लिफ्ट उघडली अन् मृत्यूने गाठलं… मुलगी-नातवासमोर दरवाजातच चिरडली गेली ५० वर्षीय महिला; घटनेचा थरारक Video Viral

Lift Accident Video : लिफ्टमधून बाहेर पडताना महिलेला मृत्यूने घेतलं ओढून... घटना आंध्र प्रदेशच्या एका अपार्टमेंटमध्ये घडली असून याचा व्हिडिओ सोशल मिडियावर सर्वांनाच हादरवून सोडत आहे.

• लिफ्टमधून बाहेर पडताना नेमकं काय घडलं?
• सीसीटीव्हीत कैद झाला अंगावर काटा आणणारा अपघात
• घटनेनंतर सुरक्षाव्यवस्थेवर गंभीर प्रश्न उपस्थित

आंध्र प्रदेशच्या प्रकाशम जिल्ह्यातून एक अत्यंत धक्कादायक व्हिडिओ समोर आला आहे. लिफ्टमधून बाहेर पडताना एक ५० वर्षाय महिला अपघाताला बळी पडली आणि जागीच तिचा मृत्यू झाला. या घटनेचे सीसीटीव्ही फुटेज सध्या सोशल मिडियावर शेअर करण्यात आले असून यातील दृष्ये कुणाच्यीही अंगावर काटा आणू शकतात. मुख्य म्हणजे ही घटना घडली तेव्हा घटनास्थळी महिलेची मुलगी आणि नातू उपस्थित होते. लिफ्टमधून मुलाला घेऊन मुलगी बाहेर पडली पण जेव्हा वृद्ध महिला यातून बाहेर निघू लागली तेव्हा अचानक लिफ्ट खाली जाऊ लागली आणि महिला मृत्यूच्या या सापळ्यात वाईटरित्या अडकली. चला या घटनेविषयी सविस्तर जाणून घेऊया.

माणूस आहे की स्प्रिंग? कपड्यासारखं पिळवटून टाकलं शरीर, Viral Video पाहून बसेल धक्का

काय घडलं व्हिडिओत?

पोलिसांना प्राथमिक तपासात मृत महिलेची ओळख वनिता अशी पटली आहे. महिला प्रकाशम शहरातील एका अपार्टमेंटमध्ये राहणाऱ्या आपल्या मुलीच्या घरी आली होती. अपघातावेळी तिची मुलगी आणि नातू देखील तिथे उपस्थित होते. त्यांना अपार्टमेंटच्या पहिल्या मजल्यावर जायचे होते ज्यासाठी त्यांनी लिफ्टचा मार्ग निवडला. पहिल्या मजल्यावर पोहचल्यानंतर लिफ्टचे दार उघडले आणि सुरुवातील वनिताची मुलगी आणि नातू बाहेर पडले. यानंतर जेव्हा वनिता लिफ्टमधून बाहेर पडू लागली तेव्हा दारापर्यंत येईपर्यंतच अचानक लिफ्ट सुरु झाली आणि खालच्या बाजूला जाऊ लागली. यावेळी लिफ्टचे दरवाजे खुले होते तरीही लिफ्ट ऑटोमॅटीक खाली जाऊ लागली.

लिफ्ट अशी अचानक सुरु झाल्याने वनिता आणि लिफ्ट आणि शाफ्टच्या मध्ये वाईटरित्या चिरडली गेली. मुलीने मागे वळून जेव्हा हे दृष्य पाहिले तेव्हा ती घाबरली आणि तिने लिफ्टचे बटण दाबून लिफ्ट खोलण्याचा प्रयत्न केला. आरडाओरड ऐकून आजूबाजूच्या लोकांनी येऊन मदत केली आणि वनिताला या परिस्थितीतून बाहेर काढले. या घटनेनंतर महिलेला रुग्णालयात दाखल करण्यात आले जिथे डाॅक्टरांनी तिला मृत घोषित केले. या घटनेमुळे संपूर्ण परिसरात आता शोककळा पसरली असून अपार्टमेंटच्या सुरक्षा व्यावस्थेवर गंभीर प्रश्न उपस्थित केले जात आहेत.

See more

‘आम्ही Gen-Z आहोत, हे सहन करणार नाही!’ लडाख चेकपोस्टवर तरुणीचा जवानावर संताप, Video Viral

पोलिसांनी दाखल केली एफआयआर

कुटुंबाच्या तक्रारीवर पोलिसांनी FIR दाखल केली असून लिफ्टमध्ये काही तांत्रिक बिघाड होता का याचा तपास केला जात आहे. दरम्यान या घटनेचा व्हिडिओ सोशल मिडियाच्या वेगवेगळ्या प्लॅटफार्म्सवर आतापर्यंत शेअर करण्यात आला असून सोशल मिडियावर यूजर्सच्या संमिश्र प्रतिक्रिया उमटत आहेत. एका यूजरने म्हटले की, “दरवाजे बंद न होता लिफ्ट खाली कशी गेली?”, दुसऱ्या युजरने लिहिले आहे, “जर त्या अजून थोडा वेळ तिथेच थांबल्या असत्या, तर त्या आई आणि मुलालाही आत ओढून नेले गेले असते… मुलाला उचलून घेऊन तिथून तातडीने निघाल्यामुळेच कदाचित त्यांचे प्राण वाचले… काकूंना भावपूर्ण श्रद्धांजली”, आणखी एका यूजरने लिहिले आहे, “लिफ्टमध्ये कधी काय होईल हे सांगता येत नाही, त्यामुळे शक्य तितक्या लवकर बाहेर पडणेच उत्तम”.