चित्तथरारक! क्षणाचाही विलंब न लावता अजगराने जिवंत कोल्ह्याला गिळले, दृश्य पाहाल तर थरथर कापाल; Video Viral

Python Swallows Fox Video : चपळ कोल्ह्यालाही सोडले नाही, झारखंडच्या बालेडीहमध्ये अजगराने जिवंत कोल्ह्याला गिळंकृत केले. शिकारीचा हा थरार आता सोशल मीडियावर शेअर करण्यात आला असून यातील दृश्ये तुमचा थरकाप उडवतील.

सोशल मीडिया एक असे प्लॅटफॉर्म आहे जिथे अनेक अनोखे आणि नवनवीन व्हिडिओज शेअर केले जातात. इथे प्राण्यांच्या जीवनाशी निगडित दृश्येही शेअर होतात. अशात असाच एक व्हिडिओ सध्या सोशल मीडियावर शेअर झाला आहे ज्यात एक भीषण आणि थरारक दृश्य दिसून आले. वास्तविक हा व्हिडिओ झारखंडमधील गिरिडीह जिल्ह्यातील बालेडिहा गावाजवळचा असून यात एका अजगराने जिवंत कोल्ह्याला गिळल्याचे दिसून आले आहे. भल्यामोठ्या कोल्ह्याला अजगराने गिळल्याचे हे दृश्ये काही साधे आणि सामान्य नाही. व्हिडिओतील हा प्रकार आता अनेकांचे लक्ष वेधून घेत असून याचा व्हिडिओ सोशल मीडियावर मोठ्या प्रमाणात व्हायरल होत आहे. नक्की काय घडलं ते चला सविस्तर जाणून घेऊया.

तलावात ट्रेंड फॉलो करणं पडलं महागात! पाण्यात हळद टाकताच बाहेर आला विषारी प्राणी, व्यक्तीची फजिती पाहून हसूच अनावर होईल

नक्की काय घडलं?

झारखंडमधील गिरिडीह जिल्ह्यातील बालेडिहा गावाजवळ एका मोठ्या अजगराने एका कोल्ह्याला गिळंकृत केले. ही घटना बुधवारी सरिया पोलिस ठाण्याच्या हद्दीतील जंगलात घडली. गुरे चरण्यासाठी आणि शेतीच्या कामासाठी त्या भागात गेलेल्या गावकऱ्यांना शिकारीच्या दरम्यान अजगर दिसला. तो महाकाय साप कोल्ह्याला खाऊ लागला तेव्हा घाबरलेल्या स्थानिकांनी गोंधळ घातला आणि घटनास्थळी अधिक लोक आले.

व्हायरल व्हिडिओमध्ये तुम्ही पाहू शकता यात एक अजगर कोल्ह्याला आपली शिकार बनवून त्याची मेजवानी लुटताना दिसून आला. व्हिडिओमध्ये कोल्ह्याचे अर्धे शरीर अजगराच्या आत तर अर्धे शरीर बाहेर असल्याचे दिसून येते. कोल्हा इतका मोठा असतो की अजगराला त्याला संपूर्णपणे गिळला येत नाही मात्र तरीही हळूहळू करून तो त्याच्या फडशा पडण्याच्या विचारात असतो. कोल्हा सारखा चपळ शिकारी अजगराचा शिकार झाल्याचे पाहून अनेकांना आश्चर्याचा धक्का बसला. व्हिडिओमध्ये काही लोक घोळखा करून हे दृश्य आपल्या डोळ्यांनी पाहताना आणि कॅमेरात कैद करताना दिसून आले.

See more

शेवटी बापाचं काळीज! मुलीला वाचवण्यासाठी घेतली समुद्रात उडी अन्…; पहा पुढे काय झालं? Video Viral

दरम्यान हा व्हायरल व्हिडिओ @viral_india.official नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “बापरे….किती मोठा अजगर आहे” तर दुसऱ्या युजरने लिहिले आहे, “अजगराचा नाद करायचा नाय” आणखीन एका युजरने लिहिले आहे, “बाकीचे काय तमाशा बघायला आलेत”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.