Delhi Couple Romance Viral Video
प्रेमात लोक अंधळे होतात, जगाचा विचार करत नाहीत असे तुम्ही नक्कीच ऐकले असेल. पण अलीकडे प्रेमाची व्याख्या फारच बदलली आहे. तरुणाई आपल्या पार्टनवर प्रेम व्यक्त करण्यासाठी अजिबात वेळ घालवत नाही. पण अनेकदा प्रेम व्यक्त करताना लोकांना आसपासचे भान राहत नाही. गार्डन, ट्रेन. भररस्त्यावर कुठेही तरुणाई प्रेम व्यक्त करायला लागते. प्रेम व्यक्त करणं काही चुकीचे नाही, पण आसपासच्या परीस्थितीची भान असणं तितकच महत्त्वाचं आहे. आपल्या कोणत्याही कृत्यामुळे कोणालाही त्रास तर होता कामा नये.
पण अलीकडे तरुणाई याकडे जराही लक्ष देत नाही. आता हे पाहा ना दिल्लीच्या व्यस्त रस्त्यावर एक कपल कारच्या छतावर बसून अश्लील चाळे करत आहे. व्हायरल होत असलेल्या व्हिडिओत तुम्ही पाहू शकता की एक पांढऱ्या रंगाच्या कारमधून तरुण खिडकीतून बाहेर येत कारच्या छतावर जाऊन बसतो. यानंतर एक तरुणी अर्धी बाहेर येते आणि दोघेही किस करु लागतात. तरुण कारच्या छतावर झोपून आणि तरुणी खिडकीतून बाहेर येऊन किस करत असतात.
व्हायरल व्हिडिओ
नेटकऱ्यांच्या प्रतिक्रिया
व्हायरल होत असलेला व्हिडिओ सोशल मीडिया प्लॅटफॉर्म इन्स्टाग्रामवर @dekh_delhi_dekh या अकाऊंटवर शेअर करण्यात आला आहे. या व्हिडिओला हजारो लाईक्स आणि व्ह्यूज मिळाले असून लोकांनी तीव्र संताप व्यक्त केला आहे. अचानक ब्रेक लागल्यावर मोठा अपघात होईल मगच यांना अक्कल येईल असे एकाने म्हटले आहे, तर दुसऱ्या एकाने लाईक्स आणि प्रसिद्धीसाठीचा स्टंट अशी कमेंट केली आहे.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
