धुरंधरमधील अक्षय खन्नाच्या स्टाईलमध्ये बापाने साजरा केला मुलीच्या जन्माचा आनंद, स्वतः दिग्दर्शकाने कमेंट करत म्हटलं…Video Viral

Fa9la Trend : नाचत, ट्रेंड फॉलो करत वडिलांनी केले नवजात मुलीचे स्वागत. मुलीच्या जन्माचा हा अनोखा आनंद पाहून चित्रपटाचे दिग्दर्शकही खुश झाले आणि लगेच कमेंट करत म्हणाले की, "खरंच... ".

• ‘धुरंधर’मधील अक्षय खन्नाच्या स्टेप्स फॉलो करत एका वडिलांनी नवजात मुलीच्या जन्माचा आनंद नाचत साजरा केला.
• वडिलांचे प्रेम आणि आनंद व्यक्त करणारा हा गोड व्हिडिओ लाखो व्ह्यूजसह वेगाने व्हायरल झाला.चित्रपटाचे
• दिग्दर्शक आदित्य धर आणि अभिनेत्री यामी गौतम यांनी स्वतः कमेंट करत या व्हिडिओचे कौतुक केले.

रणवीर सिंग आणि अक्षय खन्ना यांचा ‘धुरंधर’ चित्रपट सध्या देशभरात धुमाकूळ माजवत आहे. चित्रपटची कथाच नाही तर यातील गाणी देखील सोशल मिडियावर प्रचंड व्हायरल झाली आणि यातील एक फेमस चर्चेत ठरणारं गाणं म्हणजे Fa9la! गाण्यातील अक्षय खन्नाच्या स्टेप्सने प्रेक्षकांच मन जिंकल आणि संपूर्ण इंटरनेटवर फक्त याच गाण्याच्या रिल्स दिसू लागल्या. अनेकांनी या स्टेप्स रिक्रिएट देखील केल्या आणि यातीलच एक गोड व्हिडिओ आता सर्वांची मने जिंकत आहे. व्हिडिओमध्ये एक वडिल गाण्यातील स्टेप्स करत आपल्या नवजात मुलीचे स्वागत करताना दिसतो. कुटुंबात मुलगी जन्माला आली म्हणून त्याने केलेला डान्स लोकांना इतका भाळला की व्हिडिओ थेट चित्रपटाचे दिग्दर्शक आदित्य धर आणि त्यांची अभिनेत्री यामी गौतम यांच्यापर्यंत पोहचला. दोघांनीही व्हिडिओवर कमेंट्स करत यावर प्रतिक्रिया व्यक्त केल्या. चला यात काय लिहिण्यात आलं ते जाणून घेऊया.

“तेरे माथे के कुमकुम को…” पतीने लावला पत्नीच्या कपाळावरील कुंकवाचा टिळक, लहानश्या कृतीने जिंकले लाखो युजर्सचे मन; Video Viral

काय घडलं व्हिडिओत?

सोशल मिडियावर प्रचंड व्हायरल होत असलेल्या या व्हिडिओमध्ये एक लिहिण्यात आले आहे की, “जेव्हा डाॅक्टर सांगतात, मुलगी झाली आहे, तेव्हा माझी रिॲक्शन… “. व्हिडिओ सुरु होताच एक महिला हाॅस्पिटलच्या रुममधून बाहेर येते, तिच्या हातात नुकतीच जन्माला आलेली मुलगी असते आणि तिच्या मागून दोन महिला आनंदाने नाचत असतात. ती मुलीली हातात घेऊन बाहेर पडते तर समोर वडिल नाचत चित्रपटातील स्टेप्स फाॅलो करत आपल्या मुलीचे स्वागत करतो आणि प्रेमाने तिला आपल्या हातात पकडतो. वडिलाचे आपल्या मुलीसाठी असलेले प्रेम आणि अनोख्या स्टाईलमध्ये केलेले तिचे हे स्वागत पाहून अनेकांनी आनंद वाटला आणि लोकांनी हा व्हिडिओ वेगाने शेअर करण्यास सुरुवात केली. आणखी एक खास गोष्ट म्हणजे धुरंधर चित्रपटाचे दिग्दर्शक आदित्य धर आणि त्यांची पत्नी अभिनेत्री यामी गौतम यांनी स्वतः या व्हिडिओवर कमेंट करत ‘ट्रेंड विनर’ असल्याचे म्हटले.

See more

Winner Of The Trend ❤️🔥 pic.twitter.com/7kvPDO03IM — POSITIVE FAN (@imashishsrrk) December 17, 2025

See more

Hands down, winner 🙏🏻❤️ https://t.co/24M9fEfbyN — Yami Gautam Dhar (@yamigautam) December 17, 2025

धुरंधर चित्रपट पाहून आलेल्या पाकिस्तानी प्रेक्षकाची कबुली; भावुक झाला अन् म्हणाला, “मान्य करतो की… ” Video Viral

दरम्यान हा व्हिडिओ @imashishsrrk नावाच्या एक्स अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “किती गोड व्हिडिओ आहे” तर दुसऱ्या युजरने लिहिले आहे, “बाळ म्हटलं असेल मी पण धुरंधर पार्ट २ पाहणार” आणखीन एका युजरने लिहिले आहे, “अखेर गोष्टी सुरळीत झाल्या, सगळेच आनंदी , सगळेच आनंदी नाहीत , प्रत्येक भारतीय जिंकला, यार, या ट्रेंडने अक्षरशः देशद्रोही जाळले आणि राष्ट्रप्रेमींना एकत्र केले”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.