देवदूत बनून आला खाकी वर्दीतील देव! चालत्या ट्रेनखाली घसरला प्रवासी, कॉन्स्टेबलने खेचून वाचवले प्राण; Video Viral

Video Viral : काळ आला होता पण वेळ आली नव्हती...! धावत्या रेल्वेत चढताना प्लॅटफाॅर्मच्या फटीत अडकला जीव पण कॉन्स्टेबलच्या प्रसंगावधानाने वाचवला प्रवाशाचा जीव. या थरारक घटनेचा व्हिडिओ सोशल मिडियावर वेगाने व्हायरल होत आहे.

• अनंतपूर रेल्वे स्थानकावर धावती ट्रेन पकडण्याच्या प्रयत्नात प्रवासी अडचणीत
• काही सेकंदांत परिस्थिती इतकी गंभीर झाली की उपस्थितांच्या काळजाचा ठोका चुकला
• संपूर्ण घटना CCTV कॅमेऱ्यात कैद झाली असून VIDEO सोशल मीडियावर व्हायरल

असं म्हणतात की, देव फक्त मंदिरातच नाही तर माणसांतही पाहता यायाला हवा. कधी कधी घाईगडबडीत आपणच आपला जीव धोक्यात घालतो आणि अशावेळी देवदूत बनून काही लोक आपले प्राण वाचवतात. आताच्या काळात जिथे प्रत्येकजण स्मार्टफोनच्या दुनियेत रंगले असताना आजूबाजूच्या लोकांकडे फारसे कुणाचे लक्ष जात नाही, त्यामुळे मदतीची अपेक्षा करणेही फार दूरची गोष्ट आहे. तथापि, अजूनही काही लोक आहेत जे फक्त व्हिडिओ शूट करण्यासाठी नाही तर मदतीसाठीही आपला हात पुढे करतात. जेव्हाही अशा घटना घडतात तेव्हा देवाच्या रुपातच माणूस मदतीला आला असे म्हटले जाते.

Viral Video: मुंबईतील रेल्वे स्टॉलवर उंदरांचा सुळसुळाट! VIDEO समोर येताच पश्चिम रेल्वेची कारवाई

अलिकडेच आंध्र प्रदेशातील अनंतपुर जिल्ह्यातील भैरव नगरमधील रहिवाशी कुमार हाल यांच्यासोबत जीवघेणी घटना मृत्यूच्या उंबरठ्यावर येऊन परतली. अपघातात त्यांचा जीव जाणारच होता तितक्यात एका पोलिस अधिकाऱ्याने यात हस्तक्षेप केला आणि मृत्यूच्या दाढेतून व्यक्तीचा जीव वाचवला. या घटनेचे सीसीटीव्ही फुटेज सोशल मिडियावर शेअर करण्यात आले आहे ज्यात आपण घटनेचा तपशील पाहू शकतो. व्हिडिओत रेल्वे स्थानकावर रेल्वे सुरु झाल्याचे दिसते आणि यातच एक व्यक्ती धावत्या रेल्वेत चढण्याचा प्रयत्न करताना दिसतो. रेल्वे आधीच सुरु झाली असल्याने ती काही सेकंदातच वेग पकडते आणि व्यक्ती रेल्वेसोबत प्लॅटफाॅर्मवर घरंगळत पुढे ओढला जातो. एक क्षण असा येतो की तो रेल्वे आणि प्लॅटफाॅर्मच्या फटीत पडणारच असतो तितक्यात पोलिस अधिकारी धावत येऊन त्याला खेचत मागे ओढतो. या घटनेमुळे आजूबाजूच्या लोकांच्याही अंगावर काटा येतो.

సీసీటీవీ ఫుటేజ్ కదిలే రైలు ఎక్కబోయి జారిపడిన వ్యక్తి వెంటనే అప్రమత్తమై అతన్ని కాపాడిన ట్రాఫిక్ కానిస్టేబుల్ అనంతపూర్ రైల్వే స్టేషన్‌లో గత నెల 29వ తేదీన కదులుతున్న రైలు ఎక్కి జారిపడిన భైరవ నగర్ ప్రాంతానికి చెందిన రవి కుమార్ అనే వ్యక్తి వెంటనే అప్రమత్తమై చొక్కా పట్టుకుని లాగి అతని ప్రాణాలు కాపాడిన ట్రాఫిక్ కానిస్టేబుల్ — Telugu Scribe (@TeluguScribe) October 3, 2026

Raebareli Government Hospital: संतापजनक!!! सरकारी दवाखान्यात पैसे मागणी, गर्भवती महिला रस्त्यावर झाली बाळंतीण, Video Viral

वाहतूक पोलीस कॉन्स्टेबल सुरेंद्र यांनी प्रसंगावधान दाखवत कुमारचे प्राण वाचवले. घटनेतून सावरल्यानंतर कुमार लगेच कॉन्स्टेबलच्या पाया पडत त्याचे आभार मानतो. घटनेचा व्हिडिओ व्हायरल झाल्यामुळे कॉन्स्टेबल सुरेंद्रचे आता भरभरुन काैतुक केले जात असून व्हिडिओ इंटरनेटवर सध्या चांगलाच चर्चेचा विषय ठरत आहे. दरम्यान धावत्या रेल्वेतून उतरणे किंवा चढणे आपल्यासाठी धोकादायक ठरत असून कितीही विलंब होत असला तरी असे प्रकार करणे टाळायला हवे. लक्षात घ्या, तुमची एक चूक तुमचा जीव घेऊ शकते अशात घाई न करता सुरक्षित प्रवासाला प्राधान्य द्या.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.