साप एकनिष्ठ आहे! बाईचं पकडणं सापाला आवडेना, हातात पकडताच घेतला गालाचा चावा… थरारक Video Viral

Snake Bite Video : महिलेने हिमतीने सापाला पकडलं पण प्राणी इतका चतुर की त्याने क्षणार्धातच डाव उधळला. महिलेच्या गालाचा चावा घेत साप गालाला सोडेना मग पुढे जे घडलं... व्हिडिओतून जाणून घ्या.

• सापाला पकडण्यासाठी महिला सज्ज
• सापाने महिलेच्या गालावरच घेतला चावा
• हल्ल्याचा व्हिडिओ आता व्हायरल होतोय

साप हा जंगलातला एक धोकादायक प्राणी तसेच शिकारी आहे. दिसायला लहान असला तरी त्याच्या शरीरातील विष कुणालाही मृत्यूच्या घरी पोहचवू शकते. बहुतेकदा साप हा जंगलात अधिकतर वास्तव करतो पण जेवणाच्या शोधात तो कधीकधी शहरी भागांचीही सैर करु पाहतो. सापाला पकडण सामान्य व्यक्तीचं काम नाही तर सर्वमित्रालाच त्याला पकडण्याचे काैशल्य असते. शहरी भागात साप दिसल्यावर सर्पमित्राला बोलावले जाते, ज्यानंतर तो सापाला पकडून त्याला दूर जंगलात सुखरुप सोडून येतो. अलिकडेच पुण्यात असाच एक साप मानवी वस्तीत खुसला ज्याला पकडण्यासाठी काकूंनी हिरोप्रमाणे एंट्री घेतली खरी पण सापाने त्यांचाच वार पलटवत त्याच्यांवर हल्ला चढवला. सापाच्या या पलटवारानंतर व्हिडिओत पुढे काय घडलं ते चला सविस्तर जाणून घेऊया.

ऐनवेळी इंडिगोची फ्लाईट रद्द, नवदाम्पत्याने स्वतःच्याच रिसेप्शनला लावली ऑनलाईन हजेरी; Video Viral

काय घडलं व्हिडिओत?

सोशल मिडियावर व्हायरल होत असलेल्या या व्हिडिओमध्ये, साडी नेसलेली एक महिला सापाला पकडण्याचा प्रयत्न करताना दिसते. ती सापाची शेपटी हातात पकडून असते. महिलेच्या दुसऱ्या हातात एक हिरव्या रंगाची पिशवी असून ती पकडलेल्या सापाला पिशवीत टाकण्याचा प्रयत्न करते. पण याचवेळी साप बाजी पलटतो आणि उलट महिलेवरच हल्ला चढवतो. व्हिडिओत दिसते की, महिला पिशवीत सापाला टाकत असतानाच साप एका झटक्यात झेप घेतो आणि महिलेच्या गालावर चावा घेतो.

See more

वेड्यांचा बाजार! पायाला आग लावून दाखवत मारत होता हुशारी, तितक्यातच हवेची झुळूक आली अन् संपूर्ण शरीर जळू लागलं; Video Viral

सापाचा हा जोरदार चावा भरपूर त्रासदायक असावा. विशेष म्हणजे महिला सापाला आपल्या गालापासून वेगळे करण्याचा प्रयत्नही करते पण संतापलेला साप इतक्या सराईतपणे तिच्या गालाला चिकटतो की काही केल्या तो तिथून वेगळा होतच नाही. हे दृश्य कुणाच्याही अंगावर काटा आणण्यासारखे आहे. सापासारख्या प्राण्याच्या एक दंश आपल्यासाठी प्राणघातक ठरु शकतो. व्हिडिओत पुढे काय घडलं, महिलेचा जीव वाचला की नाही याची अद्याप कोणतीही अधिकृत माहिती मिळाली नाही. दरम्यान व्हायरल होत असलेला हा व्हिडिओ @sherkhan.shaikh.188 नावाच्या इंस्टाग्राम अकाऊंटवरून शेअर करण्यात आला आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.