Parvesh Verma Viral Video: रस्त्याच्या कामावर सवाल करताच तरुणाच्या कानशिलात? प्रवेश वर्मांचा VIDEO व्हायरल

Parvesh Verma Viral Video: दिल्लीतील तिलक नगर परिसरात २७ सप्टेंबर रोजी PWD मंत्री प्रवेश वर्मा रस्त्याच्या कामाची पाहणी करण्यासाठी गेले होते. यावेळी एका तरुणाने रस्त्याच्या खराब कामाबाबत सवाल केल्याचा दावा करण्यात आला. त्यानंतर प्रवेश वर्मा यांनी त्या तरुणाच्या कानशिलात लगावल्याचा आरोप...

दिल्लीमध्ये एक धक्कादायक प्रकार घडला आहे. रस्त्याचं काम खराब झालं आहे असं सांगणाऱ्या एका तरुणाला थेट मंत्र्याने जे काही केलं ते पाहून तुम्हालाही राग येईल. दिल्लीच्या तिलक नगर भागातील रविवारी 27 सप्टेंबरला PWD मंत्री प्रवेश वर्मा रस्त्याची पाहणी करायला गेले होते. तिथे एक तरुण आला आणि त्याने रस्त्याचा खराब भाग दाखवला. रस्त्यावर खड्डे आहेत, काम निकृष्ट झालं आहे, असा प्रश्न त्याने विचारला. त्यावर मंत्री एवढे भडकले की त्यांनी थेट त्या तरुणाच्या कानशिलात लगावली, असा आरोप होत आहे. ही सगळी घटना कॅमेऱ्यात कैद झाली आहे आणि त्याचा व्हिडीओ आता सोशल मीडियावर प्रचंड व्हायरल होत आहे. Parvesh Verma Viral Video:

नेमकं काय घडलं व्हिडीओमध्ये?

व्हायरल होत असलेल्या व्हिडीओमध्ये दिसतंय की मंत्री प्रवेश वर्मा अधिकाऱ्यांसोबत रस्त्यावर उभे आहेत. एक तरुण येतो आणि रस्त्याकडे बोट दाखवून काहीतरी सांगतो. तो म्हणतो की इथलं काम नीट झालेलं नाही, बघा कसा रस्ता उखडला आहे. हे ऐकताच मंत्र्याचा पारा चढतो आणि ते त्या तरुणावर हात उगारतात. आजूबाजूला असलेले लोकमध्ये पडतात. तरुण पण घाबरून मागे सरकतो. हा व्हिडीओ कोणीतरी मोबाईलमध्ये शूट केला आणि सोशल मीडियावर टाकला. त्यानंतर काही तासातच हा व्हिडीओ लाखो लोकांनी पाहिला.

#Delhi Minister Parvesh Verma Slaps a Young Man on Camera. The @AamAadmiParty shared this video, in which Delhi govt. minister #ParveshVerma is seen slapping a young man. AAP claims “some people were questioning the minister about alleged corruption in road construction”. pic.twitter.com/K1JaoZ1vxK — Ravinder Singh (@ravindraJourno) September 27, 2026

AAP ने भाजपला धरलं धारेवर

या घटनेनंतर आम आदमी पक्षाने भाजप सरकारवर जोरदार हल्ला चढवला आहे. AAP चं म्हणणं आहे की, भाजपचे मंत्री जनतेचा आवाज दाबत आहेत. जर कोणी सामान्य माणूस प्रश्न विचारला तर त्याला मारहाण केली जाते, ही हुकूमशाही आहे.

AAP ने मागणी केली आहे की मंत्री प्रवेश वर्मा यांच्यावर तात्काळ कारवाई करावी आणि त्यांनी माफी मागावी. दिल्लीच्या जनतेला प्रश्न विचारण्याचा अधिकार आहे, रस्त्याचं काम जर खराब असेल तर जनता विचारणारच. दुसरीकडे भाजपकडून अजून यावर काही स्पष्ट उत्तर आलेलं नाही. मंत्री कार्यालयाकडून सांगण्यात येत आहे की व्हिडीओ नीट बघा, गैरसमज झाला आहे.

पण सोशल मीडियावर लोक मात्र संतापले आहेत. लोक म्हणत आहेत, आम्ही टॅक्स भरतो, रस्ता खराब असेल तर प्रश्न विचारणारच. प्रश्न विचारला म्हणून मारणार का? काही लोक म्हणत आहेत, निवडणुकी आधी हात जोडता आणि निवडणूक झाली की हात उगारता.एकंदरीत या एका थप्पडने दिल्लीच्या राजकारणात मोठा वाद निर्माण झाला आहे. आता बघावं लागेल की सरकार यावर काय कारवाई करतं.7