(फोटो सौजन्य: Instagram)
काय घडलं व्हिडिओत?
सोशल मिडियावर लग्नाचे अनेक व्हिडिओज शेअर केले जातात पण यावेळी लग्नातील सोहळ्यांनी नाही तर नवरदेवाच्या माळेने सर्वांना थक्क करुन सोडलं. व्हिडिओमध्ये तुम्ही पाहू शकता यात दिसते की, काही लोक छतापासून रस्त्यापर्यंत भलीमोठी पैशांची माळ घेऊन उभे आहेत. या माळेचा शेवट रस्त्यावर उभ्या असलेल्या नवरदेवापर्यंत होतो. त्याने गळ्यात ही माळ घातलेली असते पण तिची लांबी इतकी भलीमोठी असते की तिला पकडायला डझनभर लोकांची यात मदत लागते. नवरदेवाची ही माळ पाहण्यासाठी रस्त्यावर जमलेल्या लोकांची गर्दी देखील व्हिडिओत स्पष्ट दिसून येते. दरम्यान ही घटना नक्की कुठली आहे याबाबत अद्याप कोणतीही माहिती समोर आलेली नाही.
View this post on Instagram
हा व्हिडिओ @subdeen.khan.54922 नावाच्या इंस्टाग्राम अकाऊंटवरुन शेअर करण्यात आला आहे. व्हिडिओ इंटरनेटवर चांगलाच व्हायरल होत असून याच्या कमेंट सेक्शनमध्ये अनेकांनी या दृष्यांवर आपले मत व्यक्त केले आहे. यात एका यूजरने म्हटले की, “यापेक्षा भावा, थोडे सोने आणि हिरे विकत घेतले तर बरे होईल”, दुसऱ्या युजरने लिहिले आहे, “गिनीज बुक ऑफ वर्ल्ड रेकॉर्डमध्ये स्थान मिळवण्यास हा हार पात्र आहे” आणखीन एका युजरने लिहिले आहे, “अरे बापरे एवढ्यात तर आमच्या इथल्या संपूर्ण गावाचे जेवण करुन होईल”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
