मदत पडली महागात! मांजरीला वाचवत होता व्यक्ती, तितक्यात समोरून आला ट्रक अन्… क्षणातच गेला जीव; Video Viral

Kerala Accident Video: मांजरीला वाचवायला गेला पण स्वतःचा जीव गमावून बसला. केरळातील भीषण अपघाताचा व्हिडिओ सध्या सोशल मीडियावर धुमाकूळ घालतोय. व्हिडिओतील दृश्ये तुमच्या पायाखालची जमीन हादरवतील.

सोशल मीडियावर नेहमीच अनेक वेगवगेळे व्हिडिओज व्हायरल होत असतात. इथे बऱ्याचदा असे व्हिडिओ शेअर केले जातात, ज्यातील दृश्ये पाहून आपले होश उडतील. आताही इथे असाच एक व्हिडिओ व्हायरल झाला आहे ज्यात एका भयानक अपघाताचे दृश्य कैद झाले आहे. केरळमध्ये एक भीषण अपघात घडून आला ज्याचा व्हिडिओ आता इंटरनेटवर शेअर केला गेला आहे. ही घटना केरळमधील त्रिशूरमध्ये घडून आली. यात व्यक्तीची अवस्था पाहून तुमच्या पायाखालची जमीन सरकेल. नक्की काय घडलं ते जाणून घेऊया.

एका ड्रेसमुळे महिलांमध्ये झाली तुंबळ हाणामारी, दोघींनी एकमेकींना लाथा-बुक्क्यांनी मारलं; Video Viral

काय घडलं व्हिडिओत?

तर घडलं असं की, रस्त्यावर अडकलेल्या एका मांजरीला वाचवण्यासाठी दुचाकी थांबवणाऱ्या एका तरुणाचा ट्रक आणि कारने धडक दिल्याने मृत्यू झाला. मृताचे नाव शिजो असे आहे, तो कल्लाटोडचा रहिवासी होता. मंगळवारी रात्री ९.३० वाजता ही घटना घडली. ही संपूर्ण घटना तिथे बसवलेल्या सीसीटीव्ही कॅमेऱ्यात कैद झाली.

व्हिडिओमध्ये असे दिसून येते की रस्त्यावरील मांजरीला वाचवण्यासाठी शिजोने त्याची बाईक रस्त्याच्या कडेला उभी केली आणि वेगाने येणाऱ्या ट्रकला थांबण्याचा इशारा करत मांजरीकडे धावला. ट्रक चालकाला काही समजण्यापूर्वीच ट्रकने शिजोला धडक दिली. धडक होताच, शिजो जमिनीवर पडला आणि समोरून येणाऱ्या गाडीच्या टायरखाली आला. त्याला ताबडतोब त्रिशूरमधील एका खाजगी रुग्णालयात नेण्यात आले, परंतु त्याचा जीव वाचू शकला नाही. घटनेपासून ट्रक चालकाचा कोणताही पत्ता लागलेला नाही. पोलीस आता याप्रकरणाचा तपास करत आहेत.

See more

Tragic End for 42-Year-Old Man Hit by Truck While Saving Cat in Kerala pic.twitter.com/KpLixsdYXX

— Indian News Network (@INNChannelNews) April 9, 2025

सिंहाच्या कळपाने म्हशीवर चढवला हल्ला पण तितक्यातच असा डाव पलटला… उलटे पायच धरून पळावं लागलं; Video Viral

या घटनेचा व्हिडिओ @INNChannelNews नावाच्या एक्स अकाऊंटवर शेअर करण्यात आला आहे. व्हिडिओच्या कॅप्शनमध्ये, ‘केरळमध्ये मांजरीला वाचवताना ट्रकने धडक दिल्याने ४२ वर्षीय वृद्धाचा दुःखद अंत’ असे लिहिण्यात आले आहे. व्हिडिओतील दृश्ये पाहून सर्वचजण हादरले असून आता हा व्हिडिओ वेगाने सोशल मीडियावर शेअर केला जात आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.