Iran-US War : डोनाल्ड ट्रम्प यांच्या आक्रमक भूमिकेला अमेरिकेतूनच विरोध; युद्धातून माघार घ्यावी लागणार?

जगातील सर्वात महत्त्वाचा तेल आणि वायू पुरवठा मार्ग असलेला हा जलमार्ग फेब्रुवारी अखेरपासून अमेरिका-इस्रायल विरुद्ध इराण युद्धामुळे जवळपास बंद आहे. यामुळे जागतिक बाजारात तेलाच्या किंमतींनी उच्चांक गाठला आहे.

वॉशिंग्टन : सध्या इराणवर अमेरिका आणि इस्त्रायल या दोन्ही देशांकडून हल्ले केले जात आहेत. त्याला इराणकडूनही जोरदार प्रत्युत्तर दिले जात आहे. त्यातच आता अमेरिकेचे राष्ट्राध्यक्ष डोनाल्ड ट्रम्प यांनी ‘स्ट्रेट ऑफ हॉर्मुझ’वरून इराणला दिलेल्या धमकीत अत्यंत खालच्या पातळीवरील शब्दांचा वापर केल्याने अमेरिकन नेत्यांनी तीव्र चिंता व्यक्त केली आहे. ट्रम्प यांनी इराणच्या ऊर्जा प्रकल्पांना आणि पुलांना उडवून देण्याचा इशारा दिला आहे. याला सत्ताधाऱ्यांनीही विरोध केला आहे.

जगातील सर्वात महत्त्वाचा तेल आणि वायू पुरवठा मार्ग असलेला हा जलमार्ग फेब्रुवारी अखेरपासून अमेरिका-इस्रायल विरुद्ध इराण युद्धामुळे जवळपास बंद आहे. यामुळे जागतिक बाजारात तेलाच्या किंमतींनी उच्चांक गाठला आहे. हॉर्मुझ मार्ग खुला करण्यासाठी मदत न करणाऱ्या युरोपियन आणि नाटो मित्रदेशांवरही ट्रम्प यांनी संताप व्यक्त केला आहे. दरम्यान,  राजधानी वॉशिंग्टन डीसीमध्ये व्हाईट हाऊसच्या अगदी जवळ गोळीबार झाल्याची घटना घडली आहे. ‘लाफायेट पार्क’ जवळ मध्यरात्री ही घटना घडली तेव्हा राष्ट्राध्यक्ष ट्रम्प व्हाईट हाऊसमध्येच उपस्थित होते. सीक्रेट सर्व्हिसने परिसराची झडती घेतली असून, सुदैवाने यात कोणीही जखमी झाल्याचे वृत्त नाही. सुरक्षा यंत्रणा सध्या या प्रकरणाचा तपास करत आहेत.

डेमोक्रॅटिक पक्षाचे ज्येष्ठ नेते आणि सिनेट सदस्य चक शुमर यांनी ट्रम्प यांच्या विधानाचा निषेध करत त्याला ‘एका असंतुलित व्यक्तीची बडबड’ म्हटले आहे. त्यांच्या मते, ट्रम्प यांच्या अशा वागण्यामुळे मित्रदेश अमेरिकेपासून दूर जात आहेत. ट्रम्प यांच्या माजी सहकारी मार्जरी टेलर ग्रीन यांनीही कडक शब्दांत टीका करत म्हटले की, राष्ट्राध्यक्ष सध्या ‘वेडापिसा’ वागत असून प्रशासनातील लोकांनी यात हस्तक्षेप करण्याची गरज आहे.

ट्रम्प सरकारच्या निर्णयाविरोधात जनता रस्त्यावर

राष्ट्राध्यक्ष डोनाल्ड ट्रम्प यांच्या इराणविरुद्धच्या युद्धाविरोधात, अमेरिकेतील ३३०० ठिकाणी ८० लाखांहून अधिक लोकांनी ‘नो किंग्स रॅली’ काढली आहे. अमेरिकेतील मोठ्या संख्येने लोक इराणविरुद्धच्या युद्धामुळे संतप्त आहेत. त्यांनी ट्रम्प यांचे कठोर स्थलांतर कायदे आणि महागाई यांसारखे मुद्देही उपस्थित केले आणि राष्ट्राध्यक्ष ट्रम्प व उपराष्ट्राध्यक्ष जे. डी. वेन्स यांच्या राजीनाम्याची मागणी केली.

हेदेखील वाचा : US-Israel Iran War : “हिंमत दाखवा, होर्मुझला जा आणि तेल मिळवा…” डोनाल्ड ट्रम्प संतापले, संकटग्रस्त देशांना दिले दोन पर्याय