प्लास्टिक टाकणे थांबवा! विद्यार्थिनीने 20 फूट खोल पाण्यात भरतनाट्यम सादर करत दिला संदेश; कलेचे अद्भुत सादरीकरण अन् Video Viral

Bharatanatyam Underwater : कलेतून पर्यावरणाचा आवाज! प्रदूषणाविषयी जनजागृती पसरवण्यासाठी तामिळनाडूतील तरुणीने अनोखा मार्ग निवडला. समुद्राच्या आत गेली अन्... अनोख्या व्हिडिओने सध्या सर्वांचेच लक्ष वेधले आहे.

• २० फूट पाण्याखाली भरतनाट्यम सादर करून प्लास्टिक प्रदूषणाविरोधात संदेश.
• पुद्दुचेरीतील नृत्यांगना आणि डायव्हर थरगाई अरथनाची अनोखी कल्पना.
• पर्यावरण जागृतीचा व्हिडिओ सोशल मीडियावर वेगाने व्हायरल होत आहे.

प्रदूषण हे दिवसेंदिवस वेगाने वाढत चालले असून ते आपल्या रोजच्या जीवनावर वाईट परिणाम करत आहे. वाढते प्रदुषण हवा, जमीन, पाणी आणि मातीवर परिणाम करते. यामुळे लोकांची काॅलीटी ऑफ लाईफ बिघडते. अनेक उपक्रम राबवूणही लोक आजही यावर फारसे लक्ष देत नसल्याने पुद्दुचेरीतील एका तरुणीने आपल्या नृत्याच्या कलेने एक अनोखा संदेश देऊ पाहिला आहे. समुद्रात वाढणारे प्रदूषण पाहून तिने पाण्याच्या आत भरतनाट्यम सादर करत जागरूकता निर्माण केली. तरुणीची ही अभिनव कल्पना आणि कलेने सोशल मिडियावर सर्वांचे लक्ष वेधले असून याचा व्हिडिओ इंटरनेटवर वेगाने व्हायरल होत आहे. चला व्हिडिओत नक्की काय दिसलं ते सविस्तर जाणून घेऊया.

अरे जरा तरी लाज वाटू द्या! अपंग मुलाच्या डोळ्यात भरली मिरची पावडर, बेल्टने मारत शिक्षकाने ओलांडली मर्यादा; Video Viral

काय दिसलं व्हिडिओत?

सोशल मीडियावर व्हायरल असलेलया या व्हिडिओमध्ये थरगाई अरथना नावाची ही तरुणी, एक नृत्यांगना आणि डायव्हर आहे. ती सुमारे २० फूट पाण्याखाली भरतनाट्यम सादर करत जनतेला अनोखा संदेश देते. यावेळी तिने पारंपारिक भरतनाट्यम पोशाख परिधान केला आहे, जो दागिने आणि मेकअपने परिपूर्ण आहे, प्लास्टिक प्रदूषणाबद्दल जागरूकता निर्माण करण्यासाठी तिने जमिनीवरील स्टेजऐवजी समुद्राची खोली निवडली. हा व्हिडिओ मे महिन्यात टेल माय स्टोरीने शेअर केला असला तरी, तो पुन्हा एकदा इंटरनेटवर लोकांचे लक्ष वेधून घेत आहे. आंतरराष्ट्रीय नृत्य दिनानिमित्त, थरगाईने बंगालच्या उपसागरातील रामेश्वरमजवळ पाण्याखाली भरतनाट्यम सादर केले. तिने शास्त्रीय नृत्याच्या मदतीने प्लास्टिक कचऱ्यामुळे सागरी जीव आणि समुद्रातील परिसंस्थांना होणाऱ्या नुकसानाबद्दल जागृती निर्माण केली.

क्लिपमध्ये, थरगाईने शेअर केले, “तर आम्ही प्लास्टिकबद्दल जागरूकता निर्माण करण्यासाठी पारंपारिक भरतनाट्यम पोशाख घालून पाण्याखाली नृत्य केले आहे.” पाण्यात बुडालेले असूनही आणि संगीत ऐकू येत नसतानाही, तिची लय अचूक होती आणि तिने साई पल्लवीच्या श्याम सिंघा रॉय चित्रपटातील प्रणवलय या गाण्यावर नृत्य सादर केले.

See more

हीच खरी श्रीमंती! कामावरुन परतेल्या वडीलांचे मुलीनं केलं गोड स्वागत, क्षणात थकवा गायब; VIDEO VIRAL

याचा व्हिडिओ @oc_.alpha.sp नावाच्या इंस्टाग्राम अकाऊंटवरून शेअर करण्यात आला आहे.व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “देशाची मुलगी आणि हिच खरी प्रेरणा” तर दुसऱ्या युजरने लिहिले आहे, “हे फेक आहे, २० फूट खोल पाण्यात तुम्हाला नाचता येणार नाही” आणखीन एका युजरने लिहिले आहे, “मी याची प्रशंसा करतो पण समुद्राखाली जाऊन हे असं करण्याची गरज नव्हती, ते धोकादायक ठरु शकते ”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.