टोकियो : सोमवारी पश्चिम जपानमध्ये ७.५ रिश्टर स्केल तीव्रतेचा भूकंप आला. काल एका दिवसात सुमारे 155 भूकंपांच्या धक्कांमुळे (Japan Earthquake) जपान हादरला. या भूकंपामुळे 13 जणांचा मृत्यू झाला असून अनेक जण जखमी झाले आहेत. भूकंपानंतर त्सुनामीचा इशारा देण्यात आला होता, जो मंगळवारी मागे घेण्यात आला.
[read_also content=”अर्जेंटिनाचे राष्ट्राध्यक्ष वादात भोवऱ्यात,न्यू इयर पार्टीत स्टेजवर गर्लफ्रेंडला केलं किस! https://www.navarashtra.com/world/argentina-president-javier-milei-kissed-girlfriend-fatima-florez-on-stage-grps-494257.html”]
जपान मेट्रोलॉजिकल ऑफिस (जेएमओ) ने केलेल्या नोंदनुसार, सर्वात शक्तिशाली भूकंपाची तीव्रता रिश्टर स्केलवर 7.6 इतकी होती. यानंतर 6 पेक्षा जास्त तीव्रतेचे अनेक धक्के बसले. नंतर भूकंपाची तीव्रता कमी झाली. बहुतेक हादरे तीनपेक्षा जास्त तीव्रतेचे होते.
या भूकंपामुळे त्सुनामीच्या लाटा एक मीटरपेक्षा जास्त उसळल्या. त्यामुळे अनेक घरांचे नुकसान झाले. अनेक ठिकाणी आगीही लागल्या. भूकंप आणि त्सुनामीमुळे संपूर्ण जपानमध्ये प्रचंड विध्वंस झाला. जपानमध्ये सध्या प्रचंड थंडी आहे.
भूकंपामुळे अनेक भागात वीज गेली असून, त्यामुळे लोकांच्या अडचणी वाढल्या आहेत. अनेक व्हायरल झालेल्या व्हिडिओमध्ये कोसळलेल्या इमारती, बंदरातील बोटी, जळालेली घरे दिसत आहेत. भूकंपामुळे वाजिमा बंदराजवळ समुद्रात १.२ मीटर उंच लाटा उसळल्या. या लाटांच्या धडकेने बंदराचे नुकसान झाले आहे. इतरत्र लहान सुनामी आल्याची नोंद आहे.
भूकंपामुळे सुझूमध्ये अधिक विध्वंस झाला आहे. मंगळवारी या भागातील सुमारे 32,700 घरांमध्ये वीज नाही. हजारो लोकांना त्यांची घरे रिकामी करण्याचे आदेश देण्यात आले आहेत. लष्करी तळावर सुमारे 1,000 लोक राहत असल्याचे संरक्षण मंत्रालयाने सांगितले.
आपत्ती प्रतिसाद बैठकीनंतर सोमवारी उशिरा पंतप्रधान फुमियो किशिदा म्हणाले, “मी आपत्कालीन कर्मचाऱ्यांना शक्य तितक्या लवकर या भागात पोहोचण्याच्या सूचना दिल्या आहेत. सध्या खूप थंडी आहे. मी विमाने किंवा जहाजे वापरून पाणी, अन्न, ब्लँकेट इत्यादी पाठवले आहेत. गरम तेल, पेट्रोल, इंधन तेल यांसारख्या अत्यावश्यक पुरवठा करण्याच्या सूचना देण्यात आल्या आहेत.
.png "Videos"){kind=small}
