बंगळुरूमध्ये थरार! फूटपाथवरून ट्रान्सफॉर्मरचा ब्लास्ट! तरुण गंभीर जखमी; अंगाचा थरकाप उडवणारा Video Viral
काय घडलं व्हिडिओत?
घटनेचे सीसीटीव्ही फुटेज सोशल मिडियावर व्हायरल झाले आहे ज्यात आपल्याला घटनेचा तपशिलवार पाहता येतो. फुटपाथवरुन काही लोक सामान्यपणे पुढे चालत जात होती आणि याचवेळी ट्रांसफॉर्मरमध्ये स्पार्क होऊ लागला. ट्रांसफॉर्मर फुटल्याने काही सेकंदातच मोठा स्फोट झाला आणि फूटपाथवर भीषण आग लागली.
मुख्य म्हणजे, स्फोट झाला तेव्हा काही वाटसरु ट्रांसफॉर्मरच्या बाजूने जात होते ज्यामुळे स्फोट होताच आगीच्या ठिगण्या त्यांच्या अंगावर आल्या. या घटनेत एका तरुणाला गंभीर दुखापत झाल्याचे सांगण्यात येत आहे. घटनेनंतर उपस्थित लोकांनी आणि गस्त घालणाऱ्या पोलिसांनी जखमी तरुणाला तत्काळ रुग्णालयात दाखल केले. इथे तरुणावर उपचार सुरु असून त्याची परिस्थीती गंभीर असल्याचे समोर येत आहे.
प्रशासनावर प्रश्नचिन्ह
या घटनेनंतर बंगळूरुतील स्थानिकांमध्ये असंतोष पसरत असून ज पुरवठा कंपनी आणि पालिका प्रशासनावर नागरिकांकडून तीव्र संताप व्यक्त केला जात आहे. लोकांचं म्हणणं आहे की, वर्दळीच्या पदपथांजवळ ट्रान्सफॉर्मर कोणत्याही सुरक्षा व्यवस्थेशिवाय बसवल्याने असे उघडपणे अपघात होतात. या समस्येवर उपाययोजना करत संबंधित अधिकाऱ्यांवर कारवाई करावी अशी मागणी स्थानिकांद्वारे केली जात आहे.
व्हिडिओ व्हायरल
दरम्यान घटनेचा हा व्हिडिओ @Bangalore 247 नावाच्या फेसबुक अकाऊंटवरुन शेअर करण्यात आली आहे. व्हिडिओवर अनेक यूजर्सने कमेंट्स करत या अपघातावर आपल्या प्रतिक्रिया व्यक्त केल्या आहेत. यात एका यूजरने म्हटले की, “दक्षिण बंगळुरूमध्ये मी जिथे राहतो, त्याच्या अगदी जवळच अशा प्रकारचे ट्रान्सफॉर्मर्स आहेत. ते अनेकदा मोठ्या आवाजासह फुटतात आणि त्यामुळे मध्यरात्री आमची झोपमोड होते. त्या मोठ्या स्फोटांच्या आवाजामुळे लहान मुले घाबरतात”, दुसऱ्या युजरने लिहिले आहे, “सिंगापूरच्या निर्मितीदरम्यान या सर्व गोष्टी घडल्या होत्या. हे सर्व एक प्रकारे ‘टेस्टिंग’ (चाचणी) आहे… आपल्या बंगळुरूमध्ये सुधारणा करण्यासाठी…”, आणखी एका यूजरने लिहिले आहे, “बंगळुरूमध्ये ही सुरक्षेची एक मोठी समस्या आहे. अनेक स्विचगिअर्स आणि ट्रान्सफॉर्मर्स कोणत्याही कुंपणाशिवाय किंवा सुरक्षा उपायांशिवाय पदपथावर बसवण्यात आले आहेत”.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
