फ्लोरिडाच्या समुद्रात मिळाला ३०० वर्ष जुना खजिना (फोटो सौजन्य - X.com)
समुद्राच्या खोलवर लपलेल्या रहस्यांच्या कथा नेहमीच रोमांचक असतात. अमेरिकेतील फ्लोरिडा किनाऱ्यावरील Divers नी ३०० वर्षे जुन्या जहाजाच्या ढिगाऱ्यातून १,००० हून अधिक सोन्या-चांदीची नाणी शोधून काढली आहेत. हे तेच जहाज आहे जे ऐतिहासिकदृष्ट्या “Treasure Fleet” म्हणून ओळखले जाते. १७१५ मध्ये, हे स्पॅनिश जहाज वादळात बुडाले आणि लाखो रुपयांचा खजिना सोबत घेऊन गेले.
या शोधामुळे पुन्हा एकदा ३०० वर्षे जुन्या दुर्घटनेला पुन्हा जिवंत केले आहे जेव्हा एका वादळाने १२ जहाजे वेढली आणि शेकडो खलाशांचा मृत्यू झाला होता, त्यामुळे या जहाजाला ‘मृत्युचे जहाज’ असेही म्हणतात. आता, डायव्हर्सनी खजिन्याचा एक महत्त्वाचा भाग शोधून काढला आहे. त्यात केवळ सोने-चांदीची नाणीच नाही तर काही दुर्मिळ सोन्याच्या कलाकृतींचादेखील समावेश आहे
खजिना कसा सापडला?
1715 Fleet- Queens Jewels नावाच्या जहाजाच्या दुर्घटनेतील बचाव कंपनीला या जहाजांवर डुबकी मारण्याचे अधिकार देण्यात आले आहेत. त्याच टीमने अलीकडेच समुद्रतळातून १,००० हून अधिक चांदीचे रिअल (आठ तुकडे) आणि पाच सोन्याचे एस्कुडो शोधले आहेत. कंपनीचे ऑपरेशन्स डायरेक्टर साल गुट्टुसो म्हणाले,
“प्रत्येक नाणे इतिहासाचा एक भाग आहे. इतक्या मोठ्या संख्येने नाणी एकत्र मिळणे अत्यंत दुर्मिळ आणि असाधारण आहे.”
नाणी कुठे टाकण्यात आली होती?
तज्ज्ञांच्या मते, ही नाणी मेक्सिको, पेरू आणि बोलिव्हियाच्या स्पॅनिश वसाहतींमध्ये टाकण्यात आली असावीत. अनेक नाण्यांवर मिंट मार्क्स आणि तारखा स्पष्टपणे दिसतात. त्यांची उत्कृष्ट स्थिती पाहता, असे मानले जाते की ही नाणी एका संग्रहाचा भाग होती जी जहाज खराब झाल्यावर समुद्रात एकत्र विखुरली गेली आणि त्यानंतर त्वरीत वाळूमध्ये गाडली गेली.
१७१५ चे डेथ फ्लीट
इतिहासकार म्हणतात की जुलै १७१५ मध्ये, स्पॅनिश साम्राज्याची १२ जहाजे मौल्यवान नाणी आणि दागिन्यांनी भरलेली क्युबाहून स्पेनला रवाना झाली. वाटेत, फ्लोरिडाजवळील एका चक्रीवादळाने यापैकी ११ जहाजे बुडाली, ज्यामुळे सुमारे ४०० दशलक्ष डॉलर्सचा खजिना नष्ट झाला.
अपघातानंतर लगेचच काही खजिना सापडला, परंतु उर्वरित खजिन्याबाबत शतकानुशतके गूढ तसेच राहिले. या जहाजांमध्ये स्पेनचा राजा फिलिप पाचवा यांच्या पत्नीच्या हुंड्याचा काही भाग होता, ज्यामध्ये ७४ कॅरेटची पाचूची अंगठी आणि मोत्याचे कानातले यांचा समावेश होता असे मानले जाते.
हा खजिना कोण ठेवेल?
अशा पद्धतीने जहाजावर खजिना सापडण्याची ही पहिलीच वेळ नाही. २०१५ मध्ये, डायव्हर्सनी जवळजवळ १ दशलक्ष डॉलर्स किमतीची सोन्याची नाणी आणि साखळ्या जप्त केल्या आहेत. तर २०२४ मध्ये, अधिकाऱ्यांनी पूर्वी नोंदवलेली ५० चोरीची नाणी जप्त केली.
फ्लोरिडा कायद्यानुसार, परवानगीशिवाय जहाजांमधून खजिना काढणे बेकायदेशीर आहे. 1715 Fleet- Queens Jewels ना या जहाजांमधून खजिना काढण्याचे विशेष अधिकार आहेत. जप्त केलेला खजिना स्थानिक संग्रहालयांमध्ये जतन केला जाईल आणि प्रदर्शित केला जाईल असे सांगण्यात आले आहे.
.png "Videos"){kind=small}
