दिल्ली विमानतळावर इंडिगोच्या विमानात गोंधळ! तासन्‌तास एसी बंद, उकाड्याने प्रवाशांमध्ये संतापाची लाट; Video Viral

Indigo Flight Crisis : दिल्ली विमानतळावरुन रांचीला जाणाऱ्या विमानात तांत्रिक बिघाड झाल्याने टेकऑफआधीच रनवेवर विमानाला अनेक तास थांबवण्यात आले. या दरम्यान विमानातील एसीही खराब झाला ज्यामुळे उष्णतेत प्रवाशांतचे हाल बेहाल झाले. विमानातील गोंधळाचा व्हिडिओ आता इंटरनेटवर व्हायरल झालाय.

• उड्डाणापूर्वी झालेल्या तांत्रिक अडचणीमुळे प्रवाशांना दीर्घकाळ प्रतीक्षा करावी लागली.
• गैरसोयीमुळे विमानातील वातावरण तणावपूर्ण बनले आणि प्रवाशांमध्ये नाराजी पसरली.
• घटनेचा व्हिडिओ सोशल मीडियावर व्हायरल झाल्यानंतर अनेकांनी तीव्र प्रतिक्रिया व्यक्त केल्या.

कौस्तुभ खातू : इंडिगो एअरलाईन सोशल मिडियावर नेहमीच चर्चेत असते. ही भाराताची सर्वात लोकप्रिय एअरलाईन असली तरी सोशल मिडियावर कंपनी नेहमीच वादाच्या कचाड्यात सापडते. सोशल मिडियावर इंडियोगोच्या विमानातील अनेक घटना शेअर होत असतात ज्यात प्रवाशांच्या गैरसोयीचे वाईट दृष्य नेहमीच नजरेल पडते. आताही इंटरनेटवर एक असाच व्हिडिओ शेअर करण्यात आला आहे ज्यात विमानतळावरच प्रवाशांचा संताप ओसंडून वाहताना दिसून आला. ही घटना दिल्लीतून रांची येथे जाणाऱ्या इंडिगोच्या (6E-2614) फ्लाइटमध्ये आहे. फ्लाईट टेक ऑफ होण्याआधीच काही तांत्रिक बिघाडामुळे प्रवासी दोन ते तीन तास विमानात अडकून राहिले. यावेळा एसीही चालत नसल्याने उष्णतेने प्रवासी हैराण झाले आणि फ्लाईटमध्ये एकच गोंधळ सुरु झाला.

संतापजनक! कामाख्या मंदिरात जमावाचा कपलवर हल्ला, तरुणीला फेकून मारली बाॅटल… Viral Video पाहून नेटकरी संतापले

एसी बंद झाल्याने प्रवासी भडकले

मिळालेल्या माहितीनुसार, ही फ्लाईट २.४० वाजता उड्डाण भरणार होती पण टेकऑफआधीच काही तांत्रिक बिघाड झाल्याने रनवेवरच विमानाला अनेक तास थांबवून ठेवण्यात आले. विमान थांबले पण प्रवाशांना मात्र यातून बाहेर सोडले नाही ज्यामुळे सर्व प्रवासी विमानातच अडकून राहिले. यादरम्यानच विमानाचा एसीदेखील अचानक बिघडला ज्यामुळे विमानाच्या आत उकाड्याने प्रवाशांमध्ये असंतोष निर्माण झाला. दिल्लीच्या दमट आणि भाजून काढणाऱ्या उन्हात, एसीशिवाय विमानाची केबिन भट्टीसारखी गरम झाली. विमानात असलेली लहान मुले, वृद्ध व्यक्ती आणि महिलांची अवस्था बिकट झाली. हवेसाठी प्रवाशांना विमानात ठेवलेल्या मासिकांचा वापर करावा लागला. या सर्वच प्रकारामुळे प्रवासी त्रस्त झाले आणि विमानाच्या आत गोंधळाचे वातावरण निर्माण झाले. प्रवाशांनी सांगितले की, त्यांना विमानाच्या आत श्वास घेणं देखील कठीण झालं होतं, लहान मुले रडत होती परंतु विमानातील स्टाफ त्यांनी विमानाबाहेर जाऊ देत नव्हता.

कल दिल्ली से रांची जा रही इंडिगो फ्लाइट 6E-2614 में यात्रियों का आरोप है उन्हें करीब एक घंटे तक बिना एसी के विमान में बैठाए रखा बंद केबिन में बुजुर्ग और बच्चे गर्मी से बेहाल हो गए,विमान में ठंडक और हवा न होने से लोगों का दम घुटने लगा। pic.twitter.com/cnpHHEHffB — Naseem Ahmad (@NaseemNdtv) June 27, 2026

वय फक्त एक नंबर! ८० वर्षांच्या हरियाणवी आजोबांनी १८०० फूट उंच आकाशात फडकवला भारताचा तिरंगा; Video Viral

प्रवाशांनी क्रू-मेंबर्ससोबत केले भांडण

बऱ्याच काळात जेव्हा काहीच मदत मिळाली नाही तेव्हा प्रवासी रागाने भडकले आणि त्यांनी आपला सर्व राग क्रू-मेंबर्सवर काढायला सुरुवात केली. संतप्त प्रवाशांनी विमानात गोंधळ आणि आंदोलन सुरू केले. विमानात बिघाड होताच त्यांना टर्मिनलवर परत का पाठवण्यात आलं नाही असा प्रश्न त्यांनी उपस्थित केला. प्रवाशांचा आक्रोश पाहता अखेर काही तासाने विमानाने दरवाजे खुली केली आणि बसच्या मदतनीने सर्व प्रवाशांना टर्मिनलर परत पाठवण्यात आले. तांत्रिक बिघाडाच्या दुरुस्तीनंतर आणि तपासणीनंतर विमानाने काही तासांनंतर उड्डाण भरले. हे विमान संध्याकाळी ४.३५ वाजता रांचीला पोहचणार होते पण या सर्व गोंधळामुळे आणि तांत्रिक बिघाडामुळे ते ८.१५ वाजता रांचीत पोहोचले.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.