पाण्यात उतरला अन् तिथेच अडकला! लोकांना वाटलं ड्रामा करतोय पण काही क्षणातच गेला व्यक्तीचा जीव… मृत्यूचा थरारक Video Viral

Man Drowning Video : तो बुडाला, धडपडला पण कुणीही लक्ष दिलं नाही. सुरतच्या रिसाॅर्टमध्ये घडलेल्या धक्कादायक घटनेचा व्हिडिओ सोशल मिडियावर सध्या वेगाने शेअर केला जात आहे.

• सुरतमधील ओळपाड भागातील रिसॉर्टमध्ये स्विमिंग पूलमध्ये २२ वर्षीय तरुण बुडून मृत्यूमुखी पडला.
• आजूबाजूला अनेक लोक असतानाही त्याच्या धडपडीकडे कुणाचे लक्ष गेले नाही, त्यामुळे वेळेत मदत मिळू शकली नाही.
• या घटनेचा CCTV व्हिडिओ सोशल मीडियावर व्हायरल झाला असून रिसॉर्टच्या सुरक्षेवर प्रश्न उपस्थित झाले आहेत.

सोशल मिडिया एक असे प्लॅटफाॅर्म आहे जिथे दररोज अनेक घटनांचे व्हिडिओज शेअर केले जातात. इथे बऱ्याचदा लाईव्ह दृष्येही शेअर केली जातात. अशाच एक धक्कादायक घटनेचे लाईव्ह दृष्य अलिकडे इंटरनेटवर वेगाने व्हायरल होत आहे ज्यात व्यक्तीच्या मृत्यूचा थरार दिसून आला. ही घटना गुजरातच्या सुरतमधून समोर येत असून पाण्यात बुडून व्यक्तीचा जीव गेल्याचे स्पष्ट होत आहे. मुख्य म्हणजे यावेळी व्यक्तीच्या आजूबाजूला अनेक लोक उपस्थित होती पण कुणाचेही त्याच्या धडपडण्याकडे लक्ष गेले नाही आणि यातच त्याने आपला जीव गमावला. घटनेचे सीसीटीव्ही फुटेज आता सोशल मिडियावर शेअर केले जात आहे.

विदेशी फोटोग्राफरचं अनोखं फोटोशूट वादात! भारताच्या पिंक सीटीमध्ये येऊन हत्तीला केलं गुलाबी, युजर्स भडकले; Video Viral

काय घडलं व्हिडिओत?

माहितीनुसार, ही घटना २३ मार्च रोजी सुरत येथील ओळपाड भागात घडून आली. एका रिसाॅर्टच्या स्विमिंग पूलमध्ये २५ हून अधिक लोक पोहत होते. याचवेळी २२ वर्षीय एक तरुण धावत येऊन पाण्यात डुबकी मारतो आणि यानंतर तो अचानक पाण्यात बुडू लागतो. व्हिडिओत दिसते की, तरुण पाण्याच्या वर येण्याचा फार प्रयत्न करतो पण काही केल्या त्याला पाण्याच्या वर येता येत नाही. मुख्य म्हणजे आजूबाजूच्या लोकांनाही तो बुडूत आहे याची जाणीव होत नाही ज्यामुळे काही मिनिटांतच तो पाण्यात बुडतो आणि यातच त्याचा मृत्यू होते.

See more

Surat Youth Drowns While Others Swim Nearby; CCTV Video Shows Struggle
pic.twitter.com/T3Xg2mkFKC — Ghar Ke Kalesh (@gharkekalesh) March 30, 2026

“तू आतंकवादी आहेस”! चालू क्लासरूममध्ये प्रोफेसरने विद्यार्थ्याला 13 वेळा म्हटलं Terrorist; इंटरनेटवर Video चर्चेत

तरुणाला काही वेळाने पाण्यातून काढून ओल्पाड सरकारी रुग्णालयात तातडीने दाखल करण्यात आले आणि तिथेच त्याला मृत घोषित करण्यात आले. या घटनेमुळे आता रिसाॅर्टच्या सुरक्षेवर आणि जनजागृतीवर प्रश्नचिन्ह उपस्थित केले जात आहेत. दरम्यान सदर घटनेचा व्हिडिओ @gharkekalesh नावाच्या एक्स अकाऊंटवरुन शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “अरे यार, माणुसकी मेली आहे का? हे लोक त्याच्याकडे इतकं दुर्लक्ष कसं करू शकतात? त्याला वाचवण्याचा विचार कुणीच केला नाही—एकाही व्यक्तीने, अगदी एका सेकंदासाठीसुद्धा नाही; मला तर यावर विश्वासच बसत नव्हता.” तर दुसऱ्या युजरने लिहिले आहे, “ही अत्यंत दुःखद घटना आहे; जवळच पोहत करणाऱ्या लोकांनीही लक्ष दिले नाही.”

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.