अजब-गजब! ‘या’ देशात लग्नआधी तोडले जातात वधूचे दोन दात; कारण जाणून व्हाल थक्क

Funny Viral News : गेलाओ जमातीमध्ये एक विचित्र परंपरा आहे. येथे लग्नाआधी वधूचे दोन दात तोडले जातात. यामागचे कारण जाणून तुम्हीही थक्क व्हाल. जाणून घ्या कोणत्या देशात आहे ही प्रथा?

• ‘या’ देशात लग्नआधी तोडले जातात वधूचे दोन दात
• कारण जाणून व्हाल थक्क
• जाणून घ्या कोणत्या देशात आहे ही विचित्र परंपरा

लग्न हा प्रत्येकाच्या आयुष्यातील आनंदाचा आणि एकदाच येणारा क्षण आहे. यानंतर मुला-मुलीच्या आयुष्यामध्ये अनेक बदल होत असतात. एका मुलीसाठी तर हा क्षण अत्यंत भावनिक आणि सुखद स्वरुपाचा असतो. आता लग्न म्हटले की विधी आणि प्रथा आल्याच. लोक सुद्धा संस्कृतीचा मान राखण्यासाठी सर्व प्रथा परंपरा साजरे करतात. पण अनेकदा यामध्ये काही परंपरा इतक्या विचित्र आणि क्रूर असतात की जाणून कोणलाही धक्का बसले. किंवा काही प्रथा अशा असतात की लोकांचे हसून हसून पोट दुखेल, पण त्यामागचे कारण जाणून आश्चर्याचा धक्का बसले.

अजब-गजब! इथे मुली मृतांशी करतात लग्न, मग जे घडतं ते आश्चर्यकारक… या भूत विवाहाच कारण तुम्हाला हैराण करेल

या देशात पाळली जाते ही विचित्र परंपरा

अशीच एक प्रथा चीनमधील एका जमातीमध्ये पाळली जाते. या प्रथेमध्ये लग्नापूर्वी वधूचे दोन दात तोडले जातात. हे वाचून तुम्हाला हसू आले असेल. पण यामागचे कारणही तितकेच भयावह आणि विचित्र आहे. सहसा लग्नामध्ये वधू सर्वात सुंदर दिसावी यासाठी तिला मेकअपने, विविध दाग्यांनी, छान अशा वस्त्रांनी सजवले जाते. मात्र चीनमधील गेलाओ जमातीमध्ये एक विचित्र परंपरा आहे. या जमातीमध्ये लग्नाआधी वधूचे पुढचे दोन दात तोडले जातात. या मागे एक विचित्र पंरपरा आहे. ज्याबद्दल जाणून तुम्हाला धक्का बसेल.

काय आहे वधूचे दात तोडण्यामागची कथा?

गेलाओ जमातीच्या मान्यतानुसार, वधूचे दात तुटले नाहीत, परंपरेचे पालन करण्यात आले नाही तर नवराच्या कुटुंबावर अनिश्चित आणि भयंकर संकट येऊ शकते. यासाठी होणाऱ्या जोडीदारावर आणि आपल्या घरावर कोणताही काळ येऊ नये यामुळे वधूचे पुढचे दोन दात तोडले जातात. अशा वेळी दातांचे संरक्षण करण्यासाठी कुत्र्यांचे दात त्याजागी बसवले जातात.

गेलाओ जमातीत ही परंपरा गेल्या अनेक दशकांपासून सुरु आहे. महिला २० वर्षाची झाली की तिच्या लग्नाची तयापी सुरु होते. यावेळी तिचे पुढेचे दोन दात काढले जातात. जमातीच्या मान्यतेनुसार, महिलेच्या या कृतीला शौर्याचे आणि समर्पणाचे प्रतीक मानले जाते.

हातोड्याने तोडले जातात दात

माहितीनुसार, पहिल्यांदा एका भांड्यात वाइन घेतली जाते. यानंतर मुलीच्या मामाला आदराने आमंत्रित करातात. एका लहान हातोड्याने मुलीचे मामा तिचे दात काढतात. जर मामाचे निधन झाले असेल घरातील इतर वडीलधाऱ्या पुरुषापैकी कोणीही ही विधी करतात. या प्रथेचे पालन न केल्यास संबंधित महिलेला समाजात टिकांचा, उपहासाचा सामना करावा लागतो.

काय आहे गेलाओ जमात?

गेलाओ जमात ही चीन आणि व्हिएतनामध्ये आढळते. या जामतीचा समुदाया बहुतांश दक्षिण चीनच्या गुइझोऊ प्रांताच पश्चिम भागात राहतो. हे लोक पारंपारिकपणे शेतीवर अवलंबून असतात. भाताची लागवड या जमातीच्या लोकांकडून डोंगराळ आणि कोरड्या भागात केली जाते.

अजब-गजब प्रथा! ‘या’ गावात लग्नाआधी संबंध ठेवणे गैर नाही, कुटुंबीय स्वतःच देतात परवानगी; कारण ऐकून अवाक् व्हाल

टीप – हे सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.