व्हायरल व्हिडिओमागील सत्य काय (फोटो सौजन्य - इन्स्टाग्राम)
हा व्हिडिओ कझाकस्तानचा असल्याचा दावा करण्यात येत आहे, जिथे लग्नाची रात्र अशा प्रकारे साजरी केली जाते असंही म्हणण्यात येते. तथापि, व्हिडिओबद्दल अधिक माहिती देण्यापूर्वी, आम्ही तुम्हाला सांगू इच्छितो की, हा व्हिडिओ खोट्या माहितीसह फिरत आहे. असे करणे कझाकस्तानच्या संस्कृतीचा भाग अजिबात नाही, अशी खोटी माहिती पसरविण्यात आली आहे.
नक्की काय आहे व्हिडिओत
@femalephotographer2021 या इन्स्टाग्राम अकाउंटवर अलीकडेच एक व्हिडिओ पोस्ट करण्यात आला आहे, ज्यामध्ये तो कझाकस्तानचा असल्याचा दावा करण्यात आला आहे. व्हिडिओमध्ये एका खोलीचे चित्रण केले आहे जिथे संपूर्ण कुटुंब बसले आहे, ज्यामध्ये एक नवविवाहित वधू असल्याचे मानले जाते, ती त्यांच्यामध्ये झोपलेली आहे. ती तिच्या पतीला हाक मारते आणि दोघे ब्लँकेटखाली लपतात आणि नंतर मस्करी किंवा रोमान्स करू लागतात. कुटुंबातील इतर सदस्य हे दृश्य पाहून हसताना दिसतात. त्यात काहीही आक्षेपार्ह नसले तरी, कुटुंबासमोर असे वर्तन करणे लाजिरवाणे आहे.
खोट्या माहितीसह व्हायरल होतोय व्हिडिओ
या व्हिडिओला वेगळा दृष्टिकोन देण्यात आला होता. व्हायरल व्हिडिओमध्ये असे म्हटले आहे की कझाकस्तानमध्ये वधू आणि वर कुटुंबासमोर, सर्वजण पाहत असताना त्यांच्या लग्नाची रात्र अशा प्रकारे साजरी करतात. तथापि, इंटरनेटवर या वस्तुस्थितीचा शोध घेतल्यानंतर, आम्हाला दाव्याची पुष्टी करणारी कोणतीही माहिती सापडली नाही. मात्र या व्हिडिओच्या कमेंट सेक्शनमध्ये काही लोकांनी या प्रथेमागील सत्य उघड केले आहे.
पहा व्हिडिओ
युजर्सच्या भन्नाट कमेंट्स
या व्हिडिओवर सोशल मीडियावर युजर्सने भन्नाट कमेंट्स दिल्या आहेत. एकाने म्हटले, ‘काय? ते कुटुंबासमोर हे सर्व करत आहेत?’, दुसऱ्या युजरने म्हटले ‘अरे त्यांना एकटं सोडा’, एकाने तर म्हटले की, ‘मी नशीबवान आहे की, माझा जन्म भारतात झालाय’, त्याच्या या कमेंटला ५००० पेक्षा जास्त लाईक्स आल्या आहेत. तर एकाने स्पष्ट म्हटलं की, ‘अशी कोणतीही प्रथा असूच शकत नाही, ते फक्त ब्लँकेट कसे आहे हे तपासून घेत आहेत’, तर एकाने म्हटलंय, ‘हे खरं असूच शकत नाही’, एकंदरीतच अनेकांनी अशी कोणतीही प्रथा असू शकत नाही असंच मत व्यक्त केलं आहे.
.png "Videos"){kind=small}
