अभिमानास्पद! अंदमानच्या समुद्रात भारतीयांनी रचला नवा इतिहास; पाण्याखाली उभारला सर्वात उंच मानवी पिरॅमिड, गिनीज बुकमध्ये नोंद

Human Piramid Underwater Video : केवळ दोन दिवसांतच अदंमान-निकोबार येथील केंद्रशासित प्रशासनाने दुसरा जागतिक विक्रम करुन दाखवला. याची नोंद गिनीज वर्ल्ड बुकमध्ये झाली असून व्हिडिओ सोशल मिडियावर ट्रेंड करत आहे.

• समुद्राच्या खोल पाण्यात भारतीयांनी केला अनोखा पराक्रम
• अवघ्या काही मिनिटांत जागतिक विक्रमाची नोंद
• अंदमान-निकोबार पुन्हा एकदा जगभरात चर्चेत

मागेच अंदमान निकोबारच्या समुद्रात पाण्याखाली देशाचा सर्वात मोठा तिरंगा फडकवल्याचा पराक्रम सोशल मिडियावर व्हायरल झाला होता. मुख्य म्हणजे याची नोंद गिनीज वर्ल्ड बुक रेकाॅर्डमध्येही करण्यात आली होती. यातच आता अंदमान-निकोबारच्या प्रशासनाने आणखी एक विक्रमी पराक्रम घडवून आणल्याचे समोर आले आहे. यावेळी इथल्या स्वराज्य बेटावरील समुद्रात पाण्याच्या आत मानवी पिरॅमिड साकरल्याची घटना समोर येत आहे. यामुळे जागतिक स्तरावर भारताचा मान आणखी वाढला कारण या घटनेची नोंद आता गिनिज वर्ल्ड बुक रेकाॅर्डमध्ये करण्यात आली आहे. चला याविषयी सविस्तर माहिती जाणून घेऊया.

शॉर्टकटने घेतला जीव! रेल्वे ट्रॅक ओलांडताना भाचीसह मावशीचा ट्रेनखाली चिरडून मृत्यू; घटनेचा थरारक Video Viral

सोशल मिडियाच्या अनेक प्लॅटफाॅर्म्सवर या विक्रमाचा व्हिडिओ शेअर करण्यात आला आहे. यात आपण पाहू शकतो की, समुद्राच्या आत खोल पाण्यात कशाप्रकारे मानवी पिरॅमिड साकरण्यात आला. डायव्हर्सच्या एका तुकडीने मोठ्या धैर्याने या विक्रमाला पूर्णत्वास आणले. हा जगातील सर्वात उंच मानवी मनोरा अदंमान-निकोबार येथील स्वराज्य बेटावर बनवण्यात आला. मिळालेल्या माहितीनुसार, स्वराज्य बेट म्हणून ओळखल्या जाणाऱ्या हॅवलॉक बेटावर रविवारी ३ मे २०२६ रोजी हा पराक्रम गिनीज वर्ल्ड रेकॉर्डमध्ये नोंदवण्यात आला. माहितीनुसार, नायब राज्यपाल डी. के. जोशी यांच्यासह १४ जणांनी या कार्यक्रमात भाग घेतला आणि २२.३ मीटर उंचीचा मानवी पिरॅमिड उभारला. इतकेच नाही, तर ते तीन मिनिटे पाण्याखाली राहिले.

See more

हातात वरमाला घेऊन तयार होता वर, वधूने उडी मारत भरमांडवातून काढला पळ, लग्नसमारंभातील Video Viral

हे लक्षात घेणं महत्त्वाचं आहे की, अंदमान आणि निकोबार येथील प्रशासनाने केवळ दोन दिवसांतच दोन पराक्रम करुन दाखवले. या दोन्ही विक्रमांचा उद्देश या बेटांना जागतिक स्तरावरील एक प्रमुख ‘डायव्हिंग पर्यटन स्थळ’ म्हणून प्रसिद्धी देणे हा आहे. या विक्रमाची आता जगभर चर्चा होत असून देशात याचे व्हिडिओज चांगलेच ट्रेंड करत आहेत.इंस्टाग्रामवर @andaman_and_nicobar_tourism नावाच्या अधिकृत अकाऊंटवरुन या विक्रमाचा व्हिडिओ शेअर करण्यात आला आहे. व्हिडिओच्या कॅप्शनमध्ये या विक्रमाची सर्व माहिती देण्यात आली आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.