एक विवाह ऐसा भी! लग्नाआधी वाटेतच वधूचा झाला अपघात, वराने शुभमुहूर्त न टाळता हॉस्पिटलमध्येचं उरकलं लग्न; Video Viral 

Marriage In Hospital : मेकअपसाठी गेलेला वधूचा वाटेतच भयंकर अपघात घडला, पण खचून न जाता वराने आणि त्याच्या कुटुंबाने वधूच्या कुटुंबाला धीर दिला आणि हॉस्पिटलमध्ये लग्नाचा घाट घातला. 

• वधूचा गंभीर अपघात झाल्यामुळे कोच्चीतील वीपीएस लेकशोर रुग्णालयाच्या इमर्जन्सी विभागातच विवाह सोहळा पार पडला.
• ठरलेल्या दिवशीच लग्न व्हावे या दोन्ही कुटुंबांच्या आग्रहामुळे रुग्णालय प्रशासनाने परवानगी देऊन सोहळ्याची साध्या वातावरणात व्यवस्था केली.
• वधूच्या पाठीच्या कण्यात गंभीर दुखापत असून तिची प्रकृती स्थिर आहे, पण शस्त्रक्रियेची आवश्यकता आहे.

‘विवाह’ चित्रपट जर तुम्ही पाहिला असेल तर यातील शेवटचा सीन नक्कीच तुमच्या स्मरणात असेल. यात हिरोने हिरोइनच्या अपघातानंतरही तिच्यासोबत हॉस्पिटलमध्ये लग्न केलं आणि आपल्या प्रेमाची कबुली दिली. काही असाच प्रकार आता सत्यात घडून आला आहे. कोच्चीतील एका खासगी रुग्णालयात शुक्रवारी एक विलक्षण घटना घडली, इथे एक विवाह सोहळा पार पडला. लग्नाच्या काही तास आधीच वधूचा अपघात झाला होता आणि तिला गंभीर दुखापत झाली होती. तरीही दोन्ही कुटुंबांनी ठरलेल्या दिवशीच लग्न करण्याचा निर्णय घेतला आणि रुग्णालयालाच विवाहस्थळ बनवले. कठीण प्रसंगातही दोन्ही परिवारांनी धैर्य राखून या लग्नाची पूर्णता केली. या अनोख्या लग्नाचा व्हिडिओ आता इंटरनेटवर चांगला चर्चित ठरला आहे.

छोटुसा फ्रॉक, गळ्यात घातला नेकलेस अन् डोक्यावर फुलांचा गजरा… प्रेग्नंट डॉगीसाठी मालकाने केलं क्युट बेबी शॉवर, Video Viral

रुग्णालयातील साध्या वातावरणात झाले लग्न कोच्ची येथील वीपीएस लेकशोर रुग्णालयाच्या इमर्जन्सी विभागात हा सोहळा झाला. कुठलीही सजावट नव्हती, गोंधळ नव्हता फक्त डॉक्टर, नर्सेस आणि काही जवळचे नातेवाईक एवढीच उपस्थिती. शाळेत शिकवत असणाऱ्या वधूने आणि इंजिनिअरिंग कॉलेजात प्राध्यापक असलेल्या वराने परिस्थिती कितीही प्रतिकूल असली तरी एकमेकांचा आधार बनण्याची प्रतिज्ञा केली. रुग्णालय प्रशासनाने सांगितले की, वधूसाठी हा दिवस आयुष्यातील विशेष होता आणि अपघातही याच दिवशी झाला. त्यामुळे दोन्ही कुटुंबांची इच्छा मान्य करून रुग्णालयाने इमर्जन्सी विभागातच लग्नाला परवानगी दिली.

See more

अजब लग्नाची गजब कहाणी! लग्नात मनसोक्त नाचली अन् संधी भेटताच वराला सोडून भरमंडपातून गायब झाली नवरी; Video Viral

शुक्रवारी दुपारी लग्न होणार होते. पण पहाटे तीनच्या सुमारास वधू मेकअपसाठी जात असताना गाडी चालकाचे नियंत्रण सुटले आणि वाहन झाडाला धडकले. जखमींना प्रथम कोट्टयम मेडिकल कॉलेजमध्ये नेण्यात आले. मात्र वधूच्या पाठीच्या कण्यात गंभीर दुखापत असल्याने तिला जवळपास 70 किलोमीटर दूर असलेल्या लेकशोर रुग्णालयात हलवावे लागले. अपघाताची बातमी मिळताच वर आणि त्यांचे कुटुंब तात्काळ रुग्णालयात पोहोचले. त्यानंतर दोन्ही कुटुंबांनी डॉक्टरांशी चर्चा करून ठरल्याप्रमाणे याच दिवशी लग्न करण्याची विनंती केली आणि रुग्णालय प्रशासनाने त्यांच्या सोयीनुसार व्यवस्था केली.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.