अमेरिकच्या NSA ची एस. जयशंकर यांनी घेतली भेट; 'या' मुद्द्यांवर करण्यात आली चर्चा
नवी दिल्ली: भारतीय परराष्ट्र मंत्री एस. जयशंकर सध्या त्यांच्या 6 दिवसीय अमेरिकी दौऱ्यावर आहेत. या दौऱ्यादरम्यान, एस. जयशंकर यांनी भारत-अमेरिका द्विपक्षीय संबंध, प्रादेशिक मुद्दे आणि विविध जागतिक विषयांवर महत्त्वपूर्ण चर्चा करण्यात आली आहे. 27 डिसेंबर रोजी व्हाइट हाऊसमध्ये त्यांनी अमेरिकेच्या राष्ट्रीय सुरक्षा सल्लागार (NSA) जेक सुलिवन यांची भेट घेतली. या बैठकीत भारत-अमेरिका धोरणात्मक भागीदारीची प्रगती आणि प्रादेशिक तसेच जागतिक घडामोडींवर विस्तृत चर्चा करण्यात आली.
एस. जयशंकर सोशल मीडिया पोस्ट
एस. जयशंकर यांनी या भेटीबद्दल सोशल मीडिया प्लॅटफॉर्म एक्सवर माहिती दिली. त्यांनी आपल्या पोस्टमध्ये म्हटले आहे की, “वॉशिंग्टन डी.सी. येथे अमेरिका राष्ट्रीय सुरक्षा सल्लागार जेक सुलिवन यांच्याशी भेटून खूप आनंद झाला. भारत-अमेरिका धोरणात्मक भागीदारीच्या प्रगतीबद्दल आणि वर्तमान प्रादेशिक-जागतिक परिस्थितीवर विचारांची देवाणघेवाण केली.” ही बैठक भारत आणि अमेरिका द्विपक्षीय संबंधांसाठी अत्यंत महत्त्वपूर्ण मानली जात आहे.
Good to meet US NSA @JakeSullivan46 in Washington D.C. this morning. A wide ranging discussion on the progress of 🇮🇳 🇺🇸 strategic partnership. Also exchanged views on current regional and global developments. pic.twitter.com/RtvTNAlHq7 — Dr. S. Jaishankar (@DrSJaishankar) December 26, 2024
इतर वरिष्ठ सदस्यांशी चर्चा
भारतीय परराष्ट्र मंत्रालयाने सांगितले की, या दौऱ्यादरम्यान एस. जयशंकर भारतीय महावाणिज्य दूतांच्या एका महत्त्वपूर्ण परिषदेचे अध्यक्षपद भूषवणार आहेत. त्याचबरोबर, ते अमेरिकी परराष्ट्र मंत्री अँटनी ब्लिंकन आणि बायडेन प्रशासनातील इतर वरिष्ठ सदस्यांशी देखील चर्चा करणार आहेत. ही भेट भारत-अमेरिका संबंध अधिक दृढ करण्यासाठी महत्त्वाची मानली जात आहे.
भारत-अमेरिका धोरणात्मक संबंधांना नवीन उंची
या दौऱ्याचे महत्त्व अधिक वाढले आहे. कारण येत्या काही दिवसांत डोनाल्ड ट्रम्प पुन्हा एकदा अमेरिकेचे राष्ट्राअध्यक्ष म्हणून पदभार स्वीकारणार आहेत. त्यामुळे जयशंकर आणि सुलिवन यांच्यात झालेल्या चर्चेमुळे पुढील धोरणात्मक पायाभूत निर्णयांवर परिणाम होण्याची शक्यता आहे. जयशंकर यांची ही भेट पंतप्रधान नरेंद्र मोदी यांच्या सप्टेंबरमधील अमेरिकी दौऱ्यानंतर होत आहे. यामध्ये त्यांनी चौथ्या क्वाड लीडर्स शिखर परिषदेचा भाग घेतला होता.
या बैठका भारत-अमेरिका धोरणात्मक संबंधांना नवीन उंचीवर नेण्याचा प्रयत्न दर्शवतात. अमेरिकी दौऱ्यात द्विपक्षीय चर्चांसोबतच जागतिक मुद्द्यांवर सहकार्य वृद्धिंगत करण्याचे प्रयत्न केले जात आहेत. जागतिक स्तरावर चीनच्या वाढत्या प्रभावाच्या पार्श्वभूमीवर भारत-अमेरिका संबंध अधिक दृढ करण्याचा हा एक महत्त्वपूर्ण टप्पा मानला जात आहे.
.png "Videos"){kind=small}
