Viral: लग्नाची मेजवानी बनली रणभूमी! ‘रसगुल्ल्या’वरून वऱ्हाडींमध्ये तुफान हाणामारी; Video पाहून तुम्हालाही हसू अवरणार नाही

Bihar Viral Video: बिहारच्या गया जिल्ह्यात रसगुल्ला कमी पडल्याने लग्न मंडपात मोठा वाद झाला. वधू आणि वर पक्षाच्या लोकांमध्ये खुर्च्या चालल्याने हाणामारी झाली आणि अखेर हे लग्न तुटले.

 

• लग्नाची मेजवानी बनली रणभूमी!
• क्षुल्लक कारणावरून वऱ्हाडींमध्ये तुंबळ हाणामारी
• घटनेचा व्हिडिओ व्हायरल

देशभरात सध्या लग्नसराईचा हंगाम सुरू आहे. लग्न समारंभात वऱ्हाडी मंडळींना जेवणाची मोठी उत्सुकता असते. अनेकदा जेवण संपल्याने किंवा एखाद्या पदार्थावरून मोठा वाद होतो. पण मिठाई कमी पडल्याने थेट लग्न मोडण्याची वेळ आल्याची एक धक्कादायक घटना बिहारच्या गया जिल्ह्यातून समोर आली आहे. गया जिल्ह्यातील बोधगया (Bodhgaya) येथे रसगुल्ला (Rasgulla) कमी पडल्याने वधू आणि वर पक्षाच्या लोकांमध्ये जोरदार हाणामारी झाली. या वादात खुर्च्या चालल्या आणि लाथा-बुक्क्यांचा वापरही झाला. परिस्थिती इतकी बिघडली की, अखेर हे लग्न मोडावे लागले.See more

Wedding in Bihar’s Bodh Gaya called off after bride & groom families fight over rasgulla shortage. Chairs thrown, punches exchanged; bride’s side later files dowry case. CCTV video viral. (Nov 29)
pic.twitter.com/G0x9iDDa55 — Ghar Ke Kalesh (@gharkekalesh) December 4, 2025

सीसीटीव्ही फुटेज व्हायरल

बोधगया येथील एका हॉटेलमध्ये ३० नोव्हेंबर रोजी हा विवाह सोहळा आयोजित करण्यात आला होता. नवरीकडील लोक अतरी पोलीस ठाणे क्षेत्रातील, तर नवरदेवाकडील लोक बोधगया पोलीस ठाणे क्षेत्रातील हथियारा गावचे होते.

हे देखील वाचा: “मी थकलोय, आई माझ्या मुलांची काळजी घे…” BLO अधिकाऱ्याने घेतला स्वतःचाच जीव, पत्रात लिहिले कारण; मृत्यूपूर्वीचा Video Viral

वाद नेमका कशावरून

वरमाळेचा कार्यक्रम झाल्यावर नवरदेवकडील मंडळी जेवण करण्यासाठी हॉलमध्ये पोहोचली. याच वेळी रसगुल्ला कमी पडल्याने दोन्ही पक्षांमध्ये शाब्दिक चकमक सुरू झाली. बघता बघता वादाचे रूपांतर मारामारीत झाले. लोक एकमेकांवर तुटून पडले, खुर्च्या आणि हातात जे येईल ते शस्त्र म्हणून वापरले जाऊ लागले. या घटनेचे सीसीटीव्ही फुटेजही समोर आले आहे. परिस्थिती हाताबाहेर गेल्यामुळे अखेरीस विवाह सोहळा रद्द करण्यात आला.

वादाचे कारण काय?

या मारामारीत दोन्ही बाजूचे अनेक लोक जखमी झाले असून, दोन्ही पक्षांनी पोलीस ठाण्यात तक्रार दाखल केली आहे. मुलीच्या बाजूच्या लोकांनी आरोप केला आहे की, नवरदेवाच्या कुटुंबीयांनी आधी दिलेल्या १० लाख रुपयांच्या हुंड्यानंतरही अतिरिक्त २ लाख रुपयांची मागणी केली. त्यावरून वाद वाढला.

वराने फेटाळला आरोप

नवरदेव पक्षाने हा आरोप पूर्णपणे फेटाळला आहे. त्यांचा दावा आहे की, ते हुंडा न घेता लग्न करत होते आणि वाद केवळ जेवण (रसगुल्ला) कमी पडल्यामुळे सुरू झाला, जो नंतर वाढला. आम्ही आजही लग्नासाठी तयार आहोत, पण मुलीच्या पक्षाने खोटा गुन्हा दाखल करून माघार घेतली, असे त्यांचे म्हणणे आहे. सध्या पोलिसांनी दोन्ही कुटुंबांचे जबाब नोंदवले असून, या संपूर्ण प्रकरणाचा तपास सुरू आहे.

हे देखील वाचा: असं टॅलेंट नसलेलं बरं…! अवघ्या 1 सेकंदात तरुणाने अख्ख केळं गिळून दाखवलं, पाहून आजूबाजूचे लोकही हादरले; पाकिस्तानचा Video Viral