अजब लग्नाची गजब कहाणी! घोड्यावर बसले अन् वधूच्या घरी पोहचले तब्बल 29 वर, मग पुढे जे घडलं… Video Viral

29 Groom Spotted : लग्नाची वरात की वर पक्षाची रॅली? अनोख्या लग्न मिरवणुकीचा व्हिडिओ सध्या सोशल मीडियावर व्हायरल होत आहे. यात एक नाही दोन नाही तर तब्बल 29 घोड्यावर बसून लग्नाला जाताना दिसून आले.

• एकाच मिरवणुकीत 29 वर
• लग्नाच्या मिरवणुकीचा व्हिडिओ व्हायरल
• अनोख्या दृश्यांनी वेधलं सर्वांचं लक्ष

लग्न म्हटलं की यात डान्स, गाणी, रुसवे-फुगवे अशा अनेक गोष्टी घडणार… लग्नसमारंभाचे अनेक मजेशीर व्हिडिओज सोशल मिडियावर नेहमीच व्हायरल होत असतात. पण अलिकडेच एका नव्या व्हिडिओने इंटरनेटवर धुमाकूळ घालायला सुरुवात केली आहे. व्हिडिओतील प्रकार इतका अजब आहे की पाहून तुम्हाला तुमच्या डोळ्यांवर विश्वासच बसणार नाही. लग्नात सर्वात लक्षवेधी जर कुणी म्हटलं तर ते वर आणि वधू असतात. पण सध्याच्या व्हिडिओमध्ये मात्र काही वेगळाच प्रकार दिसून आला, व्हिडिओमध्ये एक नाही, दोन नाही तर तब्बल 29 घोड्यावर बसून वधूच्या घरी जाताना दिसले. असे हे दृश्य आपण क्वचितच कधी पाहिले असावे. नक्की हा काय प्रकार आहे त चला सविस्तर जाणून घेऊया.

देशी-विदेशीचा अनोखा मिलाफ! गंगा घाटावर घुमले परदेशी सूर पण स्थानिकाच्या नृत्याने वेधले सर्वांचे लक्ष; Video Viral

काय दिसलं व्हिडिओत?

सोशल मिडियावर सध्या एका अजब लग्नसोहळ्याचा व्हिडिओ फार ट्रेंड करत आहे. व्हिडिओमध्ये एका लग्नाचे चित्रण केले आहे, ज्यामध्ये वर लग्नाच्या मिरवणुकीचे नेतृत्व करतो. तथापि, या अनोख्या मिरवणुकीत वरांची संख्या इतकी जास्त दिसली की पाहून सर्वच चकित झाले. व्हिडिओमध्ये रस्त्यावर लग्नाच्या मिरवणूकीचे दुर्लभ दृश्य दिसते, ज्यात एका मागून एक घोड्यावर अनेक वर लग्नासाठी वधूच्या घरी जाण्यासाठी सज्ज असतात. हे दृश्य एका व्यक्तीने आपल्या आपल्या चारचाकीत बसून फोनच्या कॅमेरात कैद केले. तो बोलतो की, माझ्या संपूर्ण आयुष्यात एकावेळी इतके वर कधीही नाही पाहिले. मी गाडी परत फिरवून काऊंट करत आहे. गाडीला हळूहळू चालवत तो बाजूने जाणाऱ्या लग्नाच्या मिरवणूकीतील प्रत्येक वराची मोजणी सुरु करतो आणि याचे उत्तर असे मिळते की त्या वरातीत एकूण 29 वर घोड्यावर बसून सामील झालेले असतात. एकाच वरातीत इतक्या वरांना पाहून आता यूजर्स अवाक् झाले आहेत.

See more

नदीकाठी आराम करत असलेल्या सिंहाच्या कुटुंबाने एका क्षणात काढला पळ, पाण्यातून निघाला भयानक प्राणी… Video Viral

या अनोख्या वरातीचा व्हिडिओ @mrfalanaa नावाच्या इंस्टाग्राम अकाऊंटवरून शेअर करण्यात आला आहे. व्हिडिओच्या कॅप्शनमध्ये लिहिले आहे की, ‘ टॅग करा त्या मुलींना ज्यांना वर सापडत नाहीत’. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “ही तर 7 करोडची वरात आहे” तर दुसऱ्या युजरने लिहिले आहे, “भाऊ तो विवाह संमेलन आहे, जो बेटी फाउंडेशनने आयोजित केला होता.” आणखीन एका युजरने लिहिले आहे, “वर पक्षाची रॅली निघाली आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.