Bondi Beach Attack : कोण आहे अहमद-अल-अहमद? ज्याने सिडनीत जीवावर खेळत दहशतवाद्याची हिसकावली बंदूक, VIDEO

Bondi Beach Terror Attck update : ऑस्ट्रेलियात सिडनीमध्ये झालेल्या दहशतवादी हल्ल्याने संपूर्ण देश हादरला आहे. या हल्ल्यात १६ जणांचा मृत्यू झाला असून अनेक जखमी आहेत. दरम्यान या हल्ल्यात एका सामान्य नागरिक हिरो बनला आहे.

• कोण आहे अल अहमद?
• जीवाची पर्वा न करता दहशतवाद्याची हिसकावली बंदूक
• व्हिडिओ व्हायरल

Australia Bondi Beach Attack News Marathi : कॅनबेरा : ऑस्ट्रेलियाच्या (Australia) सिडनी येथील बोंडी बीच परिसरात झालेल्या सामूहिक गोळीबाराने (Firing ) संपूर्ण देश हादराल आहे. या हल्ल्यात १६ जण मृत्यूमुखी पडले असून अनेक लोक जखमी झाले आहे. यहूदी समुदायाच्या पवित्र सण हुनक्काचे सेलिब्रेशन होत असताना हा हल्ला झाला आहे. यामुळे याला दहशतवादी हल्ल्याचे स्वरुप देण्यात आले आहे. दरम्यान या हल्ल्यात एका सामान्य नागरिकाच्या धाडसामुळे अनेकांचा जीव बचावला आहे. ही व्यक्ती संपूर्ण देशासाठी हिरो बनली आहे. याचे नाव अहमद-अल-अहमद असून सध्या याचा दहशतवाद्याकडून बंदूक हिसकावून घेतानाचा व्हिडिओ सोशल मीडियावर व्हायरल होत आहे. तसेच अहमदचे सर्वत्र कौतुकही केले जात आहे.

सिडनीत मृत्यूचे तांडव! बोंडी बीच हल्ल्यामागे पाकिस्तानी बाप-लेकाचा हात? अमेरिकन गुप्तचर संस्थेचा दावा

व्हायरल होत असलेल्या व्हिडिओमध्ये तुम्ही पाहू शकता की, अहमदने निशस्त्र असताना देखील आपल्या जीवाची पर्वा न करता दहशतवाद्याकडून बंदूक हिसकावून घेतली आहे. तुम्ही पाहू  शकता की, एका पार्किंग लॉटमध्ये अहमद वाहनांच्या आड लपलेला आहे. यावेळी अहमदने योग्य संधी साधून दहशतवाद्याला मागून पकडले आहे. त्याने त्याच्या हातातून बंदूक हिसकावण्यासाठी जीवाची बाजी मारली आहे. हल्लेखोराची मान पकडत त्याने बंदूक हिसकावून घेतली आहे. यानंतर त्याने हल्लेखोराला खाली पाडले आहे. हे केवळ १५ सेकंदात घडले असून याचा व्हिडिओ सोशल मीडियावर मोठ्या प्रमाणात व्हायरल होत आहे.

कोण आहे अहमद-अल-अहमद?

ऑस्ट्रेलियाच्या स्थानिक मीडियाने दिलेल्या वृत्तानुसार, अहमद-अल-अहमद हा ४३ वर्षाचा सामान्य फळ विक्रेता आहे. गोळीबार होत असताना तो तिथून जात होता. त्याला बुंदकांचा कोणताही अनुभव नव्हता. मात्र त्याने आपल्या धाडसाने हल्लेखोराला थांबवल. आपल्या जीवाची पर्वा न करता केवळ १५ सेकंदात त्याने हल्लेखोराला ढेर केले. ज्यामुळे अनेक निरापराध लोकांचा जीव वाचला.

अहमद जखमी

दरम्यान हल्लेखोराकडून बंदुक हिसकावून घेताना अहमदला गोळ्या लागल्या आहेत.त्याला रुग्णलायात दाखल करण्यात आले असून त्याच्यावर शस्त्रक्रिया सुरु आहे. अनेक प्रत्यक्षदर्शींनी त्याना हिरो म्हणत तो लवकर बरा होईल अशी प्रार्थना केली आहे. ऑस्ट्रेलियाचे पंतप्रधान अँथनी अल्बानीज यांनी देखील अहमदच्या धाडसाचे कौतुक करत त्याला सलाम केला आहे.

See more

After Brown University, massive shooting was seen during the festival of Hanukkah on the Jewish people at Bondi Beach in Sydney Australia Seen here is a brave man single handedly taking down on the shooter Incredible pic.twitter.com/DfoFzVKYjv — Dennis jacob (@12431djm) December 14, 2025

Sydney Firing: ऑस्ट्रेलियातील सिडनीमध्ये पहलगामसारखी घटना; बोंडी बीचवर अंदाधुंद गोळीबारात अनेकांचा मृत्यू, नेमके काय घडले?