पाण्यासाठी ATM तर शाळेत टॅबलेट, महाराष्ट्रातील या गावच्या सुविधा तर मोठ्या शहरालाजी लाजवतील; Video Viral

Village Video Viral : महाराष्ट्रातील एका गावाचा व्हिडिओ सध्या सोशल मीडियावर चर्चेत असून, तेथील आधुनिक सुविधा आणि स्वच्छतेने सर्वांनाच आश्चर्यचकित केलं आहे.

• गावात अत्याधुनिक सुविधा असूनही शिस्त आणि स्वच्छता उत्तम राखली जाते.
• कमी खर्चात पाणी, व्यायाम आणि शिक्षणाच्या सुविधा उपलब्ध आहेत.
• लोकांच्या एकजुटीमुळे गावात गुन्हेगारी जवळजवळ नाही आणि विकास वेगाने होत आहे.

आपल्या आजूबाजूला असणाऱ्या सोयीसुविधा आपल्याला एका उज्वल भविष्यकडे घेऊन जात असतात. आपल्याला नेहमी असं वाटत की चांगल्या, नवीन सुविधा या फारतर शहरी भागातच दिसून येतात आणि गावाकडे सुविधा फार कमी असतात. पण आता हा व्हिडिओ पाहून तुमचा मनातील हा संभ्रम दूर होणार आहे. अलीकडे महाराष्ट्रातील एका गावाचा व्हिडिओ सोशल मीडियावर शेअर करण्यात आला आहे ज्यातील सोयीसुविधा पाहून अनेकांना धक्का बसला. एक असं गाव जिथे शहराहून अधिक चांगल्या सुविधा आहेत हे पाहून युजर्स अवाक् झाले. चला हे नक्की कोणते गाव आहे ते जाणून घेऊया.

दृष्य असे की जणू क्राईम पेट्रोलचा सीन…! कपलचं प्री-वेडिंग शूट पाहून युजर्सचं डोकं चक्रावलं; पहा Video Viral

काय आहे गावाचं नाव?

कंटेंट क्रिएटर सार्थक सचदेवा याने महाराष्ट्रातील हे अनोखं सोयीसुविधांनी नटलेलं गाव शोधलं आणि याचा व्हिडिओ सोशल मीडियावर शेअर केला ज्याला आतापर्यंत लाखोंहून अधिकच्या व्युज मिळाल्या आहेत. आडाचीवाडी असं गावाचं नाव असून इथल्या अनोख्या सुविधा आणि शिस्तीमुळे ते आता इंटरनेटवर व्हायरल होत आहे. गावातील रस्ते स्वच्छ आहेत आणि सर्वत्र स्वच्छता राखली जाते.

या गावाचे सर्वात उल्लेखनीय वैशिष्ट्य म्हणजे येथील ‘वॉटर एटीएम’ प्रणाली आहे. लोक आपले कार्ड स्वाइप करून फक्त २५ पैशांमध्ये पिण्याचे पाणी मिळवू शकतात. याव्यतिरिक्त, गावात एक चांगले व्यायामशाळा (जिम) देखील आहे, जिथे सदस्यत्वाची किंमत दरमहा फक्त ३०० रुपये आहे. अडाचीवाडीतील विद्यार्थ्यांनी टॅब्लेटद्वारे आधुनिक शिक्षण मिळते. शाळांमध्ये रंगीबेरंगी वर्गखोल्या असून मुलांना टॅब्लेट आणि स्मार्टवॉचसारख्या सुविधा पुरवल्या जातात. रस्त्यावर सीसीटीव्ही कॅमेरे बसवलेलं आहेत.

See more

चेहऱ्यावर फेसपॅक लावून ऑफिस मेटींग अटेंड करू लागली महिला, पाहताच बॉसने जे म्हटलं… ऐकाल तर तुम्हीही हसून हसून पोट धराल

विशेष म्हणजे, गावात पोलिसांचा वावर नसतानाही गुन्हेगारी जवळजवळ अस्तित्वात नाही. याचे श्रेय लोकांमध्ये असलेल्या विश्वासाला आणि चांगल्या मूल्यांना दिले जाते. गावाच्या भिंतींवरील रंगीबेरंगी चित्रे जबाबदारी आणि जागरूकतेचा संदेश देतात. येथे विकास केवळ सरकारवर अवलंबून नाही; उलट, गावकरी स्वतःच एकत्र येऊन आपल्या गावाला पुढे नेण्यासाठी प्रयत्न करत आहेत जे सर्वांनी शिकून घ्यायला हवे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.