Truecaller ला टक्कर? आता अनोळखी कॉलवरही दिसणार थेट नाव; टेलिकॉम कंपन्यांचा मोठा निर्णय

अनोळखी कॉलमुळे होणारी भीती लवकरच संपणार आहे. Jio, Airtel आणि Vi यांनी CNAP सेवा सुरू केली असून, आता फोन वाजताच कॉल करणाऱ्याचे KYCमध्ये नोंदलेले खरे नाव स्क्रीनवर दिसणार आहे.

• CNAP मुळे अज्ञात नंबरचे खरे नाव थेट स्क्रीनवर दिसणार
• सेवा Jio, Airtel, Vi कडून टप्प्याटप्प्याने सुरू
• Truecallerपेक्षा अधिक सुरक्षित व अधिकृत माहितीआ

आपल्या जेव्हा अनोळखी नंबरने कॉल येतो तेव्हा आपल्या मनात अनेक प्रश्न येतात, हा कॉल कोणाचा आहे? हा कॉल सायबर फसवणुकीचा तर नाही? अशे अनेक प्रश्न आपल्याला पडतात. भारतात बनावट आणि घोटाळ्याच्या कॉलची संख्या वाढत चालली आहे. अनेक लोक याच भीतीमुळे बरेच लोक फोन उचलत नाही. म्हणून टेलिकॉम कंपनीने एक मोठा निर्णय घेतला आहे. अज्ञात नंबरवरून येणाऱ्या कॉलचे आता थेट नाव दिसणार आहे. चला जाणून घेऊया या बाबतीत सविस्तर.

बेशिस्त ऊस वाहतूकदारांवर कारवाईचा बडगा; पोलीस ‘या’ गोष्टींची करणार तपासणी

कॉलर नेम प्रेझेंटेशन (CNAP) म्हणजे काय? 

देशातील सर्वात मोठ्या खाजगी टेलिकॉम कंपन्या यांनी देशभरातील विविध मंडळांमध्ये कॉलर नेम प्रेझेंटेशन (CNAP) सेवा सुरू केली आहे. जिओ, एअरटेल आणि व्होडाफोन-आयडिया (VI ) या कंपनीचा यात समावेश आहे. या नवीन सेवेअंतर्गत, तुमचा फोन वाजताच तुम्हाला कॉल करणाऱ्याचे खरे आणि नोंदणीकृत नाव आता मोबाईल स्क्रीनवर दिसेल. यामुळे अज्ञात नंबर ओळखणे सोपे होईल आणि सायबर फसवणुकीला आळा बसेल. या नवीन उचलेल्या पावलात वैशिष्ट्य असे आहे की, जेव्हा तुम्हाला कॉल येतो तेव्हा सिम कार्डचा अधिकृत केवायसी कागदपत्रांमध्ये नोंदवलेले कॉलरचे खरे नाव आता तुमच्या स्क्रीनवर दिसेल.

हे Truecaller पेक्षा वेगळे काय आहे?

सध्या आपण अनोळखी नाव ओळखण्यासाठी Truecaller चा सर्वात जास्त वापर करतो. जिथे वापरकर्ता मॅन्युअली नाव बदलू शकतो. मात्र CNAP थेट टेलिकॉम कंपन्यांच्या डेटाबेसशी जोडलेले आहे, त्यामुळे केवायसी कागदपत्रांमध्ये नोंदवलेले नाव प्रदर्शित केले जाणार. टेलिकॉम कंपन्या भारतीय दूरसंचार नियामक प्राधिकरणाच्या निर्देशानुसार कॉलर नेम प्रेझेंटेशन हे अंमलात आणत आहे.

कोणती कंपनी कोणत्या राज्यात सेवा देत आहे?

• ही सेवा सध्या वेगवेगळ्या टप्प्यात सुरू केली जात आहे. सरकारी मालकीच्या बीएसएनएलबद्दल बोलायचे झाले तर, ते सध्या पश्चिम बंगालमध्ये चाचणी घेत आहे.
• रिलायन्स जिओने पश्चिम बंगाल, केरळ, बिहार, उत्तर प्रदेश पूर्व, राजस्थान, पंजाब, आसाम, उत्तराखंड, हिमाचल प्रदेश, झारखंड आणि ओडिशामध्ये आपली सेवा सुरू केली आहे.
• एअरटेलने पश्चिम बंगाल, गुजरात, मध्य प्रदेश आणि जम्मू आणि काश्मीरमध्ये सुरू केली आहे.
• Vi महाराष्ट्रात देखील लाइव्ह आहे आणि तामिळनाडूमध्ये चाचणी सुरू आहे.

Bihar Crime: परीक्षा झाली, घरी जायला ऑटो बुक केला, वाटेत ड्रायव्हरने नको ते केलं; बिहार येथील धक्कादायक घटना