मध्यरात्री आकाशातील उल्कापिंड समुद्राच्या दिशेने आला अन् मग जे घडलं… कॅमेरात कैद झाले दृष्य; Video Viral

Viral Video : समुद्र, आकाश अन् त्यात पडला उल्कापिंड... निसर्गाच्या अद्भुत चमत्काराचे दृष्य सध्या सोशल मीडियावर चांगलेच व्हायरल होत असून लोक वेगाने व्हिडिओला शेअर करू लागले आहेत.

• आकाशातून पडणाऱ्या ताऱ्याचं दुर्मिळ दृश्य कॅमेरात कैद झालं.
• वेबकॅमवर थेट कैद झालेला क्षण आता सोशल मीडियावर शेअर करण्यात आला आहे.
• उल्कापिंडातून येणाऱ्या प्रकाशाचं पाण्यात उमटलेलं प्रतिबिंब पाहून अनेकजण थक्क झाले आहेत.

सोशल मिडियावर नेहमीच अनेक नवनवीन व्हिडिओज व्हायरल होत असतात. असाच एक अनोखा व्हिडिओ अलिकडे सोशल मिडियावर शेअर करण्यात आला आहे ज्यात एक दुर्मिळ आणि अनोखे दृश्य कैद झाल्याचे दिसून येते. व्हिडिओमध्ये रात्रीच्या वेळी आपल्याला आकाशातून एक सुंदर प्रकाश समुद्रकिनारी पडल्याचे दिसून येते. यामुळे रात्रीच्या अंधारात अचानक सुंदर दृष्य समुद्रकिनारी उजळून निघते आणि याचाच व्हिडिओ इंटरनेटवर सध्या वेगाने व्हायरल होत आहे. चला व्हिडिओत नक्की काय घडलं ते सविस्तर जाणून घेऊया.

कब्रिस्तानाच्या आत ये…! अंधाऱ्या रात्री फूड डिलिव्हरी बॉयला आला भयावह कॉल, पुढे काय घडलं; Video Viral

काय घडलं व्हिडिओत?

ऑनलाइन व्हायरल झालेल्या व्हिडिओमध्ये, स्थानिक वेळेनुसार रात्री ११:२५ वाजता आकाशात एक चमकदार निळा प्रकाश चमकताना दिसला. हे अनोखे दृश्य हेरेटाउंगा बोटिंग क्लबच्या वेबकॅमवर लाईव्ह रेकॉर्ड करण्यात आले आणि नंतर ते अनेक सोशल मीडिया प्लॅटफॉर्मवर शेअर करण्यात आले. हा व्हिडिओ सोशल मीडियावर जगातील सर्वात मोठ्या महासागरीय हवामान अंदाज कंपन्यांपैकी एक असलेल्या प्रेडिक्टविंड नावाच्या पेजने त्यांच्या इंस्टाग्राम हँडलवर शेअर केला आहे. माहितीनुसार, वेलिंग्टनच्या आकाशात एक अतिशय तेजस्वी उल्कापिंड किंवा पडणाऱ्या ताऱ्यासारखी वस्तू दिसली. व्हिडिओच्या सुरुवातीला आकाश पूर्णपणे काळे दिसते, परंतु अचानक एक तेजस्वी प्रकाश चमकतो.

See more

मुंबईनगरीला आली जपानसारखी बहर! Cherry Blossom चा फील घेण्यासाठी हौशींची गर्दी, Video Viral

उल्कापिंडातून येणारा प्रकाशाचा प्रवाह इतका स्पष्ट आहे की त्याचे प्रतिबिंब खाली असलेल्या पाण्यात पडल्याने दृश्य आणखी सुंदर दिसू लागते. तथापि काही वेळाने हा प्रकाश गायब होतो. व्हिडिओच्या कॅप्शनमध्ये सांगितल्याप्रमाणे ३० जानेवारी २०२६ रोजी हेरेटाउंगा बोटिंग क्लब येथे प्रेडिक्टविंड वेबकॅमवर हे दृष्य थेट कॅमेरात कैद करण्यात आले. यावेळी, कॅमेऱ्याने समुद्राच्या लाटांपेक्षा आकाशातील हालचाली जास्त टिपल्या. अवकाशातून पृथ्वीवर येणाऱ्या गोष्टी मानवाला अधिक थक्क करतात. उल्कापिंड देखील त्याचाच एक भाग आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.