साहसी खेळ की मृत्यूचा थरार? पॅराग्लायडिंगचा आनंद घेण्यासाठी गेला पण जीवाचा खेळ करून बसला; थरारक Video Viral
मागील काही काळापासून तरुणांमध्ये पॅराग्लायडिंगची क्रेझ फार वाढली आहे. हा एक साहसी खेळ आहे जो हवेत खेळला जातो. यात एका मोठ्या कापडी ग्लायडरच्या मदतीने आपल्याला हवेत उडण्याचा आनंद घेता येतो. मात्र हे साहसी खेळ खेळताना आपल्या जीवाची काळजी घेणे देखील तितकेच महत्त्वाचे असते. हा खेळ खेळणे म्हणजे जीवाचा धोका पत्कारणे! अशात मागील काही घटना बघता अनेकांनी पॅराग्लायडिंग करताना आपला जीव गमावला आणि अशीच आणखीन एक घटना समोर आली आहे ज्याचा चित्तथरारक व्हिडिओ सध्या सोशल मीडियावर खूप जास्त व्हायरल होत आहे.
काय आहे प्रकरण?
तर ही घटना हिमाचल प्रदेशच्या इंद्रनाग येथे घडून आली असून अहमदाबादचा २५ वर्षीय सतीश आपल्या चुलत भावासोबत सुट्टी घालवण्यासाठी हिमाचल प्रदेशमध्ये आला होता. माहितीनुसार, रविवारी संध्याकाळी बांगोटू टेकडीवरून पॅराग्लायडिंगचा आनंद घेताना टेक ऑफ वेळीच त्याने आपला जीव गमावला. या अपघातात सतीश आणि त्याच्यासोबत असलेला पायलट असेल दोघेही टेकडीवरून खाली पडले. यांनतर दोघांनी रुग्णालयात नेले असता पायलटचा जीव वाचला पण सतीशने मात्र या घटनेत आपला जीव गमावला. व्हिडिओमध्ये असे दिसून येते की टेक-ऑफ दरम्यान पॅराग्लायडर हवेत वर जाऊ शकला नाही आणि पडला आणि क्रॅश झाला. या घटनेचा एक थरारक व्हिडिओ आता सोशल मीडियावर मोठ्या प्रमाणात व्हायरल होत आहे.
Still don’t get how people trust adventure sports in India. Another life lost in Indrunag Dharamshala — 25 year old Satish from Gujarat. Just months ago a 19 year old girl lost her life at the same spot. The site was closed till September, but flights were still taking place. pic.twitter.com/fPv4XujHzf — Nikhil saini (@iNikhilsaini) July 14, 2025
घटनेचा व्हायरल व्हिडिओ @sunnykathuria.yt नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “पर्यटन विभागाने या जागेला परवानगीही दिलेली नाही, तरीही येथून पॅराग्लायडिंग उपक्रम सुरूच होते. एखाद्याचा जीव धोक्यात घालूनही नियम तोडणे किती सोपे आहे हे धक्कादायक आहे” तर दुसऱ्या युजरने लिहिले आहे, “ते उघडे नव्हते, ते बेकायदेशीरपणे करत होते!” आणखीन एका युजरने लिहिले आहे, “आपल्या देशातील साहसी खेळांचे नाव बदलून “द लास्ट राईड” असे ठेवले पाहिजे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.
.png "Videos"){kind=small}
