मुंबईच्या जुहू बीचवर व्यक्तीने सुरु केला दुःख वाटण्याचा बिझनेस! साधं दुःख 250 रूपये तर सोबत रडण्यासाठी घेणार 1000 रुपये

Ajab Gajab Business : काय सांगता...! जुहू बीचवर व्यक्तीने सुरु केला दुःख वाटून घेण्याचा बिजनेस. किमती आणि अटी पाहून युजर्सना बसला धक्का. व्यक्तीने दावा केला आहे की एकटेपणा दूर करण्यासाठी लोक खरोखर त्याला भेट देतात.

• मुंबईच्या जुहू बीचवर व्यक्तीने “दुःख ऐकण्याचा” अनोखा व्यवसाय सुरू केला.
• किरकोळ दुःखासाठी ₹250 ते एकत्र रडण्यासाठी ₹1000 अशी फी आहे.
• लोक खरोखरच त्याच्याकडे जाऊन मन मोकळं करत असल्याचा दावा व्यक्तीने केला आहे.

व्यावसाय हा अनेक गोष्टींचा केला जाऊ शकतो. कुणी कपडे विकून व्यावसाय करतो तर कुणी नवनवीन खाद्यपदार्थ विकून… पण तुम्ही आजवर कधी दुःख वाटून घेण्याच्या व्यावसायाविषयी ऐकले आहे का? आम्ही तुम्हाला सांगतो की, मुंबईच्या जुहू बीचवर एका व्यक्तीने या अनोख्या व्यावसायाची सुरुवात केली असून याच्या किमती आणि अटी वाचून लोकांना दुःख नाही तर हसू अनावर झालं आहे. लोकांच्या दुःखालाच आपल्या उत्पन्नाचे साधन बनवू पाहणारा हा व्यक्ती सध्या सोशल मिडियावर चांगलाच व्हायरल होत असून लोकांनी व्हिडिओला वेगाने शेअर करायला सुरुवात केली आहे.

कोल्ड ड्रिंकने भरलेला ट्रक रस्त्यावर पलटला अन् मदतीऐवजी लोकांनी सुरु केली लूटमार; घटनेचा Video Viral

काय घडलं व्हिडिओत?

व्हायरल झालेल्या व्हिडिओमध्ये, एक माणूस समुद्रकिनाऱ्यावर आरामात बसलेला दिसतो.व्यक्तीच्या हातात एक पोस्टर आहे आणि यावर लिहिलेले आहे की, किरकोळ दुःखासाठी २५० रुपये, मोठ्या दुःखासाठी ५०० रुपये तर एकत्र रडण्यासाठी १,००० रुपये आकारले जातील. आता आपल्याला वाटत असेल की व्यक्तीकडे दुःख वाटून घेण्यासाठी कोण जात असेल तर तसं नाही. व्हिडिओ शूट करणारा व्यक्ती जेव्हा माणसाशी बोलतो आणि त्याला त्याच्या बिझनेसविषयी विचारतो तेव्हा माणूस म्हणतो की, लोक खरोखरच त्याच्याकडे येतात आणि आपल्या समस्या मोकळेपणाने सांगतात. तो म्हणतो की, आजच्या जगात अनेक लोक आपल्या भावना कोणासमोरही व्यक्त करू शकत नाहीत. त्यांचे ऐकून घेणारे कोणीही नसते आणि त्यामुळेच ते आतून दुःख भोगत राहतात.

See more

मुंबई के जुहू बीच पर बैठा ये व्यक्ति लोगों के
दुःख बांटने का धंधा करता है,
अगर आपको अपना दुःख बाँटना है,
अपना दुखड़ा सुनाने के लिए कोई नहीं है, तो ये भाई आपकी मदद करेगा, मामूली दुःख के लिए 250 रूपये
बड़े दुःख के लिए 500 रूपये
साथ में रोने के लिए 1 हज़ार रूपये का चार्ज लगता… pic.twitter.com/HglbEIZxi9 — ANIL (@AnilYadavmedia1) March 20, 2026

शवयात्रा आहे की डीजे पार्टी? मृताची शवपेटी घेऊन लोकांनी फिल्मी गाण्यांवर केला डान्स; घटनेचा Video Viral

माणूस पुढे सांगतो की, तो कोणाचीही चेष्टा करत नाही किंवा कोणालाही पारखत नाही. लोकांचे म्हणणे ऐकून घेणे आणि त्यांना सहज वाटेल असे वातावरण निर्माण करणे, हेच त्याचे ध्येय आहे. तो त्यांना गोष्टी समजावून सांगण्याचा प्रयत्न करतो, पण कोणताही दबाव किंवा दडपण न आणता. त्याच्या मते, कधीकधी लोकांना उपायांची गरज नसते, तर फक्त अशा व्यक्तीची गरज असते जी त्यांचे म्हणणे काळजीपूर्वक ऐकून घेईल आणि त्यांना एकटेपणा जाणवणार नाही याची खात्री देईल. लोकांची हिच गरज पूर्ण करण्यासाठी त्याने हा आगळावेगळा व्यावसाय सुरु केला आहे ज्याची आता सोशल मिडियावर चांगलीच चर्चा होऊ लागली आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.