गबरू जवानाचा माज उतरला, काकांशी पंजा लढवत होता… अखेर तरुणालाच फुटला घाम; मजेदार Video Viral

Video Viral : वय तर फक्त एक आकडा! तरुणाच्या आव्हानावर काकांनी केली मात, अनोखा ठरला पंजाचा सामना. शेवट पाहून यूजर्स झाले अवाक्, म्हणाले, जुनं ते सोनं तेच खरं!

• तरुणाने काकांना दिलं पंजा लढवण्याचं आव्हान
• काकांनी ताकद दाखवत तरुणाला दिला धक्का
• काकांच्या विजयाचा व्हिडिओ सोशल मीडियावर व्हायरल

सोशल मिडियावर दररोज अनेक वेगवेगळ्या प्रकारचे व्हिडिओज व्हायरल होत असतात. इथे कधी काय दिसून येईल ते सांगता येत नाही. तुम्ही अनेक मजेदार व्हिडिओ इंटरनेटवर व्हायरल होताना पाहिले असतील. अलिकडे मात्र एका काकांचा व्हिडिओ सोशल मिडियावर खूप जास्त ट्रेंड करत आहे. व्हिडिओमध्ये वयस्कर काका एका तरुणासोबत पंजा लढवताना दिसतात. सुरुवातील काकांचे वय पाहून तरुण चांगलाच हुशारकी मारु लागतो पण काही क्षणातच त्याची सर्व हवा टाईट होते आणि काका त्याला सामन्यात चांगलीच धुळ चाखवतात. काकांची जबरदस्त ताकद पाहून यूजर्स चांगलेच खुश झाले असून व्हिडिओ सोशल मिडियावरह जोरदार शेअर केला जात आहे. चला व्हिडिओत काय घडलं ते जाणून घेऊया.

नकाब घातला तर हेल्मेट का नाही? ट्रॅफिक पोलिसांनी तरुणींना शिकवला धडा; Video Viral

काय घडलं व्हिडिओत?

व्हिडिओच्या सुरुवातीला आपल्याला एक तरुण त्याच्या ताकदीचे प्रदर्शन करताना दिसून येतो. त्याच्या चेहऱ्यावर एका वेगळ्याच प्रकारचा आत्मविश्वास झळकत असतो. कुणीही पंजा लढवायला मी त्याला धुळ चाखवेल म्हणजेच हरवेल असा विश्वास त्याला असतो. अशात तिथून जाणारे एक वयस्कर काका हे पाहतात. काहीतरी नवीन म्हणून तेही उत्साहात येतात आणि चलं पोरा तुला देसी ताकद दाखवतो असं म्हणत ते चॅलेंज एक्सेप्ट करतात.

लढाई सुरू होताच, दोघेही एकमेकांचे हात पकडतात. तरुण आपली सर्व शक्ती पणाला लावतो, पण तो काका मात्र जराही आपल्या जागेवरुन हालत नाही. त्या काकांची पकड आणि तोल इतका अचूक असतो की तरुणाची शक्ती हळूहळू कमी होऊ लागते. संपूर्ण लढाईदरम्यान, तरुणाच्या चेहऱ्यावर घाम आणि पराभवाची भीती स्पष्टपणे दिसते. काका मात्र हसत-खेळत त्याच्या चेहऱ्याकडे पाहत राहतात आणि हारण्याच्या त्याच्या भितीची मजा लुटतात. तिथे उपस्थित इतर तरुणही काकांची देसी पाॅवर पाहून थक्क होतात आणि चॅलेंजच्या शेवटी टाळ्यांच्या गजरात काकांच्या विजयाचा जल्लोष करतात.

See more

७ हजार किमी पार केलं, आता एक चाकी सायकलवर एव्हरेस्ट बेस कॅम्प गाठण्याचं ध्येय… केरळच्या तरुणाचं भन्नाट चॅलेंज; Video Viral
हा व्हिडिओ @fitness_by_kaleem नावाच्या इंस्टाग्राम अकाऊंटवर शेअर करण्यात आला आहे. व्हिडिओ चांगलाच चर्चेत असून व्हिडिओच्या कमेंट सेक्शनमध्ये अनेक यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “भावाने मन जिंकल”, दुसऱ्या युजरने लिहिले आहे, “बाप हा शेवटी बापच असतो”, आणखी एका यूजरने लिहिले आहे, “जुने ते सोनेच असते”.

टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.