विमानातून दिसला चंद्रावर जाणारा राॅकेट, प्रवाशाने कॅमेरात कैद केले अविस्मरणीय क्षण; Viral Video ने वेधले संपूर्ण जगाचे लक्ष

Artemis Spacecraft Video : नासाने चंद्रावर पाठवलेल्या राॅकेटचे अद्भूत दृष्य विमानाने प्रवास करण्याऱ्या प्रवाशांनी आपल्या फोनच्या कॅमेरात कैद केले. हा एक ऐतिहासिक क्षण होता ज्याची मजा आता यूजर्स देखील लुटत आहेत.

• विमानातील प्रवाशाने खिडकीतून एक दुर्मिळ आणि थरारक दृश्य कॅमेरात कैद केले.
• हे दृश्य पाहून प्रवासी आणि सोशल मीडिया युजर्स दोघेही आश्चर्यचकित झाले.
• व्हिडिओला लाखो लाईक्स मिळून तो वेगाने व्हायरल झाला.

सोशल मिडिया एक असे प्लॅटफाॅर्म आहे जिथे कधी काय दिसून येईल याचा नेम नाही. इथे दररोज अनेक अविस्मरणीय दृष्ये शेअर केले जातात. अलिकडे असाच एक रोमांचक व्हिडिओ इंटरनेटवर सर्वांचेच लक्ष वेधून घेत आहे. व्हिडिओ एका प्रवाशाने विमानाच्या खिडकीतून शूट केला असून यात चंद्राच्या दिशेने जाणाऱ्या नासाच्या आर्टेमिस राॅकेटचे अद्भूत दृष्य दिसून आले. हे दृश्य इतके सुंदर आणि दुर्मिळ होते की प्रवाशांच्या चेहऱ्यावर आश्चर्य आणि आनंद एकाच वेळी दिसून आला. प्रवाशाने हे दृष्य आपल्या फोनच्या कॅमेरात कैद करुन इंटरनेटवर त्याला शेअर केले आणि काही वेळातच व्हिडिओला लाखो लाईक्स मिळाले. चला व्हिडिओतील या दृष्यांविषयी काही सविस्तर माहिती जाणून घेऊया.

“शैक्षणिक पद्धतीला नवी दिशा आवश्यक”, मुख्यमंत्री देवेंद्र फडणवीसांचं विधान

काय दिसलं व्हिडिओत?

सोशल मिडियावर वेगाने व्हायरल होत असलेल्या या व्हिडिओमध्ये आपण पाहू शकता यात ढगांच्या वरुन एक राॅकेट मोठ्या अवकाशात जात असल्याचे दिसते. राॅकेटला अवकाशात जाताना इतक्या जवळून पाहण्याची ही पहिलीच वेळ असल्याने ज्याने ज्याने हा व्हिडिओ पाहिला तो हे दृष्य पाहून थबकला. ५० वर्षांहून अधिक काळाच्या प्रतीक्षेनंतर मानवाच्या चंद्रावरील पुनरागमनाचे प्रतीक असलेले हे ऐतिहासिक प्रक्षेपण पाहण्याचा हा नेत्रदीपक क्षण होता. अनेक यूजर्सने व्हिडिओद्वारे या दृष्यांची मजा लुटली असून अनेकांनी कमेंट यावर आपल्या प्रतिक्रिया देखील व्यक्त केल्या आहेत. व्हिडिओला ३.७ मिलियन लाईक्स मिळाल्या असून वेगाने व्हिडिओ शेअर केला जात आहे.

See more

Alert : ‘Ghost Hiring’ चा सापळा! तुम्हीही अडकू शकता…, 10 पैकी 4 कंपन्या काढताहेत ‘फेक’ भरतीची जाहिरात

हा व्हिडिओ @ksmathandmore नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘आज रात्री घरी परतत असताना, आम्हाला विमानप्रवासाचा एक असा अनुभव आला जो आयुष्यात एकदाच मिळतो. आर्टेमिस II चे प्रक्षेपण सर्वात जबरदस्त कोनातून पाहता यावे म्हणून, आमच्या मार्गात थोडा बदल करण्याची परवानगी दिल्याबद्दल @united चे आभार!’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “आजवरची सर्वात भारी गोष्ट”, दुसऱ्या युजरने लिहिले आहे, “तुम्ही आणि तुमचे कुटुंब किती भाग्यवान आहात. हा खरोखरच आयुष्यातील एक अविस्मरणीय क्षण आहे” आणखीन एका युजरने लिहिले आहे, “अद्भुत-आयुष्यात एकदाच मिळणारा अनुभव!”.

दरम्यान आर्टेमिस ही नासाची ५४ वर्षांनंतर मानवाला चंद्राच्या जवळ नेणारी ऐतिहासिक मोहीम आहे. एप्रिल २०२६ मध्ये प्रक्षेपित झालेल्या या मोहिमेत ४ अंतराळवीर ‘ओरायन’ अंतराळयानातून चंद्राभोवती प्रदक्षिणा घालून परतण्याचा प्लॅन आहे. ते चंद्रावर पोहचतील पण तिथे उतरणार नाहीत. ही मोहीम भविष्यातील चंद्रावरील मानवी वास्तव्यासाठी अत्यंत महत्त्वाची ठरणार असल्याचे सांगण्यात येत आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.