्स प्लॅटफॉर्म ॲमेझॉनवर खरेदीसाठी उपलब्ध असणार आहे. कंपनी या स्मार्टफोनसोबत 100 दिवसांची फ्री स्क्रीन रिप्लेसमेंट पॉलिसी देखील ऑफर करत आहे, ज्यामुळे या स्मार्टफोनची खरेदी आणखी खास ठरणार आहे. (फोटो सौजन्य: ZENO)

ZENO 300 चे स्पेसिफिकेशन्स आणि फीचर्स

डिस्प्ले

नव्या स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, यामध्ये 6.56 इंच एचडी+ एलसीडी डिस्प्ले दिला आहे, ज्याचे रेजोल्यूशन 720×1612 पिक्सेल आणि रिफ्रेश रेट 90Hz पर्यंत आहे. डिव्हाईसमध्ये यूनिसोक T7100 ऑक्टा-कोर प्रोसेसर मिळणार आहे, ज्याची क्लॉक स्पीड 2.2GHz पर्यंत आहे. यासोबतच, या स्मार्टफोनमध्ये 4GB एलपीडीडीआर4एक्स रॅम आणि 64GB इंटरनल स्टोरेज देण्यात आले आहे. फोनमध्ये वर्चुअल रॅम एक्सपेंशन देखील मिळणार आहे, ज्याद्वारे रॅम 8GB पर्यंत वाढवली जाऊ शकते. याप्रमाणे फोनमध्ये एकूण 12GB पर्यंत रॅम मिळू शकते.

कॅमेरा

सेल्फी आणि व्हिडीओ कॉलिंगसाठी या स्मार्टफोनमध्ये 5MP फ्रंट कॅमेरा दिला आहे. स्मार्टफोनच्या मागे एलईडी फ्लॅशसह 8MP कॅमेरा आहे.

बॅटरी

या डिव्हाईसमध्ये 18W चार्जिंग सपोर्टसह 6000mAh बॅटरी आहे. डिव्हाईसमध्ये चार्जिंगसाठी यूएसबी टाइप-सी पोर्ट मिळणार आहे. मोठ्या बॅटरीमुळे स्मार्टफोन दिर्घकाळ वापरला जाऊ शकतो.

Tech Tips: Air Fryer ची स्वच्छता करताना तुमची ही चूक पडू शकते महागात, हीटिंग सिस्टिमला पोहोचू शकते नुकसान! वाचा सविस्तर

कनेक्टिविटी फीचर्स

फोनमध्ये अँड्रॉईड 16 गो एडीशन आहे. हे अँड्रॉईडचे हलके वर्जन आहे, ज्यामुळे एंट्री-लेवल हार्डवेयरवाल्या फोनसाठी डिझाईन करण्यात आला आहे. फोनला MIL-STD-810H स्टँडर्डअंतर्गत टेस्ट करण्यात आहे. यामध्ये मिलिट्री-ग्रेड ड्यूरेबिलिटी मिळणार आहे. फोनमध्ये साइड-माउंटेड फिंगरप्रिंट सेंसर, फेस अनलॉक, 3.5mm हेडफोन जॅक आणि IR ब्लास्टर देखील मिळणार आहे. या डिव्हाईसमध्ये यूएसबी टाइप-सी ओटीजी, 4G एलटीई, डुअल 4G VoLTE, वाय-फाय, ब्लूटूथ 5.2 आणि जीपीएस सारखे कनेक्टिविटी फीचर्स देखील मिळणार आहे.