वय फक्त एक नंबर! आजीबाईंनी पोल वॉल्टमध्ये दाखवला असा पराक्रम की सगळेच झाले थक्क, VIDEO पाहून लोकांनी तोंडात घातली बोटं

Old Lady Viral Video : वयाला टाकलं मागे... आज्जींनी तरुणांच्या बरोबरीने घेतला पोल व्हॉल्ट स्पर्धेत सहभाग. धावत पळत आल्या अन् खांब्यावरुनच मारली उडी, पाहून उपस्थित तरुणांना फुटला घाम. व्हिडिओ सध्या चांगलाच चर्चेत आहे.

• वयस्कर आज्जींनी पोल व्हॉल्टमध्ये घेतली उंच झेप
• पाहून तरुणही झाले थक्क; सोशल मीडियावर कौतुकाचा वर्षाव
• ६.७ मिलियनहून अधिक व्ह्यूज; यूजर्सच्या मजेशीर कमेंट्सची चर्चा

वय वाढलं की हाडंही कमकुवत होऊ लागतात. याकाळात शरीर फार हालचाल करु शकत नाही. सध्या तर तरुणपणीच अनेकांची हाडे दुखू लागली आहेत तर वृद्धांविषयी कायचं बोलणार. पण म्हणतात ना, मनात जिद्द असेल तर आपण कोणतीही गोष्ट सहज साध्य करु शकतो. असाच एक प्रकार सोशल मिडियावर अलिकडे व्हायरल झाला आहे. सांधदुखीचा त्रास घेऊन बेडवर पडून राहण्याचा वयात आज्जींनी अनोखा कर्तब करुन दाखवला ज्याला पाहून तरुणांचीही हवा टाईट झाली. चला नक्की काय घडलं ते सविस्तर जाणून घेऊयात.

आता भाज्यांऐवजी फ्रिजमध्ये ठेवले जाणार माणूस? जपानचा ‘हा’ VIDEO पाहून फिरून जाईल डोके!

काय घडलं व्हिडिओत?

अमेरिकेतील एका हायस्कूलच्या ट्रॅक मीटमध्ये सर्व काही सुरळीत सुरू होते. खेळाडू त्यांच्या स्पर्धेसाठी तयार होते आणि यातच एक वयस्कर खेळाडू यात सर्वात जास्त लक्षवेधी ठरली. हातात खांब, झुकलेली मान आणि हळूहळू पाऊले टाकत वयस्कर महिला खेळासाठी सज्ज झाली. तिने अमेरिकेच्या झेंड्याचा टी-शर्ट आणि स्पोर्ट्स शॉर्ट्स घातले होते. चेहऱ्यावरील त्या सुरकुत्या आणि कमकुवत पडलेले शरीर पाहून अनेकांना वाटते की महिला काही करु शकणार नाही पण पुढच्याच क्षणी अनोखं घडतं. हातात खांब घेऊन महिला हळूहळू पोलच्या दिशेने धावली आणि तिने उंच झेप घेत खेळ यशस्वी करुन दाखवला. उंची उडी घेत ती बरोबर खांब्याच्या दुसऱ्या दिशेने वळली आणि खाली असलेल्या गाद्यांवर तिने उडी मारली. यावेळी तिच्या चेहऱ्यावर आनंद होता तर इतरांच्या चेहऱ्यावर आश्चर्य दिसून येत होते. आज्जींचा हा पराक्रम सोशल मिडियावर सध्या चांगलाच व्हायरल होत असून त्यांच्या हिमतीसाठी अनेकांनी व्हिडिओवर काैतुकांचा वर्षाव केला आहे.

See more

 

बेहोष समजून जवळ गेला अधिकारी, अन् तितक्यात बिबट्याने घेतली झेप! अंगावर काटा आणणारा VIDEO समोर

हा व्हिडिओ @Senior Salute नावाच्या फेसबुक अकाऊंटवर शेअर करण्यात आले आहे. व्हिडिओला आतापर्यंत ६,७ मिलियन व्हूज मिळाले असून अनेक यूजर्सने व्हिडिओतील दृष्यांवर कमेंट्स करत यावर आपल्या प्रतिक्रिया व्यक्त केल्या आहेत. यात एका यूजरने म्हटले की, “मी तरुणपणात म्हातारा होत चाललोय आणि आज्जी म्हातारपणात तरुण होत चाालल्यात”, दुसऱ्या युजरने लिहिले आहे, “आज्जीबाईंची होती नव्हती तेवढी सगळी हाडे तुटली असावीत”, आणखी एका यूजरने लिहिले आहे, “त्यांच्या चेहऱ्यावरच्या आनंदाने त्यांच्या मेहनतीचे चीज केले”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.